Lûke 20:5 - Mbëtï Ndjapä: TÄFO MADƗ̈

⁵ Praâbalë andjë zâ küma andjê lə̂ gbâtə̂ andjê lakə̂ to rə̂ päkëdə̂: «Âdə azə̂ âto rə̂ ndə̂nə̈ sə̈ tchë päkëdə̂: ‹Ndjapä kä ndə̂ âwân Jâan,› tchê yuadje azə̂ päkëdə̂: ‹Bëte giamâ kä ndə̂ nyë gâmbabô pö ndə̂ Jâan gâmba-ê?›

Lûke 20:5 Iomraidhean Croise

Matiyə̈ 16:7

Adjisîpili sə̂ lakə̂ to rə̂ lə̂ gbâtə̂ andjê päkëdə̂: «Bëte rə̂ ndə̂ azə̈ kʉ̂âbô mâpa kʉ̂ lâme kä ndə̂ tche tô pö lâme.»

Matiyə̈ 21:25

Tchabâ kä ndə̂ âwân Jâan-Batîse ndə̂kə̂ za batɛ̂me ndə̂ ngû sə̈ azü? Ndjapä kä? Âdəndjë azü?» Andjë sə̂ lakə̂ to rə̂ lə̂ gbâtə̂ andjê päkëdə̂: «Âdə azə̂ âto rə̂ päkëdə̂: ‹Ndjapä kä âkə̈ wân Jâan›, tchê yuadje azə̂ päkëdə̂: ‹Bëte giamâ kä ndə̂ azə̈ gâmbabô pö ndə̂ yê gâmba?›

Lûke 20:4

Tchabâ âwân Jâan-Batîse ndə̂kə̂ za batɛ̂me ndə̂ ngû sə̈ azü? Ndjapä kä? Âdəndjë azü tchêbêche?»

Lûke 20:6

Praâbalë âdə azə̂ âto rə̂ päkëdə̂: ‹Azü kä ndə̂ âwân Jâan,› azü gbɛ̂ nyeadje azə̂ la täme kə̂ won azə̂! Bëte andjë gämba rə̂ la su andjê gbɛ̂ pä Jâan wätə̂ earə̂ ndə̂ma Ndjapä.»

Jâan 1:30

Tchetchë kä ndə̂ më tô pö ndə̂ yê alême päkëdə̂: ‹Akrə ndə̂ tche nə la tchêngbâ mê lâme, tche wä gbölö kə̈ rô mê, bëte tche wä dokʉ̈tchê tə̂ mê.›

Jâan 1:34

Mëmê Jâan, më wûn rə̂ la lala mê nə̂. Ârə̂ kä ndə̂ më tô rə̂ sə̈ azü gbɛ̂ pä köchë âtə də̈ Modô ndə̂ Ndjapä.»

Jâan 3:26

Andjë kâ kə̈ gbô Jâan, kə̈ tô rə̂ sə̈ tchë päkëdə̂: «Earə̂ kə̂ nyisə̂ rə, köchë ndə̂ nyë sə̂ la tchë dəkalâ ngû ndə̂ Jurudɛ̈n ndə̂ mo tô pö ndə̂ yê alême, tche kä ndjë lakə̂ za batɛ̂me ndə̂ ngû sə̈ azü, angbängbä azü kä lakə̂ e pu tchë.»

Jâan 3:36

Akrə ndə̂ tche zâ su yê sə̈ Modô nə̈, tche kä la tchîsûwu ndə̂ logbɛ̂ logbɛ̂. Akrə ndə̂ tche kôsə̂ kə̂ za su yê sə̈ Modô nə̈, tchê wabô la tchîsûwu nə̈ lâme tee-a, praâbalë gbô mêrâ ndə̂ Ndjapä kä pâ yê.

Abadjângele 13:25

Ndə̂ Jâan ndô tə̂kə̂ ka kua ndə̂ yê, tche tô rə̂ päkëdə̂: ‹Nyë wünsə̂ nə̈ pä më də̈ tchabâ? Akrə ndə̂ nyë krʉ̂ bëte tchë lâme də̂âbo mê-a. Nyë djë rə̂: Tchê nəadje la tchêngbâ mê, më kʉ̂âbo sə̂kə̂ zu awû adakpo tə̂ da yê-a.›