Lûke 21:16 - Mbëtï Ndjapä: TÄFO MADƗ̈

¹⁶ Arabha nyê la araanyï nyê, arə̂mâ ndə̂ nyê, araagü nyê, andjê kʉadje nyê tchânə̂ agbölö azü. Andjê won-adje angbängbä azü lə̂ gbâtə̂ nyê.

Lûke 21:16 Iomraidhean Croise

Matiyə̈ 10:21

Ngâ yîngâ yoadje sə̂ yîngâ yê ndə̂kə̂ pa a won tchë, bha mboadje ndjë tâ käko tə̂ bechë ndə̂ yê. Abechë âadje lafô tə̂ arabha andjê la araanyï andjê, kə̂ mbo rə̂ ndə̂kə̂ pa a wa ngbanga kuzü lə̂ küma andjê.

Mâreke 13:12

Ngâ yîngâ yoadje sə̂ yîngâ yê ndə̂kə̂ pa a won tchë, bha mboadje ndjë tâ käko tə̂ bechë ndə̂ yê. Abechë adjelafô tə̂ arabha andjê la araanyï andjê, kə̂ mbo rə̂ ndə̂kə̂ pa a wa ngbanga kuzü lə̂ küma andjê.

Lûke 12:53

Bha bechë âkosə̂ modô ndə̂ yê, modô nə̈ kosə̂ bha nə̈. Anyï kosə̂ ɛ̈wünrə ndə̂ yê, ɛ̈wünrə kosə̂ anyï nə̈. Anyï köchë kosə̂ nyinə̂ nə̈, nyinə̂ kosə̂ anyï köchë nə̈.»

Lûke 21:15

Bëte mëmê la tə̂ mê, mê zadje pö sə̈ nyê ndə̂kə̂ to rə̂, kə̂ mbo rə̂ pä küma nyê wa lanə̈. Apö lâme, azü ndə̂ andjë kôsə̂ nyê wâbo ndə̂kə̂ to ndjë ngâ pö ngbî ndə̂nə̈, âdəndjë ndə̂kə̂ kosə̂ nə̈-a.

Lûke 21:17

Azü gbɛ̂ âkoadje sə̂ nyê bëte mê.

Abadjângele 12:2

Tche zâma ânyë a wôn Jâke yîngâ Jâan la besala.

Abadjângele 7:59

Ndə̂ andjë nyê Etîêne la täme, tche tô pö sə̈ Ndjapä päkëdə̂: «Gbölö Gbïɛ̈ Jezü, amö za vrö mê!»

Apökälîbïchi 12:11

Praâbalë arə̂mâ ndə̂ azə̂ röpâ yê lə̂ köbosə̂ jï Ngbavö Ɛ̈bro-ngbaga, ndjë lə̂ köbosə̂ pö ndə̂ andjë wûnsə̂ nə̈ ânyë kə̈ mû rə̂, andjë wûn tchîsûwu ndə̂ andjê tə̂ mbämbä rə, kə̈ wâ tchêtchêtchê ndə̂kə̂ tchu.

Apökälîbïchi 2:13

Më wûnsə̂ tchô ndə̂ mo lô tâ nə̂, tchô nə̈ lâme wätə̂ ngendë-gbïɛ̈ ndə̂ Satäa. Praâbalë mo zätə̂ zə̈ gbɛ̂ sə̈ mê, mo vûâbo sə̂ su zə̈ ndə̂ mo zâ rə̂ sə̈ mê-a. Ndjë, tə̂ lo nə̈ ndə̂ a wôn Äntïpâse bhândə̂ nyê, sə̂ tchô ndə̂ Satäa sə̂ tâ. Äntïpâse nə̈ də̈ akrə ndə̂ tche mû pö pâ mê djîrə̂. Lə̂ arə lâme gbɛ̂ gbô su zə̈ kä pâ mê.

Apökälîbïchi 6:9

Ndə̂ Ngbavö Ɛ̈bro-ngbaga nə̈ âsə̈ on mïndûu mênde nə̈, më wûn avrö azü ndə̂ a wôn andjê bëte pö Ndjapä tchâtchâ gbalâka, ndə̂ andjë wûnsə̂ pö pâ Ndjapä ânyë kə̈ mû rə̂.