Lûke 21:8 - Mbëtï Ndjapä: TÄFO MADƗ̈

⁸ Jezü tô rə̂ ndə̂nə̈ sə̈ andjê päkëdə̂: «La nyë gbö-ê, ngâ akrə böloabô nyê bôlo-ê! Bëte angbängbä azü ânəadje la rə̈ mê, kə̂ to rə̂ päkëdə̂: ‹Anyenyê kä ndə̂ âdə̂ Krîsiti› andjê toadje rə̂ me päkëdə̂: ‹Lo nə̈ tâ tâ nə̂!› Praâbalë nyë zäbô tchêngbâ andjê zâ-ê!

Lûke 21:8 Iomraidhean Croise

Matiyə̈ 24:11

Akpûlû a-earə̂ ndə̂ma Ndjapä ndə̂ yepa ânəadje ndə̂kə̂ bolo azü tə̂ gbölösə̂nə̈.

Matiyə̈ 3:2

Tche tö rə̂ päkëdə̂: «Äwäpä nyë gbotə̂ bəndɨ kə̂ mbo rə ndə̂ nyê, bëte lo kə̂ mbo kümändëmä ndə̂ Ndjapä pâ nyê ndô nə̂.»

Matiyə̈ 4:17

Tə̂ lo nə̈ lâme Jezü jêtə̂ kə̂ mu pö. Tche tö rə̂ päkëdə̂: «Äwäpä nyë gbotə̂ bəndɨ kə̂ mbo rə ndə̂ nyê, bëte lo kə̂ mbo kümändëmä ndə̂ Ndjapä pâ nyê ndô nə̂.»

Lûke 17:23

A âtoadje rə̂ sə̈ nyê päkëdə̂: ‹Tche kä təbhâ!› Âdəndjë rə̂ ‹tche kä tchâtə!› Praâbalë nyë ëäbô ê bhâye-ê, âdəndjë rə̂ nyë kpëäbô kpê bhâye-ê.

Lûke 21:7

Andjë yû Jezü päkëdə̂: «Earə̂ kə̂ nyisə̂ rə, rə nə̈ lâme âmbo dalatchêbâ? Sɨ̂nyî rə giamâ kä ndə̂ ânyiadje sə̂ lö ndə̂ arə nə̈ lâme wutu lə̂nə̈?»

Lûke 21:9

Âdə nyë âdje pö ndə̂ akʉ̈ʉ̈, la apö ndə̂ azü alafô la rə̂ tə̂ agbölö azü gö, wawa mböäbô nyê mbô-ê. Bëte äwäpä arə nə̈ lâme wutu dokʉ̈tchê. Praâbalë tchîsûwu nə̈ wâbo ndə̂kə̂ krʉ angangaâtə-a.»

Jâan 5:43

Mëmê, më nə̈ la rə̈ Bha mê, nyë mbôâbo la sə̂ mê-a. Âdə ngâ akrə ngbî ânə la rə̈ yê la tə̂ yê, tchanə̈ lâme kä ndə̂ nyê mbo la sə̂ yê!

Jâan 8:24

Bëte rə̂ kä ndə̂ më tô rə̂ sə̈ nyê pä nyê tchuadje lə̂ ngbongbo rə ndə̂ nyê. Bëte âdə nyë âgambabô rə̂ gâmba pä: ‹Më kä tâ›, nyê tchuadje lə̂ ngbongbo rə ndə̂ nyê.»

Jâan 8:28

Käko Jezü tö rə̂ sə̈ andjê päkëdə̂: «Âdə nyê âi Modô ndə̂ Akrə bhâ lafô nə̂, nyê wun-adje sə̂nə̈ päkëdə̂: ‹Më kä tâ.› Nyê wun-adje sə̂nə̈ pä më mbôâbo rə la tə̂ mê-a, praâbalë më tö kütû pö ndə̂ Bha mê nyîsə̂ nə̈ sə̈ mê.

Dokʉ̈ Körɛ̂nte 6:9

Nyë wûn-âbo sə̂nə̈ pä azü ndə̂ andjë mbo ngbongbo rə gbôâbo tchô bhâlə̂ Gbölö gö-gbïɛ̈ ndə̂ Ndjapä? Nyë böloabô tə̂ nyê bôlo-ê: A-earə̂ kə̂ pu aɛ̈chë âdəndjë aköchë katchôgbɛ̂, azü ndə̂ andjë voga angakʉ̈lä, azü ndə̂ andjë pu aɛ̈chë âdəndjë aköchë ndə̂ angâ andjê, aköchë ndə̂ andjë lo la angâ andjê aköchë,

Ëfêze 5:6

Âwâbo pä azü bolo nyê la ambämbä pö-a: Arə käko lâme gbɛ̂ kä ndə̂ ânə la mêrâ ndə̂ Ndjapä pâ azü ndə̂ andjë kôsə̂ pö ma yê.

Bïchuû Tësälönîke 2:3

Nyë gböäbô gbôtə̂ köbo sə̈ ngâ akrə, tche bolo nyê la ngâ känyï-î. Bëte dokʉ̈tchê ndə̂kə̂ pa rə nə̈ wutu, angbängbä azü âgbotə̂ köbo Ndjapä. Ngbongbo akrə âmadje tə̂ yê, tchetchë kä ndə̂ a ndɨadje tchë lə̂ wo ndə̂ logbɛ̂ logbɛ̂.

Bïchuû Timotë 3:13

Andə̂ angbongbo azü la andjanə̈ ndə̂ andjë bôlo angâ andjê, andjê eadje la ngbongbo rə ndə̂ andjê atə̂ tchâtchu nə̈. Andjê boloadje azü ânyë kə̂ bolo ndjë tə̂ andjê.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Bïchuû Jâan 1:7

A-earə̂ yepa zâ tchêpâ cho nə̂ gbɛ̂: Andjë kösə̂ nə̈ pä Jezü Krîsiti nə̂âbo atə̂ bêche âtə batə̂ lëge akrə-a. Akrə ndə̂ tche tô pö käko, dëkë tche wätə̂ earə̂ yepa, kə̈ wâ ndjë tə̂ earə̂ kə̂ kosə̂ Krîsiti.

Apökälîbïchi 1:3

Mômô kä tə̂ akrə ndə̂ tche dɨ mbëtï âtə, mômô kä tə̂ azü ndə̂ andjë dje apö âtə ndə̂ âwâtə̂ ndə̂ma Ndjapä, ânyë kə̈ mbô rə gundə̂sə̂ apö ndə̂ a mbô rə̂ lə̂ mbëtï âtə! Bëte lo arə nə̈ wâ nə̂ tchêtchêtchê ndə̂kə̂ wutu.

Apökälîbïchi 12:9

A yî gbölö gia ndə̂ tche wâ batə̂ mbölëngä lâme atə̂ bêche. Tchetchë kä ndə̂ âwâtə̂ bəndɨ ɛ̈krʉ̂ ndə̂ a ê rə̂ tə̂ yê pä Jâbolo, Satäa earə̂ kə̂ bolo azü pâ cho gbɛ̂. A yî tchë atə̂ bêche, tchetchë la aânje ndə̂ yê.