Lûke 23:2 - Mbëtï Ndjapä: TÄFO MADƗ̈

² Bhâye, andjë jêtə̂ kə̂ yi apö lə̂ küma yê päkëdə̂: «Ârâ gbö köchë âtə ndə̂ tche sə̂ lakə̂ mbo rə̂ pä azü alafô la pö tə̂ agbölö azü gö ndə̂ azə̂. Tche kïtə̂ köbo tə̂ azü ndə̂kə̂ pa andjë kʉ makətche-lapöo ndə̂ andjê sə̈ gbölö gbïɛ̈ Sezäre, ânyë kə̈ tô rə̂ pä anyë də̈ Krîsiti, ndə̂ anyë wâtə̂ gbïɛ̈.»

Lûke 23:2 Iomraidhean Croise

Matiyə̈ 17:27

Âwâbo pä azə̈ ndɨ tchə̂lə̂ su azü gö nə̈ tə̂ azə̂-a. Käko amö e atə̂ maga gbölö kpakpa ngû, kə̈ yî yongö. Dokʉ̈ giangû ndə̂ mo gbɨ tchë, amö on tchə̂lə̂ ma yê. Mô gboadje mîɛ̈-makətche lə̂ ma yê ndə̂kə̂ pa mo yo lapöo ndə̂ mê la andə̂ zə nə̈.»

Matiyə̈ 22:21

Andjë tô rə̂ päkëdə̂: «Andə̂ Sezäre kä.» Jezü tô rə̂ sə̈ andjê päkëdə̂: «Käko-ë, rə ndə̂ âwâtə̂ andə̂ Sezäre, nyë kʉ̈ rə̂ sə̈ Sezäre, rə ndə̂ âwâtə̂ andə̂ Ndjapä, nyë kʉ̈ rə̂ sə̈ Ndjapä.»

Matiyə̈ 27:11

Jezü krʉ̈ tchâtchu goverenëre Pïlâte, Pïlâte yû tchë päkëdə̂: «Mo də̈ gbïɛ̈ ndə̂ ajuîfu?» Jezü tô rə̂ ndə̂nə̈ sə̈ tchë päkëdə̂: «Momö kä ndə̂ âtô rə̂.»

Mâreke 12:17

Käko Jezü tô rə̂ sə̈ andjê päkëdə̂: «Nyë kʉ̈ rə ndə̂ âwâtə̂ andə̂ Sezäre sə̈ Sezäre, kə̂ kʉ anə̈ ndə̂ âwâtə̂ andə̂ Ndjapä sə̈ Ndjapä.» Tchə̂lə̂ küma andjê gbɛ̂ djîngɨli tə̂ pö ndə̂ Jezü lâme-ê.

Mâreke 15:2

Pïlâte yû tchë päkëdə̂: «Mo də̈ gbïɛ̈ ndə̂ ajuîfu?» Jezü tô rə̂ ndə̂nə̈ sə̈ tchë päkëdə̂: «Momö kä âkə̈ tô rə̂.»

Lûke 23:14

ânyë kə̈ tô rə̂ sə̈ andjê päkëdə̂: «Nyë nə̈ la köchë âtə sə̈ mê, kə̈ tô rə̂ pä tche kä lakə̂ mbo rə̂ pä azü alafô la pö. Nyë wün rə̂! Më yü tchë kpô tchâtchu nyê, kə̈ gbôâbo ngâ pö balë ndə̂ âkʉ̂sə̂ nə̈ pä më wa ngbanga kuzü lə̂ küma yê-a.

Lûke 23:5

Praâbalë gbô azü nə̈ ndə̂po lakə̂ yi pö lə̂ küma yê päkëdə̂: «Tche sə̈ lakə̂ mbo rə̂ pä azü alafô la pö lə̂ köbosə̂ kə̂ nyisə̂ rə ndə̂ yê. Tche jëtâ bhâ Galilë, kə̈ ê la rə̂ lə̂ agö ndə̂ Judë gbɛ̂ zoo, kə̈ wûtu la rə̂ tchâtə.»

Jâan 18:29

Bëte rə̂ kä ndə̂ Pïlâte wûtu, kə̈ gbô andjê, kə̈ yû andjê päkëdə̂: «Pö giamâ kä ndə̂ nyë yî rə̂ lə̂ küma köchë âtə?»

Jâan 18:30

Andjë tô rə̂ sə̈ tchë päkëdə̂: «Âdə tche âmboabô ngbongbo rə mbô-ê, ârâ nəabô la tchë sə̈ mö tee-a.»

Jâan 19:12

Posə̂nə̈, Pïlâte sə̂ lakə̂ pu köbo ndə̂kə̂ ji Jezü. Praâbalë ajuîfu nə̈ kâ tâ wârə̂ päkëdə̂: «Âdə mo âji tchë, dëkë mo wâbo tə̂ agü Sezäre-a. Akrə ndə̂ tche nyîndə̂ kə̂ watə̂ gbïɛ̈, dëkë tche kôsə̂ Sezäre gbölö gbïɛ̈ ndə̂ Rômo nə̂!»

Abadjângele 24:13

Pö gbɛ̂ ndə̂ andjë yî rə̂ lə̂ küma mê lâme, andjë nyîâbo sə̂ rə ndə̂ ânyîsə̂ nə̈ pä pö ndə̂ andjê nə̈ wätə̂ lëge nə̈-a.

Abadjângele 24:5

Ârâ wün rə̂ pä köchë âtə wätə̂ ngbongbo akrə tə̂ gbölösə̂nə̈; tche sə̈ lakə̂ yi gbölö pö lə̂ gbâtə̂ ajuîfu pâ cho gbɛ̂. Tche də̈ makündji ndə̂ ngâ ngbongbo kpûlû ndə̂ rə̈ nə̈ wû pä Nazareyɛ̈n.

Rômo 13:7

Äwäpä rə ndə̂ akrə balë balë wâ ndə̂kə̂ gbo rə̂, nyë zä rə̂ sə̈ tchë. Nyë yö lapöo tchânə̂ a-earə̂ kə̂ pala makətche-lapöo. Nyë yö ndjë lapöo ndə̂ arə ndə̂ nyê tchânə̂ azü ndə̂ âwâ ndə̂kə̂ pa nyë yo rə̂ tchânə̂ andjê. Nyë lüsə̂ azü ndə̂ âwâ ndə̂kə̂ pa nyë lusə̂ andjê.