Lûke 22:8 - Mbëtï Ndjapä: TÄFO MADƗ̈

⁸ Käko Jezü wân Pîêre la Jâan dokʉ̈tchê ânyë kə̈ tô rə̂ sə̈ andjê päkëdə̂: «Nyë êë kə̈ nyikrə kɨ̈zɨ̂ Pâke ndə̂kə̂ pa azə̈ zɨ rə̂.»

Lûke 22:8 Iomraidhean Croise

Matiyə̈ 3:15

Praâbalë Jezü tô rə̂ ndə̂nə̈ sə̈ tchë päkëdə̂: «Gamba rə̂ ndə̂kə̂ pa rə nə̈ wa käko angêta. Käko kä ndə̂ azə̈ wâ ndə̂kə̂ mbo rə gbɛ̂ ndə̂ âwâtə̂ tchôtchô nə̈ lə̂ la Ndjapä.» Tchâme, Jâan gâmba rə̂.

Lûke 1:6

Zakarï la Alîsabëte wätə̂ adjîrə̂ azü lə̂ la Ndjapä, andjë mbö rə la köbo nə̈ gundə̂sə̂ andïɛ̈ gbɛ̂ la apö gbɛ̂ ndə̂ Gbölö Gbïɛ̈.

Lûke 22:9

Andjë yû tchë päkëdə̂: «Mo nyïndə̂ nə̈ pä ârâ nyikrə kɨ̈zɨ̂ nə̈ bhâ tchêbâ?»

Abadjângele 3:1

Tə̂ngâlo, Pîêre la Jâan sə̂ lakə̂ e atə̂lə̂ gbölö nda Ndjapä ndə̂kə̂ to pö sə̈ Ndjapä lə̂ dalo vötaâ ndə̂ tchêndə̂gölo.

Abadjângele 3:11

Köchë nə̈ nyîâbo ndə̂kə̂ gbotə̂ Pîêre la Jâan-a. Tchə̂lə̂ küma azü nə̈ gbɛ̂ djîngɨli, ânyë andjë gbɛ̂ sə̂ lakə̂ kpe pu andjê tchâmbrönda ndə̂ a ê rə̂ tâ pä tchâmbrönda ndə̂ Salomön.

Abadjângele 3:3

Ndə̂ tche âsə̈ wun Pîêre la Jâan ndə̂ andjë li atə̂lə̂ gbölö nda Ndjapä, tche yû andjê ndə̂kə̂ pa andjë za ngâ rə sə̈ tchë.

Abadjângele 4:13

Ndə̂ a-earə̂ kə̂ wa ngbanga nə̈ wûn rə̂ pä Pîêre la Jâan tö pö la gbôgbô, ânyë kə̈ wûn ndjë sə̂nə̈ pä, andjë də̈ ambämbä azü ndə̂ andjë wûn-âbo sə̂ mbëtï-a, tchə̂lə̂ küma andjê gbɛ̂ djîngɨli. Andjë wûnsə̂ nə̈ pä, aköchë âtə sə̈ alêe ndrotə̂ Jezü.

Abadjângele 4:19

Praâbalë Pîêre la Jâan tô rə̂ ndə̂nə̈ sə̈ andjê päkëdə̂: «Ndə̂kə̂ dje ma Ndjapä lakə̂ dje ma nyê, anə̈bâ kä âkə̈ wâ djîrə̂ lə̂ la Ndjapä? Nyënyê la tə̂ nyê, nyë wä tchə̂lə̂ ngbanga nə̈!

Abadjângele 8:14

Ndə̂ abadjângele bhâ Jerûzalêmo djê rə̂ pä azü ndə̂ Samarï gâmba pö Ndjapä nə̂, andjë wân Pîêre la Jâan sə̈ andjê.

Gälâte 2:9

Jâke la Pîêre la Jâan ndə̂ a wûn andjê batə̂ agbölö azü tə̂ küma Egilîze wünsə̂ nə̈ pä tə̂ lëge nə̈, Ndjapä zâ kua nə̈ lâme sə̈ mê nə̂. Käko andjë pö ndə̂ mê la Bärnäbâse la könô andjê ndə̂kə̂ nyisə̂ nə̈ pä ârâ la andjê wä balë. Käko andə̂ ârâ, ârâ ë pu azü ndə̂ andjê wâbô wâtə̂ ajuîfu, ânyë andjë ê andə̂ andjë nə̈ pu azü ndə̂ andjë wâ gasa.