Lûke 20:16 - Mbëtï Ndjapä: TÄFO MADƗ̈

¹⁶ Tchê kadje, kə̂ won-adje a-earə̂ kə̂ djo kɨ̈ndɨ̈ vînye nə̈ gbɛ̂ ânyë kə̂ gbotə̂ kɨ̈ndɨ̈ nə̈ ëtchânə̂ angâ azü ngbî.» Ndə̂ azü nə̈ djê pö lâme, andjë tô rə̂ päkëdə̂: «Rə nə̈ âmboabô balë tee-a!»

Lûke 20:16 Iomraidhean Croise

Matiyə̈ 21:34

Lo kə̂ soa lêlê vînye nə̈ âsə̈ ndo, tche wân azü kua ndə̂ yê sə̈ a-earə̂ kə̂ mbo kɨ̈ndɨ̈ nə̈ ndə̂kə̂ pa andjë wan andə̂ anyê lêlê vînye nə̈.

Matiyə̈ 21:41

Azü nə̈ tô rə̂ ndə̂nə̈ sə̈ tchë päkëdə̂: «Tchê won-adje angbongbo azü lâme la ngbongbo kə̂ won tchô, kə̂ zadje kɨ̈ndɨ̈ nə̈ sə̈ angâ a-earə̂ kə̂ mbo kua kɨ̈ndɨ̈ vînye ngbî, ndə̂kə̂ pa lo nə̈ ndə̂ andjë soa lêlê vînye nə̈, andjë kʉ andə̂ ye nə̈ sə̈ tchë.»

Matiyə̈ 22:7

Su gbïɛ̈ nə̈ kʉ̂ tchë, tche wân aturûgu ndə̂kə̂ won a-earə̂ kə̂ won azü lâme, kə̈ chô gö ndə̂ andjê.

Mâreke 12:9

Jezü yû andjê päkëdə̂: «Earə̂ kɨ̈ndɨ̈ nə̈ âmbo atöko? Tchê kadje, kə̂ won-adje a-earə̂ kə̂ djo kɨ̈ndɨ̈ vînye nə̈ gbɛ̂ ânyë kə̂ gbotə̂ kɨ̈ndɨ̈ nə̈ ëtchânə̂ angâ azü ngbî.

Lûke 19:27

Andə̂ a-earə̂ kə̂ kosə̂ mê, ndə̂ andjë nyîâbô nyîndə̂ nə̈ pä më watə̂ gbïɛ̈ ndə̂ andjê lâme, nyë nə̈ la andjê atâ, kə̈ wôn andjê kpô tchâtchu mê!›»

Lûke 20:15

Andjë wûtu la tchë lə̂ kɨ̈ndɨ̈ vînye nə̈ bhâchï kə̈ wôn tchë-ê.» Jezü yû andjê päkëdə̂: «Earə̂ kɨ̈ndɨ̈ nə̈ âmbo tə̂ andjê atöko?

Abadjângele 13:46

Käko Pôlo la Bärnäbâse kâ tô rə̂ la gbôgbô sə̈ andjê päkëdə̂: «Nyënyê âme kä ndə̂ ârâ wâ ndə̂kə̂ mu pö Ndjapä sə̈ nyê dokʉ̈tchê. Praâbalë nyë kôsə̂ nə̈ ânyë kə̈ wûntə̂ nyê pä, nyë kʉ̂âbo sə̂kə̂ gbo tchîsûwu ndə̂ logbɛ̂ logbɛ̂-a. Käko ârâ âdotə̂ ârâ pu azü ndə̂ andjë wâbô wâtə̂ ajuîfu.

Rômo 11:1

Käko më yü tchô päkëdə̂: Ndjapä gbôtə̂ azü gö ndə̂ yê nə̂? Âdə̂âbo käko-a! Bëte mëmê la tə̂ mê, më wätə̂ akrə ndə̂ Isarayële lə̂ bûngrɨ̂ ndə̂ Abrahâmo, pâ mawo ndə̂ Bejamɛ̈n.

Rômo 11:11

Më yû tchô päkëdə̂: Ndə̂ ajuîfu gʉ̂te da andjê ânyë kə̈ tê lâme, andjë tê nə̂ tratralë? Âdə̂âbo käko-a! Praâbalë lə̂ köbosə̂ kə̂ mbo ngbongbo rə ndə̂ ajuîfu, azü ndə̂ andjë wâbô wâtə̂ ajuîfu tchâ lə̂ kuzü. Ndjapä mbö rə̂ käko ndə̂kə̂ pa ajuîfu mbo gbölö su tə̂ andjê.

Rômo 3:31

Käko azə̈ wün ndïɛ̈ batə̂ mbämbä rə? Ndə̂ azə̈ zâ su azə̂ sə̈ Jezü Krîsiti âtə? Âdə̂âbo käko-a! Azə̈ mbö rə̂ ndə̂kə̂ pa ndïɛ̈ nə̈ lu lə̂ la azü.

Rômo 3:4

Âdə̂âbo käko-a! Äwäpä azü wunsə̂ nə̈ pä Ndjapä mbö rə gundə̂sə̂ lëge pö, ânyë azü gbɛ̂ wätə̂ a-earə̂ yepa. Ädə̈ käko ânyë Mbëtï Ndjapä tô rə̂ päkëdə̂: «Äwäpä azü wunsə̂ nə̈ pä mo wä djîrə̂, lə̂ köbosə̂ kə̂ to pö ndə̂ zə̈ ânyë âdə azü âza pö lə̂ küma zə̈, mo wutu lə̂nə̈-ê.»

Rômo 3:6

Âdə̂âbo käko-a! Âdə rə nə̈ âwa käko, atöko kä ndə̂ Ndjapä wa ngbanga lə̂ küma azü?

Rômo 6:15

Pö lâme nyïndə̂ kə̂ to rə̂ atöko? Ndə̂ azə̈ wûtu tchâtchâ ndïɛ̈ ânyë kə̈ wâ tchâtchâ tchôtchô su ndə̂ Ndjapä lâme, ârə̂ kä ndə̂ âzâ köbo sə̈ azə̂ ndə̂kə̂ mbo ngbongbo rə? Âdə̂âbo käko-a!

Rômo 6:2

Âdə̂âbo käko-a! Ndə̂ azə̈ tchû, ânyë tchə̂lə̂ tə̂ azə̂ krʉ̂ la ngbongbo rə lâme, atöko kä ndə̂ azə̈ ndəpo lakə̂ mbo ngbongbo rə etə̂?

Rômo 7:13

Rə ndə̂ âwâtə̂ tchôtchô rə kä âkə̂ watə̂ rə ndə̂ âwon mê? Âdə̂âbo käko-a! Praâbalë ngbongbo rə kä ndə̂ âwon mê: Ngbongbo rə zä rə ndə̂ âwâtə̂ tchôtchô nə̈ ndə̂kə̂ won mê la rə̂, ndə̂kə̂ nyisə̂ nə̈ pä tche wätə̂ ngbongbo rə tə̂ lëge nə̈. Bëte rə̂ kä lə̂ köbosə̂ ndïɛ̈, ngbongbo rə nyïsə̂ nə̈ pä anyë wätə̂ ngbongbo rə tə̂ lëge nə̈.

Rômo 7:7

Käko pö giamâ kä ndə̂ azə̈ to rə̂? Ndïɛ̈ wätə̂ ngbongbo rə? Âdə̂âbo käko-a! Praâbalë ndïɛ̈ kä ndə̂ ânyisə̂ kə̂ wunsə̂ ngbongbo rə sə̈ mê. Ndïɛ̈ tö rə̂ päkëdə̂: «Mboabô gʉ rə ndə̂ akrə mbô-ê!» Âdə ndïɛ̈ âtoabô pö tô pâ kə̂ mbo gʉ rə ndə̂ akrə-ê, mê wun-abô ndjë sə̂nə̈ tee-a.

Rômo 9:14

Änyïndə̂ kə̂ tö rə̂ atöko? Ndjapä wâbo tə̂ djîrə̂ akrə? Âdə̂âbo käko balë-a!

Dokʉ̈ Körɛ̂nte 6:15

Nyë wûn-âbo sə̂nə̈ pä atchâme-tə̂ nyê də̈ tchâkalâ atchâme-tə̂ Krîsiti? Ndə̂ âdə̂ käko, më âza tchâkalâ tə̂ Krîsiti nə̈ ndə̂kə̂ mbo rə̂ pä äwatə̂ tchâkalâ ngâ ɛ̈chë ndə̂ kua ndə̂ yê wâ ndə̂kə̂ pu aköchë katchôgbɛ̂? Âdə̂âbo käko-a!

Gälâte 2:17

Praâbalë âdə ârâ âpu köbo ndə̂kə̂ wa djîrə̂ lə̂ la Ndjapä lə̂ köbosə̂ Krîsiti, ânyë a wûn ndjë ârâ batə̂ a-earə̂ ngbongbo rə, änyïndə̂ kə̂ to rə̂ pä Krîsiti ë la ârâ ndə̂kə̂ mbo ngbongbo rə? Âdə̂âbo käko-a.

Gälâte 3:21

Käko änyïndə̂ kə̂ to rə̂ päkëdə̂ ndïɛ̈ wä ngbî tə̂kə̂ za bâlâ ndə̂ Ndjapä? Âdə̂âbo käko-a! Âdə a âza ngâ ndïɛ̈ alême ndə̂ âwâ ndə̂kə̂ za tchîsûwu sə̈ azü, dëkë akrə wä ndə̂kə̂ wa djîrə̂ lə̂ la Ndjapä lə̂ köbosə̂ ndïɛ̈ nə̈.

Gälâte 6:14

Âdə andə̂ me nə̈, tə̂ mê krâbo tə̂ ngâ rə ngbî-a, tə̂ më krä kütû tə̂ pö ndə̂ yö ndə̂ gba ndə̂ Gbölö Gbïɛ̈ ndə̂ azə̂ Jezü Krîsiti. Lə̂ köbosə̂ yö ndə̂ gba nə̈, arə tchêbêche âtə tchû lə̂ mê nə̂, ânyë më tchû ndjë tə̂ pö ndə̂ arə tchêbêche nə̂.