Lûke 2:26 - Mbëtï Ndjapä: TÄFO MADƗ̈

²⁶ Kpɨ̂ki Yingö tö rə̂ sə̈ tchë päkëdə̂, tchê tchuabô tee-a, zoo kə̂ wun Krîsiti ndə̂ Gbölö Gbïɛ̈ wan tchë.

Lûke 2:26 Iomraidhean Croise

Matiyə̈ 2:12

La tchêngbâ nə̈, Ndjapä krâ tü andjê lə̂ lü ndə̂kə̂ pa andjë ka bata kâ pu Hërôde-ê. Käko andjë zâ ngâ köbo ngbî kə̈ gû atə̂lə̂ gö ndə̂ andjê.

Lûke 2:29

«Angaâtə Gbölö Gbïɛ̈, Äwäpä mo gbotə̂ earə̂ kua ndə̂ zə̈ tche tchu la zɨtɨ su, gundə̂sə̂ pö ma zə̈.

Lûke 9:27

Tə̂ lëge nə̈, më tö rə̂ sə̈ nyë: Angâ azü lə̂ gbâtə̂ nyê tchâtə tchuabô tee-a zoo, kə̂ wun Gbölö gö-gbïɛ̈ ndə̂ Ndjapä ânyë.»

Jâan 1:41

Dokʉ̈ akrə ndə̂ Anderë gbô tchë də̈ Chemôn-Pîêre ndə̂ tche də̂ yîngâ yê la tə̂ yê. Anderë tô rə̂ sə̈ Chemôn-Pîêre päkëdə̂: «Azə̈ gbô Mesï nə̂.» Mesï nə̈ nyïndə̂ kə̂ to rə̂ pä «Krîsiti».

Jâan 20:31

Angâ arə nə̈ ndə̂ a mbô rə̂ lə̂ mbëtï âtə, a mbö rə̂ ndə̂kə̂ pa nyë gamba rə̂ pä Jezü wätə̂ Krîsiti, Modô ndə̂ Ndjapä. Âdə nyë âgamba rə̂, nyê wadje la tchîsûwu lə̂ köbosə̂ yê.

Jâan 4:29

«Nyë nə̈ kə̈ wûn ngâ köchë ndə̂ tche tô apö ndə̂ rə gbɛ̂ ndə̂ më mbô rə̂. Krîsiti də̂âbo tchë?»

Jâan 8:51

Ɛn-ɛn, tə̂ lëge nə̈ më tö rə̂ sə̈ nyê: Âdə ngâ akrə âbata pö ndə̂ mê, tchê tchuabô balë tee-a.»

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Abadjângele 17:3

Tche söä tchêla pö nə̈ sə̈ andjê, kə̈ nyîsə̂ nə̈ sə̈ andjê päkëdə̂: «Äwäpä Mesï wun yûkü, kə̂ jo lə̂ kuzü. Jezü ndə̂ më sə̂ lakə̂ to pö ndə̂ yê lâme, tchetchë kä ndə̂ âdə̂ Krîsiti nə̈.»

Abadjângele 2:36

«Äwäpä azü ndə̂ Isarayële gbɛ̂ wunsə̂ pö âtə djîrə̂: Jezü ndə̂ nyë wôn tchë bhâtə̂ yö ndə̂ gba lâme, Ndjapä mbö rə̂ pä tche watə̂ Gbölö Gbïɛ̈ la Krîsiti!»

Abadjângele 9:20

Kpro la tchêngbâ nə̈, tche sə̂ lakə̂ mu pö bhâlə̂ anda kə̂ voga Ndjapä päkëdə̂: «Jezü də̈ Modô ndə̂ Ndjapä!»

Aheborö 11:5

Lə̂ köbosə̂ kə̂ za su sə̈ Ndjapä, a kênga Hënôke la tʉ̈rʉ̂ la yê. Ngâ akrə ndə̂ tche gbô tchë wâbo-a, bëte Ndjapä kënga la tchë bhâ ndrotə̂ yê. Bëte Mbëtï Ndjapä tö rə̂ pä, dokʉ̈tchê ndə̂kə̂ pa a kenga la tchë, Hënôke däka tchâtchu Ndjapä.