Lûke 19:9 - Mbëtï Ndjapä: TÄFO MADƗ̈

⁹ Jezü tô rə̂ sə̈ tchë päkëdə̂: «Angêta, kə̂ tcha tchô ndə̂ Ndjapä lî lə̂ nda âtə nə̂, bëte momö ndjë gbɛ̂ mo wätə̂ ngâ akrə pâ mawo ndə̂ Abrahâmo.

Lûke 19:9 Iomraidhean Croise

Lûke 13:16

Ânyë ɛ̈chë âtə ndə̂ a zɨ̂ tchë pâ mawo ndə̂ Abrahâmo, ndə̂ Satäa ï tchë ngbâ ngû lə̂ könô gbɛ̂ tchêpâ nə̈ mïndûu manə̈ vötaâ âtə, âfûâbo ndə̂kə̂ pa më ji tchë lə̂ wû lâme lə̂ lö sabäa?»

Lûke 13:30

Käko angâ azü lə̂ gbâtə̂ azü dəngbânə̈ ndə̂ tchô angêta, andjê âwa me tə̂ küma nə̈. Ânyë, angâ azü tə̂ küma nə̈ ndə̂ tchô angêta, andjê âwa me tə̂ azü dəngbânə̈.»

Lûke 16:24

Käko tche ôn ngbôô kə̈ tô rə̂ päkëdə̂: ‹Bha mê Abrahâmo, amö wun nyonyo mê, kə̂ wan Lazäre, tche ndro küma ɛ̈ könô yê lə̂ ngû, kə̂ za rə̂ pâ tïmï mê, bëte më wün yûkü lə̂ wo âtə tə̂ gbölösə̂nə̈.›

Lûke 16:30

Earə̂ rə lâme tô rə̂ sə̈ tchë päkëdə̂: ‹Âdə̂âbo käko-a, bha mê Abrahâmo, praâbalë âdə ngâ akrə âto bhândə̂ akuzü ânyë kə̈ nə̂ pu andjê, käko andjê gboadje tə̂ bəndɨ kə̂ mbo rə ndə̂ andjê.›

Lûke 2:30

Bëte mê wûn earə̂ kə̂ tcha azü ndə̂ mo wân tchë la lala mê nə̂,

Lûke 3:8

Nyë mbö rə ndə̂ ânyîsə̂ nə̈ pä nyë gbôtə̂ bəndɨ kə̂ mbo rə ndə̂ nyê nə̂. Nyë jëäbô jêtə̂ kə̂ to rə̂ bhâtə̂ su nyê päkëdə̂: ‹Abrahâmo də̈ bha ârâ!› Bëte më tö rə̂ sə̈ nyê päkëdə̂, atäme ndə̂ nyê wun rə̂ âtə, Ndjapä kä la gbôgbô ndə̂kə̂ mbo rə̂ pä ädotə̂ yê tə̂ abechë ndə̂ Abrahâmo.

Rômo 4:16

Bëte Ndjapä zä bâlâ alême ndə̂kə̂ kʉ rə sə̈ azü kütû lə̂ köbosə̂ kə̂ za su andjê sə̈ tchë. Tche kʉ̈ arə nə̈ sə̈ azü pâ mawo ndə̂ Abrahâmo kütû ämbämbänə̈. Käko bâlâ ndə̂ Ndjapä nə̈ lâme wä bëte azü gbɛ̂ pâ mawo ndə̂ Abrahâmo. Âwâbo kütû bëte andjanə̈ ndə̂ andjë zâ su andjê pâ ndïɛ̈-a, praâbalë äwä ndjë bëte azü gbɛ̂ ndə̂ andjë zâ su andjê sə̈ Ndjapä batə̂ rə̂ ndə̂ tche zâ su yê sə̈ Ndjapä. Abrahâmo nə̈ wätə̂ bha azü gbɛ̂.

Gälâte 3:14

Rə nə̈ wä käko ndə̂kə̂ pa azü ndə̂ andjë wâbô wâtə̂ ajuîfu gbo tchôtchô pö ndə̂ Ndjapä zâ bâlâ tə̂ Abrahâmo lə̂ köbosə̂ Jezü Krîsiti. Käko lə̂ köbosə̂ kə̂ za su sə̈ Krîsiti, azə̈ gbö Yingö ndə̂ Ndjapä zâ bâlâ tə̂ pö ndə̂nə̈ alême.

Gälâte 3:29

Âdə nyë âwatə̂ azü ndə̂ Krîsiti, dëkë nyë wätə̂ azü pâ mawo ndə̂ Abrahâmo. Nyë âgbo arə ndə̂ Ndjapä bâta rə̂ pra nyê gundə̂sə̂ kə̂ zâ bâlâ ndə̂ yê.

Gälâte 3:7

Äwäpä nyë dje tchə̂lə̂ pö nə̈ kâkë: Azü ndə̂ andjë zâ su andjê sə̈ Ndjapä kä ndə̂ âwâtə̂ amodô ndə̂ Abrahâmo.

Dokʉ̈ Pîêre 2:10

Dokʉ̈tchê alême nyë wâbo tə̂ azü gö ndə̂ Ndjapä-a, praâbalë angaâtə, nyë wâ nə̂ tə̂ azü gö ndə̂ yê. Dokʉ̈tchê alême Ndjapä wûn-âbo nyonyo nyê-a, praâbalë angaâtə, tche wûn nyonyo nyê nə̂.