Lûke 23:7 - Mbëtï Ndjapä: TÄFO MADƗ̈

⁷ Ndə̂ Pïlâte djê rə̂ pä Jezü də̈ akrə pâ cho ndə̂ Hërôde wâtə̂ goverenëre pânə̈, Pïlâte wân Jezü sə̈ Hërôde ndə̂ tche sə̂ ndjë bhâ Jerûzalêmo lə̂ alö nə̈ lâme.

Lûke 23:7 Iomraidhean Croise

Matiyə̈ 14:1

Tə̂ lo nə̈ lâme, Hërôde Äntïpâse ndə̂ tche wâtə̂ goverenëre pâ Galilë djê apö ndə̂ âkɨ̂ la rə̈ Jezü,

Matiyə̈ 14:3

Dëkë Hërôde zäma alême sə̈ azü ndə̂kə̂ pa andjë za Jâan-Batîse kə̈ î tchë la djingîli kə̈ yî tchë bhâlə̂ nda kânga. Hërôde känga tchë bëte Hërödîâde ndə̂ tche wâtə̂ ɛ̈chë ndə̂ yîngâ yê Fïlîpe.

Matiyə̈ 14:6

Dëkë lə̂ köbosə̂ kpülü ndə̂ lö kə̂ zɨ Hërôde, ɛ̈wünrə ndə̂ Hërödîâde dâ ɛ̈ngbä tchâtchu azü ndə̂ Hërôde ê andjê ndə̂ kpülü nə̈. Ɛ̈ngbä ndə̂ yê nə̈ fü tə̂ Hërôde tə̂ gbölösə̂nə̈.

Mâreke 6:14

Gbïɛ̈ Hërôde djê pö ndə̂ Jezü bëte rə̈ yê zä tchô gbɛ̂. A tö rə̂ päkëdə̂: «Jâan-Batîse jô lə̂ kuzü nə̂, bëte rə̂ kä ndə̂ tche wâ la gbôgbô ndə̂kə̂ mbo akpɨ̈ngbɨ̈ rə.»

Lûke 13:31

Lo nə̈ lâme, angâ afarizïɛ̈n nə̂ ndola Jezü, kə̈ tô rə̂ sə̈ tchë päkëdə̂: «Amö wutu tchâtə, kə̈ ê atə̂lə̂ ngâ gö ngbî, bëte gbïɛ̈ Hërôde nyïndə̂ kə̂ won mö.»

Lûke 23:6

Ndə̂ Pïlâte djê pö lâme, tche yûkû nə̈ päkëdə̂: «Köchë âtə də̈ akrə gö ndə̂ Galilë?»

Lûke 3:1

Lə̂ ngû lə̂ könô gbɛ̂ tchêpâ nə̈ mïndûu nə̈ ndə̂ Tibëre wâ alême gbölö gbïɛ̈, Pônse Pïlâte wâ alême tə̂ goverenëre pâ cho ndə̂ Judë. Hërôde wâtə̂ kömändâ pâ cho ndə̂ Galilë, ânyë yîngâ yê Fïlîpe wâtə̂ kömändâ pâ cho ndə̂ Iturë la Träkönîte. Lïzänïâse wâtə̂ kömändâ pâ cho ndə̂ Äbïlêne.

Lûke 9:7

Hërôde ndə̂ tche wâtə̂ goverenëre pâ Galilë djê ndjë pö ndə̂ rə gbɛ̂ ndə̂ Jezü mbô rə̂. Tche zâ küma yê pâ pö lâme tʉrʉ-ê. Bëte angâ azü tö rə̂ päkëdə̂: «Jâan-Batîse ndə̂ tche tchû alême jô nə̂.»

Abadjângele 4:27

«Tə̂ lëge nə̈, Hërôde la Pônse Pïlâte, andjê la azü pâ cho la azü ndə̂ Isarayële pälatə̂ andjê lə̂ gbölö gö âtə. Andjë nyïkrə pö tə̂ Jezü, earə̂ kua ndə̂ zə̈ ndə̂ tche wâ ngbî bëte mö, tchanə̈ ndə̂ mo dɨ̂ tchë ndə̂kə̂ watə̂ Mesï.