Lûke 20:1 - Mbëtï Ndjapä: TÄFO MADƗ̈

¹ Tə̂ngâlo, Jezü sə̂ lakə̂ nyisə̂ rə sə̈ azü lə̂ gbölö nda Ndjapä lakə̂ mu Tchôtchô Pö ndə̂ Ndjapä. Agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ la akpôkpô azü wûtu.

Lûke 20:1 Iomraidhean Croise

Matiyə̈ 26:55

Pânə̈ Jezü tô rə̂ sə̈ akpûlû azü nə̈ päkëdə̂: «Nyë nə̈ la besala, la agoto ndə̂kə̂ za mê batə̂ earə̂ ngbä? Logbɛ̂ më sə̈ bechë lə̂ gûtə̂ nyê lə̂ gbölö nda Ndjapä lakə̂ nyisə̂ rə, nyë zâbo mê-a.

Lûke 20:2

Andjë tô rə̂ sə̈ Jezü päkëdə̂: «To rə̂ sə̈ ârâ, gbôgbô giamâ kä ndə̂ mo mbo rə âtə la rə̂? Tchabâ kä ndə̂ âzâ gbôgbô âtə sə̈ mö?»

Lûke 8:1

La tchêngbâ nə̈ Jezü ê kulə̂ agö la ayɛ̈yɛ̈ gö lakə̂ mu Tchôtchô Pö ndə̂ Gbölö gö-gbïɛ̈ ndə̂ Ndjapä. Adjisîpili ndə̂ yê lə̂ könô gbɛ̂ tchêpâ nə̈ bïchuû zâ tchêngbâ yê,

Jâan 18:20

Jezü tô rə̂ sə̈ tchë päkëdə̂: «Më tö pö kraâ tchâtchu azü logbɛ̂, më kä lakə̂ nyisə̂ rə kulə̂ anda kə̂ voga Ndjapä, ndjë lə̂ gbölö nda Ndjapä, sə̂ tchô ndə̂ ajuîfu pala tchê tə̂ andjê tâ. Më tôâbo pö lə̂ hûɛ̂-a.

Abadjângele 4:1

Sə̂nə̈ ndə̂ Pîêre la Jâan sə̂ lakə̂ to pö sə̈ azü nə̈, a-earə̂ kə̂ wa ngela sə̈ Ndjapä la makündji ndə̂ aturûgu ndə̂ gbölö nda Ndjapä la asadusïɛ̈n wûtu.

Abadjângele 6:12

Andjë mbö rə̂ pä mêrâ mbo azü gö nə̈ la akpôkpô azü la a-earə̂ kə̂ nyisə̂ ndïɛ̈. Pânə̈ andjë gîtə̂ andjê ndola Etîêne kə̈ zâ tchë ânyë kə̈ ê la tchë atə̂ tchâtchu azü ndə̂ gbölö kpûlû ndə̂ a-earə̂ kə̂ wa ngbanga ndə̂ ajuîfu.