Lûke 23:5 - Mbëtï Ndjapä: TÄFO MADƗ̈

⁵ Praâbalë gbô azü nə̈ ndə̂po lakə̂ yi pö lə̂ küma yê päkëdə̂: «Tche sə̈ lakə̂ mbo rə̂ pä azü alafô la pö lə̂ köbosə̂ kə̂ nyisə̂ rə ndə̂ yê. Tche jëtâ bhâ Galilë, kə̈ ê la rə̂ lə̂ agö ndə̂ Judë gbɛ̂ zoo, kə̈ wûtu la rə̂ tchâtə.»

Lûke 23:5 Iomraidhean Croise

Matiyə̈ 11:1

Ndə̂ Jezü kâ pö ndə̂ yê, tche zâma sə̈ adjisîpili ndə̂ yê lə̂ könô gbɛ̂ tchêpâ nə̈ bïchuû, kə̈ âlafô kə̈ ê ndə̂kə̂ nyisə̂ rə sə̈ azü, lakə̂ mu Tchôtchô Pö lə̂ agö ndə̂ andjê.

Matiyə̈ 2:1

A zɨ̈ Jezü bhâ Bêtelehêmo lə̂ gö ndə̂ Judë, lo nə̈ ndə̂ Hërôde wâtə̂ gbïɛ̈. A-earə̂ kə̂ pu dju rə pâ akêkêrə̂ tô dəsə̂nə̈ ndə̂ lo wutu tâ kə̈ wûtu bhâ Jerûzalêmo.

Matiyə̈ 27:24

Ndə̂ Pïlâte âsə̈ wun rə̂ pä anyë mbô rə̂ nə̂ tʉrʉ-ê, ânyë azü nə̈ âlafô la pö tə̂ gbölösə̂nə̈, tche zâ ngû kə̈ djûtu könô yê tchâtchu kpûlû azü nə̈ lakə̂ to rə̂ päkëdə̂: «Pö ndə̂ jï köchë âtə wâbo lə̂ küma mê-a, äwün kütû nyê.»

Matiyə̈ 4:23

Jezü nə̈ kulə̂ agö ndə̂ Galilë gbɛ̂. Tche nyïsə̂ rə sə̈ azü lə̂ anda kə̂ voga Ndjapä ndə̂ ajuîfu lə̂ gö nə̈. Tche mü Tchôtchô Pö ndə̂ Gbölö gö-gbïɛ̈ ndə̂ tchêlafô. Tche tchä a-earə̂ tə̂kömbô la azü ndə̂ ngâ tchâme-tə̂ andjê ndɨ̂.

Mâreke 1:14

La tchêngbâ nə̈ ndə̂ a yî Jâan bhâlə̂ nda kânga, Jezü ê atə̂ Galilë kə̈ mû Tchôtchô Pö ndə̂ Ndjapä sə̈ azü.

Lûke 11:53

Ndə̂ Jezü wûtu tchâalê ndə̂ farizïɛ̈n nə̈ lâme, su a-earə̂ kə̂ nyisə̂ ndïɛ̈ la afarizïɛ̈n jêtə̂ kə̂ kʉ andjê tə̂ yê tə̂ gbölösə̂nə̈, ânyë andjë sə̂ lakə̂ yu tchë la pö pâ arə gbɛ̂.

Lûke 23:23

Praâbalë gbô andjê ndə̂po lakə̂ on ngbôô pä a bhi kütû Jezü tə̂ yö ndə̂ gba. Ôn ndə̂ andjê nə̈ rô masə̂nə̈-ê.

Lûke 23:6

Ndə̂ Pïlâte djê pö lâme, tche yûkû nə̈ päkëdə̂: «Köchë âtə də̈ akrə gö ndə̂ Galilë?»

Jâan 1:43

Tchô krâ, Jezü nyîndə̂ kə̂ e atə̂ Galilë. Tche gbô Fïlîpe kə̈ tô rə̂ sə̈ tchë päkëdə̂: «Amö nə ngbâ mê.»

Jâan 19:15

Praâbalë andjë kâ tâ wârə̂ päkëdə̂: «Amö won tchë! Amö won tchë! Amö won tchë pâ yö ndə̂ gba!» Pïlâte yû andjê päkëdə̂: «Äwäpä më won gbïɛ̈ ndə̂ nyê pâ yö ndə̂ gba?» Agbölö a-earə̂ kə̂ wa ngela sə̈ Ndjapä tô rə̂ päkëdə̂: «Ârâ wâbo la ngâ gbïɛ̈ ngbî-a, kütû Sezäre balë!»

Jâan 2:11

Käko kä ndə̂ Jezü jêtə̂ kə̂ mbo dokʉ̈ kpɨ̈ngbɨ̈ rə ndə̂ yê bhâ Kanä, lə̂ gö ndə̂ Galilë. Jezü nyïsə̂ gbölö gbôgbô ndə̂ yê ânyë adjisîpili zâ su andjê sə̈ tchë.

Jâan 7:41

Angânə̈ tô rə̂ päkëdə̂: «Tche wätə̂ Krîsiti!» Praâbalë angânə̈ tô ndjë rə̂ päkëdə̂: «Krîsiti nə̈ âto bhâ Galilë ânyë kə̂ nə?

Jâan 7:52

Andjë tô rə̂ ndə̂nə̈ sə̈ tchë päkëdə̂: «Mo də̈ ndjë ngâ akrə gö ndə̂ Galilë? Amö pu rə̂ lə̂ Mbëtï Ndjapä, kə̂ wun-adje rə̂ pä ngâ earə̂ ndə̂ma Ndjapä balë tôâbo bhâ Galilë-a.» [

Abadjângele 10:37

Nyë wûnsə̂ arə ndə̂ âwûtu bhâlə̂ gö ndə̂ Judë nə̂ gbɛ̂; arə nə̈ tö bhâlə̂ gö ndə̂ Galilë, la tchêngbâ batɛ̂me ndə̂ Jâan-Batîse tô pö ndə̂nə̈.

Abadjângele 23:10

Ndə̂ gbô andjê sə̂ lakə̂ gama andjê tə̂ gbölösə̂nə̈, wawa ndə̂kə̂ pa andjë soa tchə̂lə̂ Pôlo mbô gbölö kömändâ ndə̂ aturûgu nə̈. Käko tche zâma sə̈ aturûgu ndə̂kə̂ za Pôlo lə̂ gbâtə̂ azü nə̈ kə̂ wutu la tchë, kə̂ e la tchë atə̂lə̂ gbadja ndə̂ aturûgu.

Abadjângele 5:33

Ndə̂ a-earə̂ kə̂ wa ngbanga nə̈ âsə̈ dje apö lâme, su andjê kʉ̂ andjê tə̂ gbölösə̂nə̈, ânyë andjë nyîndə̂ kə̂ won abadjângele nə̈.

Abadjângele 7:54

Ndə̂ azü ndə̂ Gbölö Kpûlû ndə̂ a-earə̂ kə̂ wa ngbanga nə̈ djê pö nə̈, mêrâ mbô andjê ânyë andjë zɨ̂ tchə̂lə̂ da jï andjê tə̂ Etîêne.

Abadjângele 7:57

Azü nə̈ tâ wârə̂ ngbôô, kə̈ gʉ̂â tü andjê kə̈ tû gbûgbudu gbɛ̂ ëpâ Etîêne.