Lûke 19:44 - Mbëtï Ndjapä: TÄFO MADƗ̈

⁴⁴ Andjê nunuadje mö tratralë la azü gö ndə̂ zə̈ gbɛ̂. Ngâ täme ndə̂ zə̈ balë kä wa bata pâ ngâ yê tee-a. Bëte lo nə̈ ndə̂ Ndjapä nə ndə̂kə̂ ji mö, mo wûn-âbo sə̂nə̈-a!»

Lûke 19:44 Iomraidhean Croise

Matiyə̈ 24:2

Käko Jezü tô rə̂ ndə̂nə̈ sə̈ andjê päkëdə̂: «Nyë wûn rə âtə nə̂ gbɛ̂? Ɛn-ɛn, tə̂ lëge nə̈ më tö rə̂ sə̈ nyê: Ngâ täme balë kä wa bata pâ ngâ yê tee-a, ârə̂ âtu me tü gbɛ̂ ëbêche.»

Mâreke 13:2

Jezü tô rə̂ sə̈ tchë päkëdə̂: «Mo wûn agbölö anda âtə nə̂? Ngâ täme balë kä wa bata pâ ngâ yê tee-a, ârə̂ ândjo me ndjö gbɛ̂ ëbêche.»

Lûke 1:68

«Äwäpä azə̈ voga Gbölö Gbïɛ̈, Ndjapä ndə̂ azü ndə̂ Isarayële. Bëte tche nə̈ kə̈ zâ könô sə̈ azü gö ndə̂ yê kə̈ jî andjê tchânə̂ a-earə̂ kə̂ kosə̂ andjê.

Lûke 1:78

Ndjapä ndə̂ azə̂ mbö tchôtchô su lakə̂ wun nyonyo azü tə̂ gbölösə̂nə̈, tchê mboadje rə̂ pä ngbänga ndə̂ tchêlafô ta pâ azə̂.

Lûke 19:42

Tche tö rə̂ päkëdə̂: «Jerûzalêmo, âdə mo âwunsə̂ köbo ndə̂ âza zɨtɨ su sə̈ mö angêta! Praâbalë angaâtə, âwû tə̂ zə̈ nə̂, köbo ndə̂kə̂ pa mo wun rə̂ wâbo-a.

Lûke 21:6

«Lo nə̈ âwutuadje ndə̂ atäme gbɛ̂ ndə̂ a tchôngolo rə̂ pâ angâ andjê lâme, ârə̂ âtu me gbɛ̂ ëbêche. Ngâ täme balë kä wa bata pâ ngâ yê tee-a.»

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.