Lûke 19:7 - Mbëtï Ndjapä: TÄFO MADƗ̈

⁷ Ndə̂ azü wûn rə̂ käko, andjë sə̂ lakə̂ jende Jezü lakə̂ to rə̂ päkëdə̂: «Köchë âtə ë ndə̂kə̂ lo bhândə̂ ngâ earə̂ ngbongbo rə!»

Lûke 19:7 Iomraidhean Croise

Matiyə̈ 20:11

Andjë âsə̈ gbo rə̂ käko kə̈ sə̂ lakə̂ jende earə̂ kɨ̈ndɨ̈ lâme.

Matiyə̈ 20:4

Tche tô rə̂ sə̈ andjê päkëdə̂: ‹Nyënyê ndjë gbɛ̂, äwäpä nyë e kə̂ mbo kua bhâlə̂ kɨ̈ndɨ̈ vînye ndə̂ mê. Më âkʉ makətche sə̈ nyê gundə̂sə̂ kua ndə̂ nyê mbo rə̂.›

Matiyə̈ 9:11

Afarizïɛ̈n wûn rə̂ käko kə̈ tô rə̂ sə̈ adjisîpili ndə̂ Jezü päkëdə̂: «Bëte giamâ earə̂ kə̂ nyisə̂ rə sə̈ nyê zɨ rə la a-earə̂ kə̂ pala makətche-lapöo la a-earə̂ ngbongbo rə?»

Lûke 15:2

Afarizïɛ̈n la a-earə̂ kə̂ nyisə̂ ndïɛ̈ sə̂ lakə̂ jende tchë lakə̂ tô rə̂ päkëdə̂: «Köchë âtə mbö la sə̂ a-earə̂ ngbongbo rə, ânyë kə̈ sə̂ lakə̂ zɨ rə la andjê!»

Lûke 19:6

Zachë jrê wândâ wändä, kə̈ zâ Jezü bhândə̂ yê la mômô.

Lûke 19:8

Praâbalë Zachë krʉ̂ lafô tchâtchu Gbölö Gbïɛ̈ kə̈ tô rə̂ sə̈ tchë päkëdə̂: «Amö djë mê Gbölö Gbïɛ̈, më âkʉ ngâ tchâkalâ arə ndə̂ mê gbɛ̂ sə̈ a-earə̂ yûkü. Âdə më âbolo ngâ akrə ânyë kə̈ kʉ̂ makətche ndə̂ yê, më âgi rə̂ ëngbânə̈ sə̈ tchë sûsunə̈ voanə̈.»

Lûke 5:30

Afarizïɛ̈n la a-earə̂ kə̂ nyisə̂ ndïɛ̈ sə̂ lakə̂ to tchə̂lə̂ pö nə̈, andjë tö rə̂ sə̈ adjisîpili ndə̂ Jezü päkëdə̂: «Bëte giamâ kä ndə̂ nyê zɨ rə, lakə̂ ndjo rə la a-earə̂ kə̂ pala makətche-lapöo la a-earə̂ ngbongbo rə?»

Lûke 7:34

Modô ndə̂ Akrə nə̈, kə̈ zɨ̂ rə, kə̈ ndjô rə, nyë tô rə̂ päkëdə̂: ‹Wunsa köchë âtə ndə̂ kua ndə̂ yê wâ kütû ndə̂kə̂ zɨ rə, lakə̂ ndjo vɛ̂n-ɛn, tche mbö agü la a-earə̂ kə̂ pala makətche-lapöo, la a-earə̂ ngbongbo rə!›

Lûke 7:39

Farizïɛ̈n ndə̂ tche ê Jezü lâme âsə̈ wun rə̂ käko, kə̈ tô rə̂ bhâtə̂ su yê päkëdə̂: «Âdə köchë âtə âwatə̂ lëge earə̂ ndə̂ma Ndjapä, dëkë tche wûnsə̂ pö pâ ɛ̈chë ndə̂ tche sə̂ lakə̂ grʉ tchë lâme nə̂. Ɛ̈chë lâme wätə̂ earə̂ ngbongbo rə.»