Lûke 20:8 - Mbëtï Ndjapä: TÄFO MADƗ̈

⁸ Jezü tô rə̂ sə̈ andjê päkëdə̂: «Mëmê ndjë gbɛ̂, mê nyiabô sə̂ akrə ndə̂ tche zâ gbôgbô lâme sə̈ mê tee-a.»

Lûke 20:8 Iomraidhean Croise

Matiyə̈ 15:14

Nyë gbötə̂ andjê, a-earə̂ föla kä ndə̂ ânyisə̂ köbo sə̈ angâ andjê a-earə̂ föla. Âdə ngâ earə̂ föla ânyisə̂ köbo sə̈ ngâ yê earə̂ föla, andjê bïchuû gbɛ̂ teadje atə̂lə̂ kudû!»

Matiyə̈ 16:4

Azü ndə̂ tchô angêta də̈ angbongbo azü, andjë nyîâbo ndə̂kə̂ dje pö ma Ndjapä-a. Andjë yükû nə̈ pä më mbo ngâ kpɨ̈ngbɨ̈ rə. Andjê wun-abô rə̂ tee-a, kütû kpɨ̈ngbɨ̈ rə ndə̂ Ndjapä mbô rə̂ balë lə̂ köbosə̂ earə̂ ndə̂ma Ndjapä Jönâse lâme.» La tchêngbâ nə̈ Jezü gbôtə̂ andjê tchâme kə̈ ê etə̂.

Matiyə̈ 21:27

Käko andjë tô rə̂ ndə̂nə̈ sə̈ Jezü päkëdə̂: «Ârâ wûn-âbo sə̂nə̈-a.» Tche tô ndjë rə̂ sə̈ andjê päkëdə̂: «Mëmê ndjë gbɛ̂ mê nyiabô sə̂ akrə ndə̂ mê mbo rə lâme la rə̈ yê sə̈ nyê tee-a.»

Mâreke 11:33

Tchâme, andjë tô rə̂ ndə̂nə̈ sə̈ Jezü päkëdə̂: «Ârâ wûn-âbo sə̂nə̈-a.» Jezü tô rə̂ sə̈ andjê päkëdə̂: «Mëmê ndjë gbɛ̂, mê nyiabô sə̂ akrə ndə̂ mê mbo rə âtə la rə̈ yê sə̈ nyê tee-a.»

Lûke 20:7

Käko andjë tô rə̂ sə̈ Jezü päkëdə̂: «Ârâ wûn-âbo sə̂ akrə ndə̂ tche wân Jâan ndə̂kə̂ za batɛ̂me sə̈ azü lâme-a.»

Lûke 20:9

La tchêngbâ nə̈ Jezü sə̂ lakə̂ to ndoka âtə sə̈ azü nə̈ päkëdə̂: «Ngâ akrə mbö kɨ̈ndɨ̈ vînye, ânyë kə̈ gbôtâ ëtchânə̂ a-earə̂ kə̂ mbo kua vînye, ânyë kə̈ ê atə̂sə̂ ngâ tchô ndə̂kə̂ sə bhâye lə̂ angâ angbängbä alö.

Lûke 22:68

Âdə më âyu nyê la ngâ pö, nyê toabô pö ndə̂nə̈ sə̈ mê tee-a.