Lûke 22:22 - Mbëtï Ndjapä: TÄFO MADƗ̈

²² Tə̂ lëge nə̈, Modô ndə̂ Akrə âtchuadje lə̂ köbosə̂ rə ndə̂ Ndjapä nyîkrə rə̂, praâbalë nyonyo kä tə̂ akrə ndə̂ tche yôsə̂ yê.»

Lûke 22:22 Iomraidhean Croise

Matiyə̈ 26:24

Modô ndə̂ akrə âtchuadje batə̂ rə̂ ndə̂ a mbô rə̂ lə̂ Mbëtï Ndjapä pâ yê. Praâbalë nyonyo kä tə̂ akrə ndə̂ tche yosə̂ Modô ndə̂ Akrə! Äkʉ̈sə̂ nə̈ pä akrə käko, a zɨabô tchë zɨ̂-î.»

Matiyə̈ 27:5

Käko Jüdâse yî mîɛ̈-makətche nə̈ bhâlə̂ gbölö nda Ndjapä kə̈ wûtu kə̈ gû etə̂, pânə̈, tchë î gɨ̈ yê la wû, ânyë kə̈ tchû-î.

Mâreke 14:21

Tə̂ lëge nə̈, Modô ndə̂ akrə tchuadje batə̂ rə̂ ndə̂ a mbô rə̂ lə̂ Mbëtï Ndjapä pâ yê. Praâbalë nyonyo kä tə̂ akrə ndə̂ tche yôsə̂ Modô ndə̂ Akrə! Äkʉ̈sə̂ nə̈ pä akrə käko, a zɨabô tchë zɨ̂-î.»

Lûke 22:23

Käko adjisîpili jêtə̂ kə̂ yutə̂ andjê lə̂ gûtə̂ andjê päkëdə̂: «Tchabâ lə̂ gûtə̂ ârâ âtə kä ndə̂ âwâ ndə̂kə̂ mbo rə nə̈ lâme?»

Lûke 24:46

Tche tô rə̂ sə̈ andjê päkëdə̂: «A mbö rə̂ lə̂ Mbëtï Ndjapä alême päkëdə̂: Äwäpä Krîsiti wun yûkü ânyë kə̂ jo lə̂ kuzü lə̂ lö vötaâ nə̈.

Jâan 17:12

Sə̂nə̈ ndə̂ gbô mê ndə̂po lə̂ gbâtə̂ andjê, më bäta andjê lə̂ köbosə̂ gbôgbô ndə̂ rə̈ zə̈ ndə̂ mo zâ rə̂ sə̈ mê. Më bâta andjê ânyë ngânə̈ balë lə̂ gûtə̂ andjê yûâbo yû-î. Praâbalë kütû tchanə̈ ndə̂ tche wâ ndə̂kə̂ yu kä ndə̂ âyû, ânyë pö ndə̂ Mbëtï Ndjapä tô rə̂ mbô gundə̂sə̂ nə̈.

Abadjângele 10:42

Jezü zäma sə̈ ârâ ndə̂kə̂ mu pö sə̈ azü, kə̂ to pö ndə̂ arə ndə̂ ârâ wûnsə̂ nə̈ lakə̂ to rə̂ päkëdə̂: Ndjapä nyïsə̂ Jezü ndə̂kə̂ pa tche wa ngbanga lə̂ küma azü ndə̂ andjë sə̂ la tʉ̈rʉ̂ la andjê, la andjanə̈ ndə̂ andjë tchû.

Abadjângele 17:31

Tche nyîkrə ngâ lö nə̂ ndə̂ tchê wadje ngbanga ndə̂ azü gbɛ̂ djîrə̂ lə̂ köbosə̂ akrə ndə̂ tche nyîsə̂ yê. Tche nyïsə̂ nə̈ sə̈ azü lə̂ köbosə̂ nə̈ ndə̂ tche jô tchë lə̂ kuzü.»

Abadjângele 2:23

Köchë lâme, a gbötə̂ yê tchânə̂ nyê lə̂ köbosə̂ nə̈ ndə̂ Ndjapä nyîkrə rə̂ dokʉ̈tchê tə̂ su yê. Nyë zâ tchë sə̈ azü ndə̂ andjë wûn-âbô sə̂ Ndjapä wûn, andjë î tchë bhâtə̂ yö ndə̂ gba ânyë kə̈ wôn tchë.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?

Bïchuû Pîêre 2:3

Tə̂ pö ndə̂ kə̂ gbo arə tə̂ gbölösə̂nə̈, a-earə̂ kə̂ nyisə̂ rə ndə̂ yepa lâme boloadje nyê lə̂ köbosə̂ apö yepa ndə̂kə̂ gbo arə tchânə̂ nyê. Praâbalë gasa alême, ngbanga ndə̂ a wâ rə̂ pâ andjê ndô tə̂kə̂ wutu nə̂, ngbongbo rə ndə̂ âwâ ndə̂kə̂ ndɨ andjê wâbo ngrɨ̈-a!