Lûke 19:12 - Mbëtï Ndjapä: TÄFO MADƗ̈

¹² Bëte rə̂ kä Jezü tô rə̂ päkëdə̂: «Ngâ köchë ndə̂ azü lə̂ bûngrɨ̂ ndə̂ yê wâtə̂ agbölö azü rô ngrɨ̈ lə̂ ngâ gö ngbî ndə̂kə̂ pa a za tchë tə̂ gbïɛ̈ ânyë tche kangbâ yê kə̂ watə̂ gbïɛ̈ lə̂ gö ndə̂ yê.

Lûke 19:12 Iomraidhean Croise

Matiyə̈ 21:38

Praâbalë ndə̂ a-earə̂ kə̂ mbo kɨ̈ndɨ̈ nə̈ âsə̈ wun modô nə̈ lâme, andjë tô rə̂ lə̂ gbâtə̂ andjê päkëdə̂: ‹Earə̂ kə̂ za kɨ̈ndɨ̈ nə̈ ngbâ bha nə̈ kä âtə. Azə̈ êë kə̈ wôn tchë ânyë kɨ̈ndɨ̈ nə̈ wadje tə̂ andə̂ azə̈ nə̈.›

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Mâreke 12:1

La tchêngbâ nə̈ Jezü sə̂ lakə̂ to pö sə̈ andjê la ndoka päkëdə̂: «Ngâ köchë mbö kɨ̈ndɨ̈ vînye, kə̈ mbô gbadja âtâkpa ndə̂nə̈, kə̈ djî kudû lə̂ täme ndə̂kə̂ pa a po ndjî vînye nə̈ lə̂nə̈, kə̈ nyîkrə ngâ tchô də lafô ndə̂kə̂ pä akrə krʉ pânə̈ ânyë kə̂ wun tchô pâ kɨ̈ndɨ̈ nə̈. Pânə̈ tche gbôtə̂ kɨ̈ndɨ̈ nə̈ ëtchânə̂ angâ a-earə̂ kə̂ djo kɨ̈ndɨ̈ vînye ânyë kə̈ ê atə̂lə̂ ngâ gö ngbî.

Mâreke 16:19

Pânə̈ ndə̂ Gbölö Gbïɛ̈ Jezü tô pö sə̈ andjê, a zâ tchë kə̈ kênga la tchë bhâ lafô ânyë tche sə̂ də ndôkö könô Ndjapä.

Lûke 20:9

La tchêngbâ nə̈ Jezü sə̂ lakə̂ to ndoka âtə sə̈ azü nə̈ päkëdə̂: «Ngâ akrə mbö kɨ̈ndɨ̈ vînye, ânyë kə̈ gbôtâ ëtchânə̂ a-earə̂ kə̂ mbo kua vînye, ânyë kə̈ ê atə̂sə̂ ngâ tchô ndə̂kə̂ sə bhâye lə̂ angâ angbängbä alö.

Lûke 24:51

Ndə̂ tche âsə̈ e tchôtchô pö pâ andjê, tche krʉ̂ tchə̂lə̂ tə̂ yê la andjê, ânyë a kênga la tchë atə̂ lafô.

Jâan 18:37

Käko Pïlâte tô rə̂ sə̈ tchë päkëdə̂: «Mo wätə̂ gbïɛ̈?» Jezü tô rə̂ ndə̂nə̈ sə̈ tchë päkëdə̂: «Momö kä ndə̂ âtô rə̂ pä më wätə̂ gbïɛ̈. A zɨ̈ mê ânyë më nə̂ atə̂ bêche âtə ndə̂kə̂ nyisə̂ lëge pö sə̈ azü. Akrə ndə̂ tche wâtə̂ akrə ndə̂ lëge pö, tche djë ma mê.»

Abadjângele 17:31

Tche nyîkrə ngâ lö nə̂ ndə̂ tchê wadje ngbanga ndə̂ azü gbɛ̂ djîrə̂ lə̂ köbosə̂ akrə ndə̂ tche nyîsə̂ yê. Tche nyïsə̂ nə̈ sə̈ azü lə̂ köbosə̂ nə̈ ndə̂ tche jô tchë lə̂ kuzü.»

Dokʉ̈ Körɛ̂nte 15:25

Bëte äwäpä Krîsiti wa gbïɛ̈, zoo Ndjapä kʉ a-earə̂ kə̂ kosə̂ yê gbɛ̂ ëtchâtchâ da yê.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Dokʉ̈ Pîêre 3:22

Tche gû atə̂ lafô nə̂, ânyë kə̈ sə̂ də ndôkö könô Ndjapä. Angaâtə aânje, atchozö ndə̂ andjë wâ la kümändëmä la andjanə̈ ndə̂ andjë wâ la gbôgbô, andjë kä tchâtchâ yê.

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.