Lûke 22:5 - Mbëtï Ndjapä: TÄFO MADƗ̈

⁵ Pö nə̈ lâme fû tə̂ andjê tə̂ gbölösə̂nə̈, andjë zâma ndə̂kə̂ kʉ makətche sə̈ tchë.

Lûke 22:5 Iomraidhean Croise

Lûke 22:4

Jüdâse ê kə̈ nyîkrə pö la agbölö a-earə̂ kə̂ wa ngela sə̈ Ndjapä, la agbölö azü ndə̂ aturûgu ndə̂ gbölö nda Ndjapä, ndə̂kə̂ nyisə̂ köbo ndə̂ tchê yosə̂ Jezü la rə̂ sə̈ andjê.

Lûke 22:6

Jüdâse gâmba rə̂, ânyë kə̈ sə̂ lakə̂ pu köbo ndə̂kə̂ za Jezü sə̈ andjê, ndə̂kə̂ pa kpûlû azü nə̈ wun-abô sə̂nə̈ wûn-î.

Abadjângele 1:18

Tche ë alême kə̈ yô ngâ kɨ̈ndɨ̈ la makətche ndə̂ tche gbô rə̂ ngbâ ngbongbo rə ndə̂ yê. Tche tê bhâye la küma yê, vü yê srô ânyë chêtê yê gbɛ̂ vô ëbêche.

Abadjângele 8:20

Praâbalë Pîêre tô rə̂ ndə̂nə̈ sə̈ tchë päkëdə̂: «Äwäpä makətche ndə̂ zə̈ nə̈ ndɨ-î, la momö ndjë gbɛ̂, bëte tchôtchô rə ndə̂ Ndjapä kʉ̂ rə̂ sə̈ akrə ämbämbänə̈, mo wûntî pä, mo âyo rə̂ yö la makətche.

Bïchuû Pîêre 2:15

Ndə̂ andjë gbôtə̂ djîrə̂ köbo, köbo yû tə̂ andjê ânyë andjë zâ köbo ngbâ Bälâme modô ndə̂ Bözôre ndə̂ tche nyîndə̂ kə̂ gbo makətche ndə̂ a kʉ̂ rə̂ sə̈ tchë ndə̂kə̂ pa tche mbo ngbongbo rə.

Bïchuû Pîêre 2:3

Tə̂ pö ndə̂ kə̂ gbo arə tə̂ gbölösə̂nə̈, a-earə̂ kə̂ nyisə̂ rə ndə̂ yepa lâme boloadje nyê lə̂ köbosə̂ apö yepa ndə̂kə̂ gbo arə tchânə̂ nyê. Praâbalë gasa alême, ngbanga ndə̂ a wâ rə̂ pâ andjê ndô tə̂kə̂ wutu nə̂, ngbongbo rə ndə̂ âwâ ndə̂kə̂ ndɨ andjê wâbo ngrɨ̈-a!

Jûde 1:11

Nyonyo kä tə̂ andjê! Bëte andjë zä köbo ngbâ Käyîne, bëte pö ndə̂ makətche, andjë tchä köbo batə̂ Bälâme, andjë tchü bëte andjë älafô la pö batə̂ azü ndə̂ Korë.