Lûke 22:53 - Mbëtï Ndjapä: TÄFO MADƗ̈

⁵³ Logbɛ̂, më kä lə̂ gbâtə̂ nyê lə̂ gbölö nda Ndjapä, nyë pûâbo köbo ndə̂kə̂ za mê-a. Praâbalë lo nə̈ angêta wätə̂ andə̂ nye nə̈. Lo nə̈ tâ tâ nə̂ ndə̂kə̂ pa gbôgbô ndə̂ tchə̂lə̂ bütchî mbo kua ndə̂ yê.»

Lûke 22:53 Iomraidhean Croise

Matiyə̈ 21:23

Jezü lï bhâlə̂ gbölö nda Ndjapä, ânyë kə̈ sə̂ lakə̂ nyisə̂ rə. Agbölö a-earə̂ kə̂ wa ngela sə̈ Ndjapä la akpôkpô azü ndə̂ ajuîfu, nə̂ ndola Jezü ânyë kə̈ yû tchë päkëdə̂: «Mo sə̈ lakə̂ mbo rə âtə la rə̈ tchabâ? Tchabâ kä ndə̂ âzâ köbo sə̈ mo ndə̂kə̂ mbo rə̂?»

Lûke 22:52

La tchêngbâ nə̈ Jezü tô rə̂ sə̈ agbölö a-earə̂ kə̂ wa ngela sə̈ Ndjapä, la agbölö azü ndə̂ aturûgu ndə̂ gbölö nda Ndjapä, la akpôkpô azü ndə̂ andjë nə̂ ndə̂kə̂ za tchë lâme päkëdə̂: «Nyë nə̈ la abesala, la agoto ndə̂kə̂ za mê batə̂ earə̂ ngbä?

Lûke 22:54

Käko andjë zâ Jezü kə̈ rô la tchë, kə̈ lî la tchë bhâ tchâalê ndə̂ gbölö earə̂ kə̂ wa ngela sə̈ Ndjapä. Pîêre sə̂ bhâchï lakə̂ nə ngbâ andjê.

Jâan 12:27

«Angaâtə su mê wâ nə̂ ngbɨ̂ɨ̂, mê âto rə̂ atöko: ‹Bha mê, tcha mê lə̂ arə ndə̂ ânə âtə!› Praâbalë kütû bëte dalo nə̈ lâme kä ndə̂ më nə̂.

Jâan 13:30

Ndə̂ Jüdâse zâ ndöma mâpa lâme, tche wûtu gasa-ê, dëkë tchô bû nə̂.

Jâan 14:30

Mê kä toabô pö tə̂ gbölösə̂nə̈ sə̈ nyê tee-a, bëte makündji ndə̂ tchêbêche âtə kä lə̂ köbo. Tche wâbo la gbôgbô balë pâ mê-a,

Jâan 7:30

Käkö, andjë pû köbo ndə̂kə̂ za tchë, praâbalë ngâ akrə balë grʉ̂âbo tchë-a, bëte dalo ndə̂ yê wûtuabô dämba-a.

Jâan 7:45

Aturûgu ndə̂ gbölö nda Ndjapä nə̈ dôtə̂ andjê pu agbölö a-earə̂ kə̂ wa ngela sə̈ Ndjapä la afarizïɛ̈n. Andjë yû aturûgu nə̈ päkëdə̂: «Bëte giamâ nyë kâbô kâ la tchë-ê?»

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Ëfêze 6:12

Bëte azə̈ wâbo ndə̂kə̂ mbo kʉ̈ʉ̈ la azü-a, praâbalë azə̈ mbö kʉ̈ʉ̈ la arə gbɛ̂ ndə̂ âwâ la kümändëmä, la anə̈ ndə̂ âwâ la gbôgbô, la anə̈ ndə̂ âwâ la gbôgbô pâ tchêbêche ndə̂ ngbongbo rə, la angbongbo atchozö ndə̂ andjë sə̂ lə̂ gûtə̂ tchêlafô la tchêbêche.

Kölôse 1:13

Ndjapä jï azə̂ tchâtchâ gbôgbô ndə̂ makündji ndə̂ tchə̂lə̂ bütchî kə̈ kʉ̂ azə̂ bhâlə̂ Gbölö gö-gbïɛ̈ ndə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.