Lûke 22:61 - Mbëtï Ndjapä: TÄFO MADƗ̈

⁶¹ Gbölö Gbïɛ̈ djêtə̂ yê kə̈ wûn tchə̂lə̂ la Pîêre. Käko su Pîêre tê pâ pö ndə̂ Gbölö Gbïɛ̈ tô rə̂ alême sə̈ tchë päkëdə̂: «Mô vuadje sə̂ mê sûsunə̈ vötaâ dokʉ̈tchê ndə̂kə̂ pa kö ngötö kɨ̈ angêta.»

Lûke 22:61 Iomraidhean Croise

Matiyə̈ 26:34

Jezü tô rə̂ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö, dokʉ̈tchê ndə̂kə̂ pa kö ngötö kɨ lə̂ bütchî âtə, mo âvusə̂ mê sûsunə̈ vötaâ.»

Matiyə̈ 26:75

Su Pîêre tê pâ pö ndə̂ Jezü tô rə̂ alême sə̈ tchë päkëdə̂: «Dokʉ̈tchê ndə̂kə̂ pa kö ngötö kɨ, mô vuadje sə̂ mê sûsunə̈ vötaâ.» Pîêre wûtu kə̈ kɨ̂ tə̂ gbölösə̂nə̈.

Mâreke 5:30

Posə̂nə̈, Jezü wûnsə̂ nə̈ pä ngâ gbôgbô wûtu lə̂ anyê nə̂. Tche djêtə̂ yê lə̂ kpûlû azü nə̈ ânyë kə̈ yû andjê päkëdə̂: «Tchabâ kä ndə̂ âgrʉ̂ lə̂ba ndə̂ mê?»

Lûke 10:41

Jezü tô rə̂ sə̈ tchë päkëdə̂: «Mârete, Mârete, su zə̈ wä ngbɨ̂ɨ̂, ânyë mo nyïndə̂ kə̂ mbo angbängbä arə.

Lûke 22:34

Jezü tô rə̂ ndə̂nə̈ sə̈ tchë päkëdə̂: «Pîêre, më tö rə̂ sə̈ mö, angêta âtə, mô vuadje sə̂ mê sûsunə̈ vötaâ dokʉ̈tchê ndə̂kə̂ pa kö ngötö kɨ̈ angêta.»

Lûke 22:60

Praâbalë Pîêre tô rə̂ ndə̂nə̈ päkëdə̂: «Köchë, më wûn-âbo sə̂ pö ndə̂ mo nyîndə̂ kə̂ to rə̂ âtə-a.» Ndə̂ tche âsə̈ to pö nə̈ käko, kö ngötö kɨ̂.

Lûke 22:62

Pîêre wûtu kə̈ kɨ̂ tə̂ gbölösə̂nə̈.

Lûke 7:13

Ndə̂ Gbölö Gbïɛ̈ wûn ɛ̈chë ndə̂ modô ndə̂ yê tchû lâme, tche wûn nyonyo yê, kə̈ tô rə̂ sə̈ tchë päkëdə̂: «Amö gbotə̂ kə̂ kɨ-ê!»

Lûke 7:19

kə̈ wân andjê sə̈ Gbölö Gbïɛ̈ ndə̂kə̂ yu tchë päkëdə̂: «Mo də̈ Mesï ndə̂ a tô pö ndə̂ yê pä tche ânə lâme? Âdəndjë rə̂ pä ârâ wä ndə̂kə̂ sə bëte ngâ akrə ngbî?»

Jâan 13:38

Jezü tô rə̂ sə̈ tchë päkëdə̂: «Mo wä ësə̂ kə̂ tchu bëte mê? Ɛn-ɛn, tə̂ lëge nə̈ më tö rə̂ sə̈ mö, dokʉ̈tchê ndə̂kə̂ pa kö ngötö kɨ, mô vuadje sə̂ mê sûsunə̈ vötaâ.»

Abadjângele 5:31

Ndjapä kênga tchë də ndôkö könô yê ndə̂kə̂ pa tche watə̂ Makündji la Earə̂ kə̂ tcha azü, kə̈ zâ köbo sə̈ azü ndə̂ Isarayële ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä koadje pö lə̂ küma andjê.

Ëfêze 2:11

Nyënyê ndə̂ nyë wâbo wâtə̂ ajuîfu lâme, äwäpä köbo kə̂ sə ndə̂ nyê dokʉ̈tchê alême, sə̂nə̈ te lə̂ nyê! Ajuîfu wün nyê batə̂ azü ndə̂ andjë wâbô gasa wâ, andjendjê ndə̂ andjë tô rə̂ pä anyë də̈ a-earə̂ kə̂ wa gasa lâme, dëkë könô akrə kä ndə̂ âwâ gasa nə̈ tə̂ mbë andjê.

Apökälîbïchi 2:5

Amö rɨ su zə̈ tə̂ tchô ndə̂ mo tô tâ ânyë kə̈ tê lâme. Amö gbotə̂ bəndɨ kə̂ mbo rə ndə̂ zə̈ lâme-ê, kə̂ ka ëpâ adokʉ̈ akua ndə̂ zə̈. Âdə mo âmboabô mbô tâ käko, mê nəadje pu mö kə̂ gi da lâmba ndə̂ zə̈ lə̂ kpâlâ nə̈ chï, bëte rə̂ ndə̂ mo kôsə̂ kə̂ gbotə̂ ngbongbo köbo zə̈ lâme.