Lûke 2:14 - Mbëtï Ndjapä: TÄFO MADƗ̈

¹⁴ «Azə̈ vöga Ndjapä ndə̂ tche sə̂ bhâ lafô, zɨtɨ su wä bêche âtə bëte azü ndə̂ tche nyîndə̂ andjê!»

Lûke 2:14 Iomraidhean Croise

Matiyə̈ 21:9

Azü ndə̂ andjë nə tchâtchu Jezü la andjanə̈ ndə̂ andjë nə dəngbâ yê sə̂ lakə̂ on päkëdə̂: «Ârâ vöga mö, Modô ndə̂ Davîdi! Äwäpä Ndjapä e tchôtchô pö pâ akrə ndə̂ tche nə̂ la rə̈ Gbölö Gbïɛ̈! Voga sə̈ Ndjapä bhâ lafô!»

Lûke 1:79

Ânyë ngbänga nə̈ ta pâ azü ndə̂ andjë sə̂ lə̂ bübü tchô, ndjë lə̂ bübü tchô ndə̂ kuzü, ndə̂kə̂ nyisə̂ köbo sə̈ azə̂ ânyë azə̈ nə tâ la zɨtɨ su.»

Lûke 19:38

Andjë tö rə̂ päkëdə̂: «Äwäpä Ndjapä e tchôtchô pö pâ Gbïɛ̈ ndə̂ tche nə̂ la rə̈ Gbölö Gbïɛ̈! Zɨtɨ su wä bhâ lafô, ânyë azə̈ vöga Ndjapä ndə̂ tche sə̂ pâ arə gbɛ̂!»

Lûke 2:13

Kpro kâkë angbängbä aânje tchêlafô jrê ëtə̂ kʉ̂tê ânje lâme, andjë sə̂ lakə̂ voga Ndjapä lakə̂ to rə̂ päkëdə̂:

Lûke 2:15

Ndə̂ aânje nə̈ gbôtə̂ a-earə̂ kə̂ bata aɛ̈bro-ngbaga nə̈ ânyë kə̈ gû atə̂ lafô, a-earə̂ kə̂ bata aɛ̈bro-ngbaga lâme tô rə̂ lə̂ gbâtə̂ andjê päkëdə̂: «Azə̈ êë zoo bhâ Bêtelehêmo, kə̈ wûn rə ndə̂ âwûtu bhâye, ndə̂ Gbölö Gbïɛ̈ nyîsə̂ nə̈ sə̈ azə̂ lâme.»

Lûke 3:22

Kpɨ̂ki Yingö jrê pâ yê batə̂ grôgrô puli. A djê tchə̂lə̂ ngâ gɨ̈ bhâ lafô päkëdə̂: «Mo də̈ Modô ndə̂ mê ndə̂ më nyîndə̂ zə̈ tə̂ gbölösə̂nə̈, su mê fü la mö gbɛ̂.»

Jâan 14:27

«Më gbötə̂ zɨtɨ su sə̈ nyê, zɨtɨ su ndə̂ më wâ la rə̂ kä ndə̂ më zâ rə̂ sə̈ nyê. Më zâbo rə̂ sə̈ nyê batə̂ rə̂ ndə̂ tchêbêche za rə̂ sə̈ nyê-a. Âwâbo pä tchə̂lə̂ küma nyê djingɨli-a, ânyë su nyê wäbô ndjë wâ la wawa-ê.

Jâan 17:4

Më lûsə̂ zə̈ pâ cho âtə nə̂, ânyë kua ndə̂ mo zâ rə̂ sə̈ mê ndə̂kə̂ mbo rə̂ lâme, më kâ rə̂ nə̂ gbɛ̂.

Jâan 3:16

Bëte Ndjapä nyïndə̂ azü tchêbêche âtə tə̂ gbölösə̂nə̈, ânyë kə̈ zâ gbokôngô Modô ndə̂ yê, ndə̂kə̂ pa akrə balë balë ndə̂ tche za su yê sə̈ tchë, tchê tchuabô tee-a, praâbalë tche kä la tchîsûwu ndə̂ logbɛ̂ logbɛ̂.

Abadjângele 10:36

Ndjapä wän pö ndə̂ yê sə̈ azü ndə̂ Isarayële: Pö nə̈ də̈ Tchôtchô Pö ndə̂ âza zɨtɨ su sə̈ akrə lə̂ köbosə̂ Jezü Krîsiti, tchetchë ndə̂ tche də̂ Gbölö Gbïɛ̈ ndə̂ azü gbɛ̂.

Rômo 5:1

Käko-ë, ndə̂ azə̈ wâtə̂ adjîrə̂ azü lə̂ köbosə̂ kə̂ za su azə̂ sə̈ Ndjapä, azə̈ wä la zɨtɨ su lə̂ gbâtə̂ azə̂ la Ndjapä lə̂ köbosə̂ Gbölö Gbïɛ̈ ndə̂ azə̂ Jezü Krîsiti.

Ëfêze 1:6

Azə̈ vöga Ndjapä ndə̂ tche wâ gbölö, ndə̂ tche mbô tchôtchô su tə̂ azə̂ lə̂ köbosə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.

Ëfêze 1:9

Tche mbö rə̂ pä azə̈ wunsə̂ rə ndə̂ tche nyîkrə rə̂, ndə̂ âwâ lə̂ küwû nə̈. Lə̂ tchôtchô kə̂ wun tchô ndə̂ yê, tche nyïkrə rə̂ alême dokʉ̈tchê ndə̂kə̂ mbo rə̂ lə̂ köbosə̂ Krîsiti.

Ëfêze 2:4

Praâbalë Ndjapä wün nyonyo azə̂ tə̂ gbölösə̂nə̈, bëte tche nyïndə̂ azə̂ tə̂ gbölösə̂nə̈.

Ëfêze 2:7

Käko Ndjapä mbö dâkâ tə̂ azə̂ lə̂ köbosə̂ Jezü Krîsiti, kə̈ nyîndə̂ kə̂ nyisə̂ tchôtchô rə ndə̂ ârô adɨ̂ nə̈ gbɛ̂ lə̂ köbosə̂ tchôtchô su yê lə̂ tchîsûwu ndə̂ ânə.

Fïlîpe 2:11

ânyë azü gbɛ̂ to rə̂ la ma gö ndə̂ andjê päkëdə̂: «Jezü Krîsiti wätə̂ Gbölö Gbïɛ̈» käko ânyë a voga Ndjapä Bha!

Fïlîpe 2:13

Bëte Ndjapä kä âkə̂ za gʉ tə̂ su nyê ndə̂kə̂ mbo rə nə̈, ânyë kə̂ za köbo sə̈ nyê ndə̂kə̂ mbo rə gundə̂sə̂ rə ndə̂ tche nyîkrə rə̂ tə̂ su yê.

Kölôse 1:20

Ndjapä nyï ndjë ndə̂nə̈ pä tchôtchô kə̂ sə kangbâ yê lə̂ gbâtə̂ yê la arə tchêbêche ndjë la arə tchêlafô gbɛ̂ lə̂ köbosə̂ Modô ndə̂ yê. Tche zä zɨtɨ su la arə gbɛ̂ lə̂ köbosə̂ jï Modô ndə̂ yê ndə̂ âgârɨ tə̂ yö ndə̂ gba.

Bïchuû Tësälönîke 2:16

Gbölö Gbïɛ̈ ndə̂ azə̂ Jezü Krîsiti la tə̂ yê, la Ndjapä Bha azə̂ nyïndə̂ azə̂, ânyë lə̂ köbosə̂ tchôtchô su yê, tche zâ gbôgbô tə̂ su azə̂ pïï etə̂, kə̈ zâ tchôtchô rə sə̈ azə̂ ndə̂ su azə̂ wâ pânə̈. Äfü pä Ndjapä Bha la Gbölö Gbïɛ̈ Jezü Krîsiti,

Apökälîbïchi 5:13

Më djê tchə̂lə̂ gɨ̈ arə gbɛ̂ ndə̂ Ndjapä mbô rə̂, ndə̂ âwâ bhâ lafô, la anə̈ ndə̂ âwâ pâ cho, la anə̈ ndə̂ âwâ lə̂ dju cho, la anə̈ ndə̂ âwâ lə̂ gbölö ngû ngbro, arə gbɛ̂ ndə̂ âwâ la tʉ̈rʉ̂ la. Arə lâme gbɛ̂ sə̂ lakə̂ pa düwü päkëdə̂: «Tchanə̈ ndə̂ tche sə̂ lə̂ ngendë-gbïɛ̈, tchetchë la Ngbavö Ɛ̈bro-ngbaga; äwäpä azü voga tchë, kə̂ lusə̂ yê, kə̂ za golowäre sə̈ tchë lə̂ gbôgbô ndə̂ yê, tə̂ logbɛ̂ logbɛ̂!»