Lûke 22:52 - Mbëtï Ndjapä: TÄFO MADƗ̈

⁵² La tchêngbâ nə̈ Jezü tô rə̂ sə̈ agbölö a-earə̂ kə̂ wa ngela sə̈ Ndjapä, la agbölö azü ndə̂ aturûgu ndə̂ gbölö nda Ndjapä, la akpôkpô azü ndə̂ andjë nə̂ ndə̂kə̂ za tchë lâme päkëdə̂: «Nyë nə̈ la abesala, la agoto ndə̂kə̂ za mê batə̂ earə̂ ngbä?

Lûke 22:52 Iomraidhean Croise

Matiyə̈ 26:47

Ndə̂ gbô pö nə̈ ndə̂po lə̂ ma yê, Jüdâse, ngâ djisîpili balë lə̂ gbâtə̂ andjê lə̂ könô gbɛ̂ tchêpâ nə̈ bïchuû wûtu la akpûlû azü ndrotə̂ yê. Andjë kʉ̈ abesala la agoto tchânə̂ andjê. Agbölö a-earə̂ kə̂ wa ngela sə̈ Ndjapä la akpôkpô azü ndə̂ ajuîfu kä âkə̈ wân andjê.

Matiyə̈ 26:55

Pânə̈ Jezü tô rə̂ sə̈ akpûlû azü nə̈ päkëdə̂: «Nyë nə̈ la besala, la agoto ndə̂kə̂ za mê batə̂ earə̂ ngbä? Logbɛ̂ më sə̈ bechë lə̂ gûtə̂ nyê lə̂ gbölö nda Ndjapä lakə̂ nyisə̂ rə, nyë zâbo mê-a.

Lûke 22:37

Bëte më tö rə̂ sə̈ nyê: Äwäpä rə lâme mbo kpôtə̂ mê gundə̂sə̂ nə̈ ndə̂ Mbëtï Ndjapä tô rə̂ la rə̈ më päkëdə̂: ‹A dɨ̈ tchë lə̂ ma a-earə̂ kə̂ won azü.› Äwäpä pö ndə̂ Mbëtï Ndjapä tô rə̂ la rə̈ mê mbo tə̂ lëge nə̈.»

Lûke 22:4

Jüdâse ê kə̈ nyîkrə pö la agbölö a-earə̂ kə̂ wa ngela sə̈ Ndjapä, la agbölö azü ndə̂ aturûgu ndə̂ gbölö nda Ndjapä, ndə̂kə̂ nyisə̂ köbo ndə̂ tchê yosə̂ Jezü la rə̂ sə̈ andjê.

Lûke 22:51

Praâbalë Jezü tô rə̂ päkëdə̂: «Nyë gbötâ, äwä käko.» Jezü grʉ̂ tü köchë lâme, tü yê dâka ëngbânə̈.

Lûke 22:53

Logbɛ̂, më kä lə̂ gbâtə̂ nyê lə̂ gbölö nda Ndjapä, nyë pûâbo köbo ndə̂kə̂ za mê-a. Praâbalë lo nə̈ angêta wätə̂ andə̂ nye nə̈. Lo nə̈ tâ tâ nə̂ ndə̂kə̂ pa gbôgbô ndə̂ tchə̂lə̂ bütchî mbo kua ndə̂ yê.»

Jâan 17:12

Sə̂nə̈ ndə̂ gbô mê ndə̂po lə̂ gbâtə̂ andjê, më bäta andjê lə̂ köbosə̂ gbôgbô ndə̂ rə̈ zə̈ ndə̂ mo zâ rə̂ sə̈ mê. Më bâta andjê ânyë ngânə̈ balë lə̂ gûtə̂ andjê yûâbo yû-î. Praâbalë kütû tchanə̈ ndə̂ tche wâ ndə̂kə̂ yu kä ndə̂ âyû, ânyë pö ndə̂ Mbëtï Ndjapä tô rə̂ mbô gundə̂sə̂ nə̈.

Abadjângele 5:26

Makündji ndə̂ aturûgu la aturûgu ndə̂ yê ê kə̈ kʉ̂ abadjângele nə̈, kə̈ kâ la andjê. Praâbalë andjë mbôâbo gbôgbô tə̂ abadjângele nə̈-a, bëte andjë mbö wa ndə̂kə̂ pa azü nə̈ nyeabô andjê nyê la täme-ê.