Lûke 2:25 - Mbëtï Ndjapä: TÄFO MADƗ̈

²⁵ Ngâ köchë alême kädje bhâ Jerûzalêmo, rə̈ yê wü pä Simeyön. Köchë lâme wätə̂ djîrə̂ akrə, kə̈ kpê wa Ndjapä. Tche sə̈ bëte akrə ndə̂ tche nə ndə̂kə̂ tro ngûla azü ndə̂ Isarayële. Kpɨ̂ki Yingö kä pâ yê.

Lûke 2:25 Iomraidhean Croise

Mâreke 15:43

Jozêfu, akrə gö ndə̂ Arimatë wûtu, tche wä ndjë tə̂ ngâ gbölö akrə lə̂ gbölö kpûlû ngbanga ndə̂ ajuîfu, tche sə̈ ndjë bëte Gbölö gö-gbïɛ̈ ndə̂ Ndjapä. Tche âbolafô la wa-a, kə̈ ê bhândə̂ Pïlâte, kə̈ yû tchë ndə̂kə̂ za krʉkrʉ Jezü.

Lûke 1:41

Alîsabëte âsə̈ dje rə̂ ndə̂ Malê pô ndə̂ yê, bechë nə̈ jêtə̂ kə̂ tro lə̂ yê. Kpɨ̂ki Yingö sɨ̂ Alîsabëte,

Lûke 1:6

Zakarï la Alîsabëte wätə̂ adjîrə̂ azü lə̂ la Ndjapä, andjë mbö rə la köbo nə̈ gundə̂sə̂ andïɛ̈ gbɛ̂ la apö gbɛ̂ ndə̂ Gbölö Gbïɛ̈.

Lûke 1:67

Kpɨ̂ki Yingö sɨ̂ Zakarï, bha bechë lâme, tche sə̂ lakə̂ to ndə̂ma Ndjapä päkëdə̂:

Lûke 2:38

Kpôtə̂ lo nə̈ lâme, tchetchë ndjë gbɛ̂ tche wûtu, kə̈ sə̂ lakə̂ za ayîabâ sə̈ Ndjapä. Tche tô pö ndə̂ bechë nə̈ sə̈ azü gbɛ̂, ndə̂ andjë sə̂ bëte lo nə̈ ndə̂ Ndjapä ji azü ndə̂ Jerûzalêmo lə̂ yûkü.

Lûke 23:51

Tche wâbo lə̂ pö ndə̂ angâ yê nyîkrə rə̂, ânyë kə̈ mbô rə̂ lâme-a. Tche də̈ akrə gö ndə̂ Arimatë ndə̂ âwâtə̂ ngâ gö ndə̂ ajuîfu. Tche zä su yê pâ lo kə̂ nə ndə̂ Gbölö gö-gbïɛ̈ ndə̂ Ndjapä.

Abadjângele 10:2

Tche zätə̂ yê gbɛ̂ sə̈ Ndjapä, kə̈ kpê wa yê, tchetchë la azü tchâalê ndə̂ yê. Tche kʉ̈ arə tə̂ gbölösə̂nə̈ sə̈ a-earə̂ yûkü ndə̂ andjë sə̂ lə̂ gûtə̂ ajuîfu, kə̂ to pö sə̈ Ndjapä logbɛ̂.

Abadjângele 10:22

Andjë tô rə̂ ndə̂nə̈ sə̈ tchë päkëdə̂: «Kabïta Körönɛ̈ye ndə̂ tche sə̂ pâ aturûgu ngbangbo balë kä ndə̂ âwân ârâ. Tche də̈ djîrə̂ akrə, kə̈ kpê wa Ndjapä, ajuîfu gbɛ̂ tö tchôtchô pö ndə̂ yê. Ngâ ânje ndə̂ Ndjapä yükû nə̈ la gbôgbô sə̈ tchë, ndə̂kə̂ e mö pä mo e bhândə̂ yê, ânyë tche dje apö ndə̂ mo to rə̂ sə̈ tchë.»

Abadjângele 2:5

Dëkë angâ ajuîfu ndə̂ andjë zâtə̂ andjê gbɛ̂ sə̈ Ndjapä kä bhâ Jerûzalêmo. Andjë tö lə̂ agö pâ cho gbɛ̂ ânyë kə̈ nə̂.

Abadjângele 24:16

Tə̂ pö ndə̂nə̈ kä ndə̂ mëmê ndjë gbɛ̂ më sə̂ lakə̂ mbo rə̂ gbɛ̂ ndə̂kə̂ pa, logbɛ̂ më wabô wâ la ngâ ngbongbo rə lə̂kə̂ rɨ tchə̂lə̂ su mê lə̂ la Ndjapä ndjë lə̂ la azü-î.

Bïchuû Pîêre 1:21

Bëte ngâ akrə âbolafô la su yê ndə̂kə̂ to ndə̂ma Ndjapä-a, praâbalë Kpɨ̂ki Yingö kä âkə̂ za rə̂ lə̂ su azü ndə̂kə̂ to pö la rə̈ Ndjapä.