Lûke 22:3 - Mbëtï Ndjapä: TÄFO MADƗ̈

³ Käko Satäa lî lə̂ Jüdâse ndə̂ a ê rə̂ tə̂ yê pä Ïsïkärïyôte ndə̂ tche wâ lə̂ gûtə̂ adjisîpili ndə̂ Jezü lə̂ könô gbɛ̂ tchêpâ nə̈ bïchuû.

Lûke 22:3 Iomraidhean Croise

Matiyə̈ 10:4

Chemön akrə gö ndə̂ Kanän, la Jüdâse Ïsïkärïyôte earə̂ kə̂ yosə̂ Jezü.

Matiyə̈ 26:23

Jezü tô rə̂ ndə̂nə̈ sə̈ andjê päkëdə̂: «Akrə ndə̂ më yî könô mê la tchë lə̂ kalângʉ kɨ̈zɨ̂ âtə kä ndə̂ âyoadje sə̂ mê.

Matiyə̈ 4:10

Jezü tô rə̂ sə̈ tchë päkëdə̂: «Gitə̂ zə̈ chï, Satäa! Mbëtï Ndjapä tö rə̂ päkëdə̂: ‹Äwäpä mo gʉte tchâtchâ Ndjapä Gbölö Gbïɛ̈ ndə̂ zə̈, kə̂ voga kütû tchë balë.›»

Lûke 22:21

«Praâbalë akrə ndə̂ tche yôsə̂ mê kä tchâtə lakə̂ zɨ rə la mê!

Lûke 6:16

Jüdâse modô ndə̂ Jâke la Jüdâse Ïsïkärïyôte ndə̂ tchê wadje tə̂ earə̂ kə̂ yosə̂ Jezü.

Jâan 12:6

Pö ndə̂ tche tô rə̂ lâme, nyîâbo sə̂nə̈ pä tche wün nyonyo a-earə̂ yûkü-a, praâbalë tche wätə̂ earə̂ ngbä. Bëte a zä kədjâ-makətche ndə̂ azü gbɛ̂ sə̈ tchë ndə̂kə̂ wun tchô pânə̈. Tche zɨ̈ ngbä makətche ndə̂ a kʉ̂ rə̂ lə̂ kədjâ-makətche nə̈.

Jâan 13:18

Mê tôâbo pö âtə bëte nyënyê gbɛ̂-a. Më wünsə̂ andjanə̈ ndə̂ më dɨ̂ andjê. Praâbalë äwäpä pö lə̂ Mbëtï Ndjapä mbo tə̂ lëge nə̈ ndə̂ âtô rə̂ päkëdə̂: ‹Akrə ndə̂ ârâ la tchë zɨ̂ rə balë, tche wätə̂ earə̂ kə̂ kosə̂ mê.›

Jâan 13:2

Jezü la adjisîpili ndə̂ yê sə̂ lakə̂ zɨ kɨ̈zɨ̂ ndə̂ tchêndə̂gölo. Dëkë Jâbolo zâ rə̂ nə̂ tə̂ su Jüdâse, modô ndə̂ Chemön Ïsïkärïyôte, ndə̂kə̂ pa tche yosə̂ Jezü.

Abadjângele 5:3

Praâbalë Pîêre yû tchë päkëdə̂: «Änänîâse, bëte giamâ mo gbôtə̂ köbo sə̈ Satäa ânyë tche lî bhâlə̂ su zə̈? Kɨ̈ndɨ̈ ndə̂ mo kâ rə̂ lâme, mo kïtə̂ tchâkalâ makətche nə̈, kə̈ kâ mô yepa sə̈ Kpɨ̂ki Yingö.