Lûke 22:16 - Mbëtï Ndjapä: TÄFO MADƗ̈

¹⁶ Bëte më tö rə̂ sə̈ nyê, mê kä zɨ bata kɨ̈zɨ̂ âtə tee-a, zoo rə nə̈ mbo tə̂ lëge nə̈ lə̂ Gbölö gö-gbïɛ̈ ndə̂ Ndjapä.»

Lûke 22:16 Iomraidhean Croise

Lûke 12:37

Mômô kä tə̂ a-earə̂ kua ndə̂ gbölö akrə ndə̂ andjê kângbâ yê ânyë kə̈ gbô andjê la lala andjê nga-ë! Ɛn-ɛn, tə̂ lëge nə̈ më tö rə̂ sə̈ nyê: Gbölö akrə ndə̂ andjê lâme âyu lə̂ba kua, kə̂ to rə̂ sə̈ andjê pä andjë sə bêche ndə̂kə̂ zɨ kɨ̈zɨ̂, tchetchë la tə̂ yê âkʉ kɨ̈zɨ̂ sə̈ andjê.

Lûke 14:15

Ndə̂ andjë djê pö lâme, ngânə̈ balë lə̂ gûtə̂ azü ndə̂ andjë zɨ̂ rə nə̈ tô rə̂ sə̈ Jezü päkëdə̂: «Mômô kä tə̂ akrə ndə̂ tche zɨ̂ kɨ̈zɨ̂ ndə̂ yê bhâlə̂ Gbölö gö-gbïɛ̈ ndə̂ Ndjapä!»

Lûke 22:15

Jezü tô rə̂ sə̈ andjê päkëdə̂: «Më nyïndə̂ nə̈ tə̂ gbölösə̂nə̈ ndə̂kə̂ zɨ kɨ̈zɨ̂ Pâke âtə la nyê dokʉ̈tchê ndə̂kə̂ pa më wun yûkü!

Lûke 22:18

Bëte më tö rə̂ sə̈ nyê, mê kä ndjo bata vɛ̂n-ɛn balë tee-a, ndjoa tə̂ lo kə̂ wutu ndə̂ Gbölö gö-gbïɛ̈ ndə̂ Ndjapä.»

Lûke 22:30

Nyê zɨadje rə, kə̂ ndjoadje rə la mê lə̂ Gbölö gö-gbïɛ̈ ndə̂ mê. Nyê səadje lə̂ angendë-gbïɛ̈ ndə̂kə̂ wa ngbanga pâ azü pâ amawo ndə̂ Isarayële lə̂ könô gbɛ̂ tchêpâ nə̈ bïchuû.»

Jâan 6:27

Nyë mböäbô kua mbô bëte kɨ̈zɨ̂ ndə̂ âwâ ndə̂kə̂ ndɨ-ê, praâbalë äwäpä nyë mbo kua bëte kɨ̈zɨ̂ ndə̂ âza tchîsûwu ndə̂ logbɛ̂ logbɛ̂ sə̈ azü. Modô ndə̂ Akrə kä ndə̂ âzadje kɨ̈zɨ̂ nə̈ lâme sə̈ nyê, bëte tchetchë kä ndə̂ Ndjapä Bha mbô ngâ nyîsɨ̂ ndə̂ gbôgbô ëtə̂ yê.»

Abadjângele 10:41

Tche mâbo tə̂ yê tə̂ azü gbɛ̂-a, praâbalë tche mätə̂ yê tə̂ ârâ ndə̂ Ndjapä ê ârâ dokʉ̈tchê ndə̂kə̂ pa ârâ sə sə̂ arə ndə̂ tche mbô rə̂. Ârâ ndə̂ ârâ zɨ̂ rə, kə̈ ndjô rə la tchë la tchêngbâ nə̈ ndə̂ tche jô lə̂ kuzü.

Apökälîbïchi 19:9

Ânje nə̈ tô rə̂ sə̈ mê päkëdə̂: «Mbo pö âtə lə̂ mbëtï: Mômô wätə̂ azü ndə̂ a ê andjê ndə̂ kpülü ndə̂kə̂ to ɛ̈chë ndə̂ Ngbavö Ɛ̈bro-ngbaga nə̈!» Tche kâ tô rə̂ päkëdə̂: «Apö lâme də̈ alëge pö ndə̂ Ndjapä.»