Lûke 19:10 - Mbëtï Ndjapä: TÄFO MADƗ̈

¹⁰ Bëte Modô ndə̂ Akrə nə̈ ndə̂kə̂ pu lakə̂ tcha azü ndə̂ andjë yû.»

Lûke 19:10 Iomraidhean Croise

Matiyə̈ 1:21

Tchê zɨadje bechë tə̂ köchë. Mô zadje rə̈ yê pä Jezü, bëte tchetchë kä âkə̂ tchadje azü ndə̂ yê lə̂ ngbongbo rə.»

Matiyə̈ 10:6

Äwäpä nyë e pu azü ndə̂ Isarayële ndə̂ andjë wâ batə̂ aɛ̈bro-ngbaga ndə̂ andjë yû.

Matiyə̈ 15:24

Jezü tô rə̂ ndə̂nə̈ sə̈ andjê päkëdə̂: «Ndjapä wän mê kütû sə̈ azü ndə̂ Isarayële ndə̂ andjë wâ batə̂ aɛ̈bro-ngbaga ndə̂ andjë yû.»

Matiyə̈ 18:10

«La nyê gbö-ê! Nyë wün-äbô ngâ yɛ̈yɛ̈ bechë wûn lə̂ gûtə̂ ayɛ̈yɛ̈ abechë âtə batə̂ mbämbä akrə-ê. Më tö rə̂ sə̈ nyê, aânje ndə̂ ayɛ̈yɛ̈ abechë âtə kä bhâ tchâtchu Bha mê bhâ lafô. [

Matiyə̈ 18:11

Modô ndə̂ Akrə nə̈ ndə̂kə̂ tcha azü ndə̂ andjë yû.]

Lûke 15:32

Praâbalë azə̈ wä âme ndə̂kə̂ mbo kpülü, kə̂ vu ngɨ̈ bëte yîngâ zə̈ âtə, tche tchû alême nə̂ ânyë kə̈ jô âtə, tche yû alême nə̂ ânyë a gbô tchë âtə!›»

Lûke 15:8

«Âdəndjë rə̂ ndə̂ ngâ ɛ̈chë âwa la mîɛ̈-makətche lə̂ könô gbɛ̂, ânyë ngânə̈ balë yû, tchê zabô wo lə̂ lâmba, kə̂ gro tchâalê ndə̂ sɨ̂nyî nə̈, lakə̂ pu rə̂ zoo, kə̂ gbo rə̂ ânyë?

Jâan 3:17

Ndjapä wân-âbo Modô ndə̂ yê atə̂ bêche âtə ndə̂kə̂ wa ngbanga lə̂ küma azü-a, praâbalë tche wän tchë ndə̂kə̂ pa azü tchêbêche tcha lə̂ köbosə̂ yê.

Rômo 5:6

Bëte, ndə̂ azə̂ wâbô wâ alême la gbôgbô, Krîsiti tchû bëte a-earə̂ ngbongbo rə, gundə̂sə̂ lo nə̈ ndə̂ Ndjapä nyïkrə rə̂.

Aheborö 7:25

Bëte rə̂ kä, azü ndə̂ andjë gitə̂ andjê pu Ndjapä lə̂ köbosə̂ yê, tche kä la gbôgbô ndə̂kə̂ tcha andjê tə̂ lëge nə̈ tratralë, bëte tche wä la tchîsûwu ndə̂ logbɛ̂ logbɛ̂ ndə̂kə̂ to pö sə̈ Ndjapä bëte andjê.