Lûke 2:9 - Mbëtï Ndjapä: TÄFO MADƗ̈

⁹ Ngâ ânje ndə̂ Gbölö Gbïɛ̈ wûtu ëtə̂ andjê, golowäre ndə̂ Gbölö Gbïɛ̈ tâ pâ andjê. Wawa mbô andjê tə̂ gbölösə̂nə̈.

Lûke 2:9 Iomraidhean Croise

Matiyə̈ 1:20

Ndə̂ gbô tchë ndə̂po lakə̂ za küma yê käko, ngâ ânje ndə̂ Gbölö Gbïɛ̈ nə̂ pu tchë lə̂ lü. Ânje nə̈ tô rə̂ sə̈ tchë päkëdə̂: «Jozêfu, modô ndə̂ Davîdi, wawa ndə̂kə̂ to Malê tə̂ ɛ̈chë ndə̂ zə̈ mböäbô mö mbô-ê, bëte güzu ndə̂ âwâ lə̂ yê lâme, wätə̂ andə̂ Kpɨ̂ki Yingö.

Lûke 1:28

Ânje nə̈ lî bhândə̂ yê kə̈ tô rə̂ päkëdə̂: «Amö sə la mômô. Gbölö Gbïɛ̈ mbô ngâ tchôtchô rə sə̈ mö nə̂! Tche kä la mö.»

Lûke 2:8

Lə̂ tchô nə̈ lâme, a-earə̂ kə̂ bata aɛ̈bro-ngbaga sə̂ bhâlə̂ güsü lə̂ bütchî lakə̂ bata aɛ̈bro-ngbaga ndə̂ andjê.

Lûke 24:4

Andjë wûn-âbo sə̂ pö ndə̂ andjë to rə̂-a, kpro kâkë, angâ aköchë bïchuû wûtu kpô tchâtchu andjê, lə̂ba ndə̂ andjê tä batə̂ lo.

Jâan 12:41

Ezayï tö pö lâme alême bëte tche wün köbo ndə̂ Jezü wâ gbölö ânyë kə̈ tô pö ndə̂ yê.

Abadjângele 12:7

Kpro kâkë, ânje ndə̂ Gbölö Gbïɛ̈ wûtu, ngâ rə batə̂ wo tchô dələ̂ darə ndə̂ Pîêre sə̂ tâ. Ânje nə̈ jô Pîêre lakə̂ bhi tchë tə̂ krʉ yê. Ânje nə̈ tô rə̂ sə̈ tchë päkëdə̂: «Alafô gasa-ê!» Käko adjingîli nə̈ zû tə̂ könô Pîêre kə̂ tû-î.

Abadjângele 27:23

Lə̂ bütchî âtə, ngâ ânje ndə̂ Ndjapä ndə̂ mê, ndə̂ mê mbo kua ndə̂ yê wütu ëtə̂ mê,

Abadjângele 5:19

Praâbalë lə̂ bütchî nə̈, ngâ ânje ndə̂ Gbölö Gbïɛ̈ krô manda nda kânga nə̈, kə̈ wûtu la abadjângele nə̈, ânyë kə̈ tô rə̂ sə̈ andjê päkëdə̂:

Bïchuû Körɛ̂nte 3:18

Azə̂ gbɛ̂ ndə̂ a jî lə̂ba tə̂ la azə̂, azü âwun golowäre ndə̂ Gbölö Gbïɛ̈ pâ la azə̂ batə̂ rə̂ ndə̂ akrə wun tchâtchu yê lə̂ wunla. Azə̈ wâ nə̂ ngbî ndə̂kə̂ pa azə̈ kʉtə̂ azə̂ la Gbölö Gbïɛ̈, ânyë golowäre ndə̂ azə̂ sə lakə̂ gêgë lə̂ köbosə̂ Gbölö Gbïɛ̈ ndə̂ tche də̂ Yingö.

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Aheborö 12:21

Rə ndə̂ nyë wûn rə̂ âtə, ämbö wawa tə̂ gbölösə̂nə̈, ârə̂ kä ndə̂ Möyîze tô rə̂ päkëdə̂: «Wawa mbö mê tə̂ gbölösə̂nə̈ ânyë më sə̂ lakə̂ gugu!»

Apökälîbïchi 18:1

Pânə̈ më wûn ngâ ânje ngbî ndə̂ tche tô bhâ lafô ânyë kə̈ jrê. Tche wä la gbölö kümändëmä, ânyë ngbänga yê zâ tchêpâ cho gbɛ̂.

Apökälîbïchi 20:11

Pânə̈ më wûn ngâ gbölö grôgrô ngendë-gbïɛ̈ la akrə ndə̂ tche sə̂ pânə̈. Tchêlafô la tchêbêche rô tchâtchu yê, ânyë a kä wûn bata rə̂-a.