Lûke 2:51 - Mbëtï Ndjapä: TÄFO MADƗ̈

⁵¹ Pânə̈ Jezü dôtə̂ yê la andjê atə̂ Näzärête. Tche djê ma bha nə̈ la anyï nə̈. Rə gbɛ̂ ndə̂ âwûtu lâme, anyï nə̈ bâta rə̂ tə̂ su yê.

Lûke 2:51 Iomraidhean Croise

Matiyə̈ 12:46

Ndə̂ gbô Jezü ndə̂po lakə̂ to pö sə̈ kpûlû azü nə̈, anyï nə̈ la ayîngâ yê wûtu. Andjë sə̈ bhâ sûwu lakə̂ pu köbo ndə̂kə̂ to pö sə̈ tchë.

Matiyə̈ 3:15

Praâbalë Jezü tô rə̂ ndə̂nə̈ sə̈ tchë päkëdə̂: «Gamba rə̂ ndə̂kə̂ pa rə nə̈ wa käko angêta. Käko kä ndə̂ azə̈ wâ ndə̂kə̂ mbo rə gbɛ̂ ndə̂ âwâtə̂ tchôtchô nə̈ lə̂ la Ndjapä.» Tchâme, Jâan gâmba rə̂.

Mâreke 1:9

Käko Jezü tô bhâ Näzärête ngâ gö ndə̂ Galilë, ânyë Jâan zâ batɛ̂me sə̈ tchë lə̂ ngû ndə̂ Jurudɛ̈n.

Mâreke 6:3

Âdə̂âbo säräpändë âtə, ndə̂ tche də̂ modô ndə̂ Malê, yîngâ Jâke la Jozë la Jûde la Chemön lâme kä? Azə̈ mbôâbo gö la anyînə̂ nə̈ tchâtə?» Rə lâme kä ndə̂ âmbô rə̂ ânyë, andjë kôsə̂ kə̂ za su andjê sə̈ tchë.

Lûke 18:37

A tô rə̂ sə̈ tchë pä Jezü, akrə gö ndə̂ Näzärête kä ndə̂ âro lâme.

Lûke 2:19

Andə̂ Malê, tche bâta rə̂ lə̂ su yê lakə̂ za küma yê tâ.

Lûke 2:39

Ndə̂ bha Jezü la anyï nə̂ mbô rə gbɛ̂ ndə̂ ndïɛ̈ ndə̂ Ndjapä yûkû nə̂, andjë dôtə̂ andjê atə̂ Näzärête ndə̂ âdə̂ ngâ gö ndə̂ Galilë, gö ndə̂ andjê.

Lûke 4:16

Jezü ê atə̂ Näzärête, gö ndə̂ tche kʉ̂che lə̂nə̈. Lə̂ lö sabäa tche lî lə̂ nda kə̂ voga Ndjapä batə̂ rə̂ ndə̂ tche mbo tchê rə̂ logbɛ̂. Tche âlafô ndə̂kə̂ dɨ Mbëtï Ndjapä.

Lûke 4:23

Jezü tô rə̂ sə̈ andjê päkëdə̂: «Nyê toadje ndoka âtə sə̈ mê tə̂ lëge nə̈ päkëdə̂: ‹Dokotöro, amö tcha tə̂ zə̈ la tə̂ zə̈.› Nyë âto ndjë rə̂ me sə̈ mê päkëdə̂: ‹Ârâ djê pö ndə̂ arə gbɛ̂ ndə̂ mo mbô rə̂ bhâ Käpërënäyûmo lâme nə̂, äwäpä mo mbo ndjë arə nə̈ lâme tchâtə lə̂ gö ndə̂ zə̈.›»

Ëfêze 5:21

Nyënyê ndə̂ nyê kpe wa Krîsiti, äwäpä nyë dje ma angâ nyê lə̂ gbâtə̂ nyê.

Dokʉ̈ Pîêre 2:21

Dëkë rə ndə̂ Ndjapä ê nyê bëte rə̂ kä lâme, bëte Krîsiti la tə̂ yê wün ndjë yûkü tə̂ pö ndə̂ nyê, ânyë kə̈ nyîsə̂ köbo nə̈ sə̈ nyê ndə̂kə̂ pa nyë nə lə̂ manə̈ ngbâ yê.