Lûke 23:3 - Mbëtï Ndjapä: TÄFO MADƗ̈

³ Pïlâte yû Jezü päkëdə̂: «Momö, mo wätə̂ gbïɛ̈ ndə̂ ajuîfu?» Jezü tô rə̂ ndə̂nə̈ sə̈ tchë päkëdə̂: «Momö la tə̂ zə̈ kä ndə̂ âtô rə̂.»

Lûke 23:3 Iomraidhean Croise

Matiyə̈ 27:11

Jezü krʉ̈ tchâtchu goverenëre Pïlâte, Pïlâte yû tchë päkëdə̂: «Mo də̈ gbïɛ̈ ndə̂ ajuîfu?» Jezü tô rə̂ ndə̂nə̈ sə̈ tchë päkëdə̂: «Momö kä ndə̂ âtô rə̂.»

Mâreke 15:18

Pânə̈ andjë sə̂ lakə̂ po ndə̂ yê päkëdə̂: «Ârâ pô ndə̂ zə̈ nə̂, gbïɛ̈ ndə̂ ajuîfu!»

Mâreke 15:2

Pïlâte yû tchë päkëdə̂: «Mo də̈ gbïɛ̈ ndə̂ ajuîfu?» Jezü tô rə̂ ndə̂nə̈ sə̈ tchë päkëdə̂: «Momö kä âkə̈ tô rə̂.»

Mâreke 15:32

Krîsiti nə̈ ndə̂ tche də̂ gbïɛ̈ ndə̂ Isarayële, äwäpä tche jre angangaâtə tə̂ yö ndə̂ gba âtə ëbêche azə̈ wûn rə̂, ânyë kə̂ zadje su azə̂ sə̈ tchë.» Andjanə̈ ndə̂ a bhî andjê la tchë tə̂ yö ndə̂ gba sə̂ lakə̂ dro ndjë tchë.

Lûke 22:70

Andjë gbɛ̂ yû tchë päkëdə̂: «Mo də̈ Modô ndə̂ Ndjapä?» Tche tô rə̂ ndə̂nə̈ sə̈ andjê päkëdə̂: «Nyënyê la tə̂ nyê, nyë tô rə̂ nə̂, mëmê kä.»

Lûke 23:38

Andjë mbö ngâ mbëtï kə̈ bhî rə̂ dəpâ küma yê päkëdə̂: «Tchanə̈ âtə də̈ gbïɛ̈ ndə̂ ajuîfu.»

Jâan 1:49

Nätänäyêle tô rə̂ sə̈ tchë päkëdə̂: «Earə̂ kə̂ nyisə̂ rə, mo wätə̂ Modô ndə̂ Ndjapä, mo wätə̂ gbïɛ̈ ndə̂ Isarayële.»

Jâan 18:29

Bëte rə̂ kä ndə̂ Pïlâte wûtu, kə̈ gbô andjê, kə̈ yû andjê päkëdə̂: «Pö giamâ kä ndə̂ nyë yî rə̂ lə̂ küma köchë âtə?»

Jâan 19:3

Andjë gîtə̂ andjê ndola tchê kə̈ tô rə̂ päkëdə̂: «Ârâ pô ndə̂ zə̈ nə̂ gbïɛ̈ ndə̂ ajuîfu!» Andjë sə̂ lakə̂ rʉa ngälâ yê.

Dokʉ̈ Timotë 6:13

Më zäma sə̈ mö tchâtchu Ndjapä ndə̂ tche za tchîsûwu sə̈ arə gbɛ̂, ndjë tchâtchu Jezü Krîsiti ndə̂ tche tô tchôtchô pö tchâtchu Pônse Pïlâte, tə̂ pö ndə̂ su yê ndə̂ tche zâ rə̂ sə̈ Ndjapä.