Lûke 23:4 - Mbëtï Ndjapä: TÄFO MADƗ̈

⁴ Käko Pïlâte tô rə̂ sə̈ agbölö a-earə̂ kə̂ wa ngela sə̈ Ndjapä, ndjë la kpûlû azü nə̈ päkëdə̂: «Më gbôâbo ngâ pö lə̂ küma köchë âtə balë ndə̂ âkʉ̂sə̂ nə̈ pä më wa ngbanga kuzü lə̂ küma yê-a.»

Lûke 23:4 Iomraidhean Croise

Matiyə̈ 27:19

Sə̂nə̈ ndə̂ Pïlâte sə̂ bhâlə̂ nda ngbanga, ɛ̈chë ndə̂ yê wân tchô sə̈ tchë päkëdə̂: «Amö yiabô tə̂ zə̈ yî lə̂ pö ndə̂ djîrə̂ akrə lâme-ê, bëte më wün küma mê lə̂ bütchî âtə, tchə̂lə̂ küma mê djîngɨli tə̂ pö ndə̂ yê.»

Mâreke 15:14

Pïlâte yû andjê päkëdə̂: «Ngbongbo rə giamâ kä ndə̂ tche mbô rə̂?» Praâbalë andjë kä tâ wârə̂ ngbôô päkëdə̂: «Amö won tchë tə̂ yö ndə̂ gba!»

Lûke 23:22

Tə̂ vötaâ nə̈, Pïlâte zâ pö kə̈ tô rə̂ sə̈ andjê päkëdə̂: «Ngbongbo rə giamâ kä ndə̂ tche mbô rə̂? Më gbôâbo ngâ ngbongbo pö balë lə̂ küma yê ndə̂ âkʉ̂sə̂ nə̈ pä a won tchë-a. Më âyukû nə̈ ndə̂kə̂ pa a bhi kütû tchë la göto, kə̂ gbotə̂ yê.»

Jâan 18:38

Pïlâte tô rə̂ sə̈ tchë päkëdə̂: «Lëge pö nə̈ wätə̂ giamâ?» Pâ pö nə̈ lâme, Pïlâte kâ wûtu, kə̈ gbô agbölö azü ndə̂ ajuîfu kə̈ tô rə̂ sə̈ andjê päkëdə̂: «Më gbôâbo ngâ pö balë lə̂ küma köchë âtə-a.

Abadjângele 25:25

Bhândə̂ mê, më wûn-âbo ngâ rə ndə̂ tche mbô rə̂ ndə̂ âkʉ̂sə̂ kuzü-a. Praâbalë âbatə̂ tchetchë la tə̂ yê, tche nyîndə̂ kə̂ wun gbölö gbïɛ̈, më zâma ndə̂kə̂ wan tchë sə̈ tchë.

Abadjângele 3:13

Ndjapä ndə̂ Abrahâmo, Ndjapä ndə̂ Izâke, Ndjapä ndə̂ Jakôbo, Ndjapä ndə̂ araâta azə̂, tche lüsə̂ Jezü earə̂ kua ndə̂ yê. Praâbalë nyë zâ tchë tchânə̂ agbölö azü gö ndə̂ nyê, andjë kôsə̂ yê tchâtchu Pïlâte. Dëkë, Pïlâte nə̈ nyïndə̂ kə̂ ji tchë.

Aheborö 7:26

Gbölö earə̂ kə̂ wa ngela sə̈ Ndjapä ndə̂ tche wâ ndə̂kə̂ mbo rə̂ la azə̂ kä lâme. Tche wä ngbî ânyë kə̈ dâka gbɛ̂, pö balë wâbo lə̂ küma yê-a, tche mbôâbo ngbongbo rə balë-a, kə̈ krʉ̂ tchə̂lə̂ tə̂ yê la a-earə̂ ngbongbo rə, Ndjapä zâ tchë bhâ lafô pâ arə gbɛ̂.

Dokʉ̈ Pîêre 1:19

Praâbalë tche jï nyê lə̂ köbosə̂ jï Krîsiti ndə̂ âwâ la gbölö ngîrî. Krîsiti wä batə̂ ngbavö ɛ̈bro-ngbaga ndə̂ ngâ tchâme-tə̂ yê balë ndɨ̂âbô ndɨ̂-î, ânyë ngâ ngbongbo rə balë wâbo ndjë tə̂ yê-a.

Dokʉ̈ Pîêre 2:22

Tchetchë ndə̂ tche mbôâbô ngâ ngbongbo rə mbô-ê, tchetchë ndə̂ ngâ pö ndə̂kə̂ bolo tchô wûtuabô wûtu balë lə̂ ma yê-ê.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.