Lûke 2:36 - Mbëtï Ndjapä: TÄFO MADƗ̈

³⁶ Ngâ ɛ̈chë kä tâ ndə̂ tche to ndə̂ma Ndjapä, rə̈ yê wü pä Âna. Tche də̈ ɛ̈wünrə ndə̂ Fanuwɛ̈le, pâ mawo ndə̂ Asëre. Tche dû nə̂. Ndə̂ tche tô köchë lə̂ bechë-ɛ̈chë tə̂ yê, andjë mbô ngû mïndûu manə̈ bïchuû.

Lûke 2:36 Iomraidhean Croise

Lûke 2:35

käko ânyë pö bhâtə̂ su azü wutu gbɛ̂ kraâ ësûwu. Âdə andə̂ zə nə̈ Malê, käkä nə̈ âkadje mö batə̂ besala ndə̂ a sû mö la rə̂.»

Lûke 2:38

Kpôtə̂ lo nə̈ lâme, tchetchë ndjë gbɛ̂ tche wûtu, kə̈ sə̂ lakə̂ za ayîabâ sə̈ Ndjapä. Tche tô pö ndə̂ bechë nə̈ sə̈ azü gbɛ̂, ndə̂ andjë sə̂ bëte lo nə̈ ndə̂ Ndjapä ji azü ndə̂ Jerûzalêmo lə̂ yûkü.

Abadjângele 2:18

Tə̂ lëge nə̈, lə̂ alö nə̈ lâme, mê gboadje tə̂ köbo ndə̂kə̂ pa Yingö ndə̂ mê jre pâ a-earə̂ kua ndə̂ mê tə̂ aköchë la aɛ̈chë, ânyë andjê toadje ndə̂ma pö ndə̂ mê.

Abadjângele 21:9

Tche wä la abechë-ɛ̈chë voanə̈ ndə̂ andjë wûn-âbô sə̂ aköchë wûn dämba-ê, andjë də̈ azü ndə̂ andjë to ndə̂ma Ndjapä.

Dokʉ̈ Körɛ̂nte 11:5

Praâbalë âdə ɛ̈chë ndə̂ tche sə̂ lakə̂ to pö sə̈ Ndjapä, âdəndjë rə̂ ndə̂ tche sə̂ lakə̂ to ndə̂ma Ndjapä ânyë kə̈ îâbô ngâ rə î pâ küma yê, dëkë tche lûâbo sə̈ köchë ndə̂ yê ndə̂ tche də̂ akrə tə̂ küma yê-a. Tche wä tiî batə̂ ɛ̈chë ndə̂ a tchô su küma yê.

Dokʉ̈ Körɛ̂nte 12:1

Âdə andə̂ arə ndə̂ Kpɨ̂ki Yingö kʉ rə̂ sə̈ azü, arə̂mä më nyïndə̂ nə̈ pä nyë wunsə̂ pö pânə̈ djîrə̂.

Dokʉ̈ Timotë 3:2

Käko âwâbo pä a gbo ngâ pö balë ndə̂kə̂ gbɨtɨ tü lə̂ küma akrə tə̂ küma Egilîze-a, tche wätə̂ köchë ndə̂ ɛ̈chë balë, tche zɨ̂âbo rə ârô masə̂nə̈-a, tche tö pö la köbo nə̈, tche mbö rə la köbo nə̈, tche wünsə̂ kə̂ kʉ ayirə bhândə̂ yê la köbo nə̈, tche wünsə̂ kə̂ nyisə̂ rə.

Dokʉ̈ Timotë 5:9

Âdə mo ânyində̂ kə̂ mbo rə̈ ngâ ɛ̈chë lə̂ mbëtï ndə̂ aɛ̈chë lə̂ ndavrö, äwäpä tche wa la ngû ndola tə̂ azü vötaâ ânyë. Ndjë äwäpä tche watə̂ ɛ̈chë ngbâ köchë kütû balë.

Apökälîbïchi 7:6

Andə̂ azü pâ mawo ndə̂ Asëre, kə̂ ngba ndə̂ andjê gbɛ̂ wä sâke lə̂ könô gbɛ̂ tchêpâ nə̈ bïchuû. Andə̂ azü pâ mawo ndə̂ Nefetalï, kə̂ ngba ndə̂ andjê gbɛ̂ wä sâke lə̂ könô gbɛ̂ tchêpâ nə̈ bïchuû. Andə̂ azü pâ mawo ndə̂ Manasë, kə̂ ngba ndə̂ andjê gbɛ̂ wä sâke lə̂ könô gbɛ̂ tchêpâ nə̈ bïchuû.