Lûke 2:11 - Mbëtï Ndjapä: TÄFO MADƗ̈

¹¹ Angêta âtə lə̂ gö ndə̂ Davîdi, a zɨ̂ earə̂ kə̂ tcha nyê nə̂. Tche də̈ Krîsiti, Gbölö Gbïɛ̈.

Lûke 2:11 Iomraidhean Croise

Matiyə̈ 1:16

Jakôbo zɨ̂ Jozêfu. Jozêfu də̈ köchë ndə̂ Malê ndə̂ tche zɨ̂ Jezü, ndə̂ a ê rə̂ tə̂ yê pä Krîsiti.

Matiyə̈ 1:21

Tchê zɨadje bechë tə̂ köchë. Mô zadje rə̈ yê pä Jezü, bëte tchetchë kä âkə̂ tchadje azü ndə̂ yê lə̂ ngbongbo rə.»

Matiyə̈ 16:16

Chemôn-Pîêre tô rə̂ päkëdə̂: «Mo də̈ Krîsiti, Modô ndə̂ Ndjapä ndə̂ tche wâ la tʉ̈rʉ̂ la yê.»

Matiyə̈ 16:20

La tchêngbâ nə̈ Jezü zâma sə̈ adjisîpili ndə̂ yê pä andjë toabô rə̂ tô sə̈ ngâ akrə balë pä anyë də̈ Krîsiti-î.

Lûke 1:43

Më də̈ tchabâ ânyë anyï Gbölö Gbïɛ̈ ndə̂ mê nə atə̂ndə̂ mê?

Lûke 1:69

Tche wän ngâ gbôgbô earə̂ kə̂ tcha azü sə̈ azə̂. Tche zä tchë pâ mawo ndə̂ Davîdi, earə̂ kua ndə̂ yê.

Lûke 2:26

Kpɨ̂ki Yingö tö rə̂ sə̈ tchë päkëdə̂, tchê tchuabô tee-a, zoo kə̂ wun Krîsiti ndə̂ Gbölö Gbïɛ̈ wan tchë.

Lûke 2:4

Jozêfu âlafô ndjë bhâ Näzärête ndə̂ âwâtə̂ ngâ gö ndə̂ Galilë ndə̂kə̂ e atə̂ Bêtelehêmo ndə̂ âwâtə̂ ngâ gö ndə̂ Judë, sə̂ tchô ndə̂ a zɨ̂ gbïɛ̈ Davîdi tâ. Bëte tchetchë ndə̂ Jozêfu, tche wä pâ mawo ndə̂ Davîdi.

Jâan 1:41

Dokʉ̈ akrə ndə̂ Anderë gbô tchë də̈ Chemôn-Pîêre ndə̂ tche də̂ yîngâ yê la tə̂ yê. Anderë tô rə̂ sə̈ Chemôn-Pîêre päkëdə̂: «Azə̈ gbô Mesï nə̂.» Mesï nə̈ nyïndə̂ kə̂ to rə̂ pä «Krîsiti».

Jâan 1:45

Pânə̈ Fïlîpe gbô Nätänäyêle kə̈ tô rə̂ sə̈ tchë päkëdə̂: «Akrə ndə̂ Möyîze tô pö ndə̂ yê lə̂ Mbëtï-ndïɛ̈ alême, ânyë a-earə̂ ndə̂ma Ndjapä tô ndjë pö ndə̂ yê lâme, azə̈ gbô tchë nə̂. Rə̈ yê wü pä Jezü. Tche də̈ modô ndə̂ Jozêfu, akrə gö ndə̂ Näzärête.»

Jâan 11:27

Mârete tô rə̂ sə̈ Jezü päkëdə̂: «Tə̂ lëge nə̈, Gbölö Gbïɛ̈, më gâmba rə̂ nə̂ pä mo wätə̂ Krîsiti, Modô ndə̂ Ndjapä ndə̂ tche wân tchë ndə̂kə̂ nə atə̂ bêche âtə.»

Jâan 20:31

Angâ arə nə̈ ndə̂ a mbô rə̂ lə̂ mbëtï âtə, a mbö rə̂ ndə̂kə̂ pa nyë gamba rə̂ pä Jezü wätə̂ Krîsiti, Modô ndə̂ Ndjapä. Âdə nyë âgamba rə̂, nyê wadje la tchîsûwu lə̂ köbosə̂ yê.

Jâan 4:25

Ɛ̈chë lâme tô rə̂ sə̈ tchë päkëdə̂: «Më wûnsə̂ nə̈ nə̂ pä Mesï ndə̂ a ê rə̂ tə̂ yê pä Krîsiti, tchê nəadje. Âdə tche anə̈ nə̂, kə̂ nyiadje sə̂ arə gbɛ̂ sə̈ ârâ.»

Jâan 4:42

Azü nə̈ tô rə̂ sə̈ ɛ̈chë lâme päkëdə̂: «Âdə̂âbo kütû bëte pö lə̂ ma zə̈ kä ndə̂ ârâ zâ su ârâ sə̈ Jezü-a, praâbalë ârâ djë rə̂ la tü ârâ, kə̈ wûnsə̂ nə̈ pä tche wätə̂ lëge earə̂ kə̂ tcha azü tchêbêche âtə.»

Jâan 6:69

Ârâ gâmba rə̂ nə̂, kə̈ wûnsə̂ nə̈ nə̂ pä mo də̈ Akrə ndə̂ tche dâka gbɛ̂ ndə̂ Ndjapä wân tchë.»

Jâan 7:41

Angânə̈ tô rə̂ päkëdə̂: «Tche wätə̂ Krîsiti!» Praâbalë angânə̈ tô ndjë rə̂ päkëdə̂: «Krîsiti nə̈ âto bhâ Galilë ânyë kə̂ nə?

Abadjângele 10:36

Ndjapä wän pö ndə̂ yê sə̈ azü ndə̂ Isarayële: Pö nə̈ də̈ Tchôtchô Pö ndə̂ âza zɨtɨ su sə̈ akrə lə̂ köbosə̂ Jezü Krîsiti, tchetchë ndə̂ tche də̂ Gbölö Gbïɛ̈ ndə̂ azü gbɛ̂.

Abadjângele 13:23

Lə̂ köbosə̂ ngâ akrə pâ mawo ndə̂ Davîdi kä ndə̂ Ndjapä mbô rə̂ pä Jezü wutu ndə̂kə̂ watə̂ earə̂ kə̂ tcha azü ndə̂ Isarayële gundə̂sə̂ bâlâ ndə̂ yê.

Abadjângele 17:3

Tche söä tchêla pö nə̈ sə̈ andjê, kə̈ nyîsə̂ nə̈ sə̈ andjê päkëdə̂: «Äwäpä Mesï wun yûkü, kə̂ jo lə̂ kuzü. Jezü ndə̂ më sə̂ lakə̂ to pö ndə̂ yê lâme, tchetchë kä ndə̂ âdə̂ Krîsiti nə̈.»

Abadjângele 2:36

«Äwäpä azü ndə̂ Isarayële gbɛ̂ wunsə̂ pö âtə djîrə̂: Jezü ndə̂ nyë wôn tchë bhâtə̂ yö ndə̂ gba lâme, Ndjapä mbö rə̂ pä tche watə̂ Gbölö Gbïɛ̈ la Krîsiti!»

Abadjângele 5:31

Ndjapä kênga tchë də ndôkö könô yê ndə̂kə̂ pa tche watə̂ Makündji la Earə̂ kə̂ tcha azü, kə̈ zâ köbo sə̈ azü ndə̂ Isarayële ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä koadje pö lə̂ küma andjê.

Dokʉ̈ Körɛ̂nte 15:47

Dokʉ̈ akrə ndə̂ Ndjapä zâ cho ânyë kə̈ mbô tchë la rə̂, də̈ akrə tchêbêche. Bïchuû akrə nə̈ tö bhâ lafô ânyë kə̈ nə̂.

Fïlîpe 2:11

ânyë azü gbɛ̂ to rə̂ la ma gö ndə̂ andjê päkëdə̂: «Jezü Krîsiti wätə̂ Gbölö Gbïɛ̈» käko ânyë a voga Ndjapä Bha!

Fïlîpe 3:8

Tə̂ lëge nə̈, më wün arə lâme gbɛ̂ batə̂ rə ndə̂ âyû, ndə̂kə̂ wunsə̂ rə ndə̂ âdâka tə̂ gbölösə̂nə̈, ndə̂ âdə̂: Jezü Krîsiti, Gbölö Gbïɛ̈ ndə̂ mê. Tə̂ pö ndə̂ yê kä ndə̂ arə ndə̂ mê yû, më wün arə lâme gbɛ̂ batə̂ nyü ndə̂kə̂ gbo Krîsiti,

Kölôse 2:6

Ndə̂ nyë nyîndə̂ nə̈ pä Jezü Krîsiti wa Gbölö Gbïɛ̈ ndə̂ nyê lâme, äwäpä nyë mbo rə batə̂ azü ndə̂ andjë wâ balë la tchë.

Dokʉ̈ Jâan 4:14

Ârâ wün rə̂, kə̈ tô pö ndə̂nə̈ pä Bha wän Modô ndə̂ yê ndə̂kə̂ pa tche watə̂ Earə̂ kə̂ tcha azü tchêbêche âtə.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.