Lûke 22:41 - Mbëtï Ndjapä: TÄFO MADƗ̈

⁴¹ Pânə̈ tche gîtə̂ yê tʉ̂rʉ tə̂ andjê gundə̂sə̂ tchô ndə̂ akrə yi täme ânyë âte tâ. Tche gʉ̂te bêche, kə̈ tô pö sə̈ Ndjapä päkëdə̂:

Lûke 22:41 Iomraidhean Croise

Matiyə̈ 26:39

Pânə̈ tche gîtə̂ yê kpro kə̈ tê bêche la tchâtchu yê, kə̈ tô pö sə̈ Ndjapä päkëdə̂: «Bha mê, âdə köbo âwa, amö gi kangûchi yûkü âtə tə̂ mê bhâchï! Praâbalë amö mboabô rə̂ mbô batə̂ su mê nyîndə̂ nə̈, amö mbo rə̂ batə̂ su zə̈ nyîndə̂ nə̈.»

Mâreke 14:35

Tche ê tʉ̂rʉ kpîɛ̂kpîɛ̂ rə̂, kə̈ tê bêche ânyë kə̈ tô pö sə̈ Ndjapä ndə̂kə̂ pa, âdə köbo âwa, tche gi dalo ndə̂ yûkü lâme tə̂ yê ngrɨ̈.

Lûke 18:11

Farizïɛ̈n lâme krʉ̂ lafô ânyë kə̈ sə̂ lakə̂ to pö sə̈ Ndjapä bhâtə̂ su yê pä: ‹Ndjapä, më zä ayîabâ sə̈ mö, bëte më wâbo batə̂ adɨ̂ azü gbɛ̂-a, ndə̂ andjë wâtə̂ a-earə̂ ngbä, la a-earə̂ mbə̈lï, la azü ndə̂ andjë pu aɛ̈chë âdəndjë aköchë ndə̂ azü lâme-a. Më wâbo ndjë batə̂ earə̂ kə̂ pala makətche-lapöo lâme-a.

Lûke 18:13

«Earə̂ kə̂ pala makətche-lapöo lâme sə̂ andə̂ yê nə̈ bhâchï, tche kêngabô ndjë la yê atə̂ lafô-a. Praâbalë tche sə̈ lakə̂ bhi tchêla ngbôgo yê lakə̂ to rə̂ päkëdə̂: ‹Ndjapä, amö wun nyonyo mê, mëmê ndə̂ më wâtə̂ earə̂ ngbongbo rə.›»

Abadjângele 20:36

La tchêngbâ apö lâme, Pôlo gʉ̂te ëbêche ânyë andjë gbɛ̂ tô pö sə̈ Ndjapä.

Abadjângele 21:5

Praâbalë lö ârâ tchâme âsə̈ ka, ârâ âlafô kə̈ rô etə̂. Ârâ gbɛ̂ âlafô, aɛ̈chë la abechë, andjë tô ârâ lə̂ köbo zoo ëtə̂ ma gö nə̈. Ârâ gʉ̂te ëbêche tə̂ maga ngû ngbro nə̈ ânyë kə̈ tô pö sə̈ Ndjapä.

Abadjângele 7:60

La tchêngbâ nə̈ tche gʉ̂te ëbêche ânyë kə̈ ôn ngbôô kə̈ tô rə̂ päkëdə̂: «Gbölö Gbïɛ̈, amö ko pö lə̂ küma andjê!» La tchêngbâ pö nə̈ lâme, tche tchû-î.

Abadjângele 9:40

Pîêre grô azü nə̈ gbɛ̂ atə̂ sûwu, tche gʉ̂te ëbêche, kə̈ tô pö sə̈ Ndjapä. Pânə̈ tche djêtə̂ yê pu kuzü nə̈ kə̈ tô rə̂ päkëdə̂: «Tabïta, alafô-ê!» Ɛ̈chë nə̈ vrô la yê. Ndə̂ tche âsə̈ wun Pîêre, tche âlafô kə̈ sə̂ la dju yê.

Aheborö 5:7

Ndə̂ Jezü sə̂ alême bêche âtə, tche tö pö lakə̂ dɨ tchə̂lə̂ ma, la gbölö ôn la ngûla sə̈ Ndjapä ndə̂ tche wâ ndə̂kə̂ tcha azü lə̂ kuzü. Ndjapä djë tchë lə̂ köbo kə̂ mbotə̂ yê kpîɛ̂kpîɛ̂ rə̂.