Lûke 2:47 - Mbëtï Ndjapä: TÄFO MADƗ̈

⁴⁷ Azü gbɛ̂ ndə̂ andjë djê tchë, tchə̂lə̂ küma andjê djîngɨli tə̂kə̂ wunsə̂ rə ndə̂ yê, lakə̂ to tchêngbâ pö ndə̂ tche to rə̂ sə̈ andjê.

Lûke 2:47 Iomraidhean Croise

Matiyə̈ 13:54

Tche ê atə̂ Näzärête, gö ndə̂ tche kʉ̂che lə̂nə̈, kə̈ sə̂ lakə̂ nyisə̂ rə sə̈ azü lə̂ anda kə̂ voga Ndjapä ndə̂ andjê. Tchə̂lə̂ küma azü nə̈ gbɛ̂ djîngɨli, ânyë andjë sə̂ lakə̂ yutə̂ andjê päkëdə̂: «Küma yê ndə̂ âwâ lanə̈ âtə tö bhâ tchêbâ? Tchabâ âzâ gbôgbô ndə̂kə̂ mbo akpɨ̈ngbɨ̈ rə âtə sə̈ tchë?

Matiyə̈ 22:33

Akpûlû azü ndə̂ andjë djê pö lâme tchə̂lə̂ küma andjê gbɛ̂ djîngɨli.

Matiyə̈ 7:28

Ndə̂ Jezü tô pö lâme gbɛ̂, tchə̂lə̂ küma azü gbɛ̂ djîngɨli tə̂kə̂ nyisə̂ rə ndə̂ yê.

Mâreke 1:22

Tchə̂lə̂ küma azü nə̈ gbɛ̂ djîngɨli lə̂ köbosə̂ kə̂ nyisə̂ rə ndə̂ yê, bëte tche nyîâbo sə̂ rə batə̂ a-earə̂ kə̂ nyisə̂ ndïɛ̈-a, tche nyïsə̂ rə la gbôgbô.

Mâreke 11:18

Agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ djê pö ndə̂ rə ndə̂ Jezü mbô rə̂ lâme, kə̈ sə̂ lakə̂ pu köbo ndə̂kə̂ won tchë. Praâbalë andjë mbö wa, bëte kə̂ nyisə̂ rə ndə̂ yê zä su kpûlû azü nə̈ gbɛ̂ tə̂ gbölösə̂nə̈.

Mâreke 6:2

Lə̂ lö sabäa, tche sə̂ lakə̂ nyisə̂ rə lə̂ nda kə̂ voga Ndjapä ndə̂ ajuîfu. Angbängbä azü ndə̂ andjë pâlatə̂ andjê ndə̂kə̂ dje pö nə̈, tchə̂lə̂ küma andjê gbɛ̂ djîngɨli. Andjë sə̂ lakə̂ yutə̂ andjê päkëdə̂: «Tche gbö arə âtə gbɛ̂ bhâ tchêbâ? Küma yê ndə̂ âwâ lanə̈ kâkë âtə, tchabâ âzâ rə̂ sə̈ tchë? Atöko kä ndə̂ tche mbo akpɨ̈ngbɨ̈ rə kâkë la könô yê?

Lûke 2:18

Azü gbɛ̂ ndə̂ andjë djê pö ndə̂ a-earə̂ kə̂ bata aɛ̈bro-ngbaga lâme, tchə̂lə̂ küma andjê gbɛ̂ djîngɨli.

Lûke 2:46

Lə̂ vötaâ lö nə̈, andjë gbô tchë lə̂ gbölö nda Ndjapä, dëkë tche sə̂ nə̂ lə̂ gûtə̂ agbölö a-earə̂ kə̂ nyisə̂ ndïɛ̈. Tche kä lakə̂ dje andjê lakə̂ yu andjê la pö.

Lûke 4:22

Azü gbɛ̂ tö pö ndə̂ Jezü, tchə̂lə̂ küma andjê gbɛ̂ djîngɨli bëte atchôtchô pö ndə̂ âwûtu lə̂ ma yê. Andjë sə̂ lakə̂ yutə̂ andjê päkëdə̂: «Modô ndə̂ Jozêfu də̂âbo tchë âtə?»

Lûke 4:32

Tchə̂lə̂ küma azü nə̈ gbɛ̂ djîngɨli lə̂ köbosə̂ kə̂ nyisə̂ rə ndə̂ yê, bëte tche tö pö la gbôgbô ndə̂ Ndjapä.

Jâan 7:15

Ndə̂ ajuîfu djê pö lâme, tchə̂lə̂ küma andjê djîngɨli, andjë tô rə̂ päkëdə̂: «Köchë âtə wünsə̂ mbëtï atöko ndə̂ tche mândabô mbëtï mânda âtə?»

Jâan 7:46

Andjë tô rə̂ ndə̂nə̈ sə̈ andjê päkëdə̂: «Ngâ akrə balë tôâbo pö batə̂ köchë lâme-a.»