Lûke 21:12 - Mbëtï Ndjapä: TÄFO MADƗ̈

¹² Praâbalë dokʉ̈tchê ndə̂kə̂ pa rə nə̈ lâme wutu, a âkʉadje nyê, kə̂ mboadje nyê la yûkü, ndjë kə̂ eadje la nyê bhâlə̂ anda kə̂ voga Ndjapä ndə̂kə̂ pa a wa ngbanga pâ nyê. A âyiadje nyê lə̂ nda kânga; ânyë a â-eadje la nyê atə̂ tchâtchu agbïɛ̈ la agoverenëre bëte mê.

Lûke 21:12 Iomraidhean Croise

Matiyə̈ 22:6

Angânə̈ kʉ̂ a-earə̂ kua ndə̂ gbölö akrə nə̈, kə̈ mbô andjë tə̂ chocho, ânyë kə̈ wôn andjê.

Matiyə̈ 24:8

Arə nə̈ lâme wadje batə̂ dokʉ̈ kə̂ ka tchə̂lə̂ ɛ̈chë ndə̂ tche wâ ndə̂kə̂ zɨ.

Lûke 21:11

acho âtroadje tə̂ gbölösə̂nə̈, ânyë lə̂ angâ atchô ngbî ngbî, gbölö gʉ âmbo me tə̂ gbölösə̂nə̈, angbongbo atə̂kömbô âkʉadje azü kulə̂ angâ agö; agbölö arə ndə̂ âza wa lə̂ azü la asɨ̂nyî rə, âtoadje bhâ lafô ânyë kə̂ nə.

Jâan 15:20

Nyë rɨ̈ tchə̂lə̂ nyê tə̂ pö ndə̂ më tô rə̂ päkëdə̂: ‹Earə̂ kua wâbo gbölö kə̈ rô gbölö akrə ndə̂ yê-a.› Âdə azü tchêbêche âmbo mê la yûkü, andjê mboadje ndjë nyê la yûkü. Âdə andjê âbata pö ndə̂ mê, andjê batadje ndjë pö ndə̂ nyê.

Jâan 15:21

Praâbalë andjê mboadje arə lâme gbɛ̂ tə̂ nyê tə̂ pö ndə̂ rə̈ mê, bëte andjë wûn-âbo sə̂ tchanə̈ ndə̂ tche wân mê-a.

Abadjângele 22:30

Gbölö kömändâ ndə̂ aturûgu nə̈ nyîndə̂ kə̂ wunsə̂ lëge dju pö ndə̂ ajuîfu yî rə̂ lə̂ küma Pôlo lâme. Lö balë pânə̈, tche zâma pä agbölö a-earə̂ kə̂ wa ngela sə̈ Ndjapä la akpôkpô azü ndə̂ gbölö kpûlû ngbanga ndə̂ ajuîfu gbɛ̂ pâlatə̂ andjê. Tche zû djingîli tə̂ Pôlo ânyë kə̈ zâ tchë ndə̂kə̂ krʉ tchâtchu andjê.

Abadjângele 5:40

Andjë ê abadjângele nə̈, kə̈ bhî andjê, ânyë kə̈ zâma la gbôgbô sə̈ andjê ndə̂kə̂ pa andjë ka êâbô rə̈ Jezü ê balë-ê. Pânə̈ andjë gbôtə̂ abadjângele nə̈-ê.

Abadjângele 8:3

Andə̂ Sôlo, tche sə̈ logbɛ̂ lakə̂ ndrɨndrɨ Egilîze. Tche lï kulə̂ anda ndə̂kə̂ kʉ aköchë la aɛ̈chë ânyë kə̂ yi andjê atə̂lə̂ nda kânga.

Abadjângele 9:4

Tche tê bêche ânyë kə̈ djê tchə̂lə̂ ngä gɨ̈ ndə̂ âtô rə̂ sə̈ tchë päkëdə̂: «Sôlo, Sôlo, mo sə̈ lakə̂ mbo gbôgbô tə̂ mê bëte giamâ?»

Dokʉ̈ Pîêre 2:13

Äwäpä nyë dje ma azü gbɛ̂ ndə̂ andjë wâ la kümändëmä pâ azü pâ cho âtə, bëte nyë də̈ azü ndə̂ Gbölö Gbïɛ̈ Jezü: Nyë djë ma gbölö gbïɛ̈ ndə̂ tchêbêche, ndə̂ tche wâ la gbölö kümändëmä pâ adɨ̂ agbïɛ̈ gbɛ̂.

Apökälîbïchi 2:10

Âwâbo pä mo wa la wawa yûkü ndə̂ mô wun-adje rə̂ lâme-a. Amö djë pö âtə: Jâbolo vuadje nyê, kə̂ yiadje angâ azü lə̂ gbâtə̂ nyê lə̂ nda kânga. Nyê wun-adje yûkü lə̂ lö lə̂ könô gbɛ̂. Äwäpä mo mbo rə gundə̂sə̂ pö ma mê ndjoa ëtə̂ kuzü, ânyë mê zadje kurône ndə̂ tchîsûwu ndə̂ logbɛ̂ logbɛ̂ sə̈ mö.