Lûke 18:9 - Mbëtï Ndjapä: TÄFO MADƗ̈

⁹ Jezü kâ tô ndoka âtə sə̈ angâ azü ndə̂ andjë wûntə̂ andjë tə̂ adjîrə̂ azü tchâtchu Ndjapä ânyë kə̂ talusə̂ angâ andjê.

Lûke 18:9 Iomraidhean Croise

Lûke 10:29

Praâbalë earə̂ kə̂ nyisə̂ ndïɛ̈ lâme nyîndə̂ kə̂ nyisə̂ nə̈ päkëdə̂ pö ndə̂ anyë yû Jezü la rə̂ lâme wä la köbo nə̈, tche yû Jezü päkëdə̂: «Tchabâ kä ndə̂ âdə̂ ngâ mê akrə?»

Lûke 15:2

Afarizïɛ̈n la a-earə̂ kə̂ nyisə̂ ndïɛ̈ sə̂ lakə̂ jende tchë lakə̂ tô rə̂ päkëdə̂: «Köchë âtə mbö la sə̂ a-earə̂ ngbongbo rə, ânyë kə̈ sə̂ lakə̂ zɨ rə la andjê!»

Lûke 16:15

Jezü tô rə̂ sə̈ andjê päkëdə̂: «Nyë nyïsə̂ nə̈ lə̂ la azü pä nyë wätə̂ adjîrə̂ azü, praâbalë Ndjapä wûnsə̂ arə bhâlə̂ su nyê nə̂ gbɛ̂. Bëte rə ndə̂ azü wûn rə̂ batə̂ gbölö rə, Ndjapä wün andə̂ yê nə̈ batə̂ ngâ rə ndə̂ tche kôsə̂ nə̈.

Lûke 18:11

Farizïɛ̈n lâme krʉ̂ lafô ânyë kə̈ sə̂ lakə̂ to pö sə̈ Ndjapä bhâtə̂ su yê pä: ‹Ndjapä, më zä ayîabâ sə̈ mö, bëte më wâbo batə̂ adɨ̂ azü gbɛ̂-a, ndə̂ andjë wâtə̂ a-earə̂ ngbä, la a-earə̂ mbə̈lï, la azü ndə̂ andjë pu aɛ̈chë âdəndjë aköchë ndə̂ azü lâme-a. Më wâbo ndjë batə̂ earə̂ kə̂ pala makətche-lapöo lâme-a.

Lûke 19:7

Ndə̂ azü wûn rə̂ käko, andjë sə̂ lakə̂ jende Jezü lakə̂ to rə̂ päkëdə̂: «Köchë âtə ë ndə̂kə̂ lo bhândə̂ ngâ earə̂ ngbongbo rə!»

Lûke 7:39

Farizïɛ̈n ndə̂ tche ê Jezü lâme âsə̈ wun rə̂ käko, kə̈ tô rə̂ bhâtə̂ su yê päkëdə̂: «Âdə köchë âtə âwatə̂ lëge earə̂ ndə̂ma Ndjapä, dëkë tche wûnsə̂ pö pâ ɛ̈chë ndə̂ tche sə̂ lakə̂ grʉ tchë lâme nə̂. Ɛ̈chë lâme wätə̂ earə̂ ngbongbo rə.»

Jâan 8:48

Ajuîfu tô rə̂ ndə̂nə̈ sə̈ Jezü päkëdə̂: «Ndə̂ ârâ tô rə̂ pä mo də̈ akrə gö ndə̂ Samarï, ânyë ngâ ngbongbo tchozö kä lə̂ zə̈ lâme, lëge pö də̂âbo rə̂?»

Jâan 9:28

Andjë drô tchë, kə̈ tô rə̂ päkëdə̂: «Momö kä ndə̂ âwâtə̂ djisîpili ndə̂ akrə lâme, ârâ wätə̂ adjisîpili ndə̂ Möyîze.

Jâan 9:34

Andjë tô rə̂ ndə̂nə̈ sə̈ tchë päkëdə̂: «Momö, a zɨ̈ mö la ndundu tə̂ zə̈ gbɛ̂ lə̂ ngbongbo rə, ânyë momö kä ndə̂ ânyisə̂ rə sə̈ ârâ?» Tchâme, andjë grô tchë atə̂ sûwu.

Abadjângele 22:21

Gbölö Gbïɛ̈ tô rə̂ sə̈ mê päkëdə̂: ‹Amö êë, bëte më wän ndjë mö ngrɨ̈ kundə̂ azü ndə̂ angâ agö ngbî.›»

Rômo 10:3

Köbo ndə̂ Ndjapä nyîkrə rə̂ ndə̂kə̂ pa akrə za rə̂ ânyë kə̂ wa djîrə̂ lə̂ la yê, ajuîfu wûn-âbo sə̂nə̈-a. Andjë nyïkrə andə̂ andjê köbo nə̈, ânyë kə̈ kôsə̂ köbo ndə̂ Ndjapä nyîkrə rə̂ ndə̂kə̂ pa akrə za rə̂ ânyë kə̂ wa djîrə̂.

Rômo 14:10

Praâbalë momö, bëte giamâ kä ndə̂ mo jende ngâ zə̈? Bëte giamâ kä ndə̂ mo wun angâ zə̈ batə̂ azü ndə̂ andjë wâbô wâtə̂ ngâ rə-ê? Azəzə̂ balë balë gbɛ̂, azə̂ krʉadje tchâtchu Ndjapä ndə̂kə̂ pa tche wa ngbanga ndə̂ azə̂.

Rômo 14:3

Akrə ndə̂ tche zɨ arə gbɛ̂, âwâbo pä tche wun akrə ndə̂ tche zɨ kütû angâ rə batə̂ ngâ akrə ndə̂ tche wâbô wâtə̂ ngâ rə-a. Akrə ndə̂ tche zɨ kütû angâ rə, âwâbo pä tche jende akrə ndə̂ tche zɨ arə gbɛ̂-a, bëte Ndjapä zä ndjë akrə ndə̂ tche zɨ arə gbɛ̂ batə̂ akrə ndə̂ yê.

Rômo 7:9

Dokʉ̈tchê alême ndə̂ më wûn-âbô sə̂ ndïɛ̈ wûn, më sə̈ la tʉ̈rʉ̂ la mê. Praâbalë ndə̂ më wûnsə̂ ndïɛ̈, ngbongbo rə gbö köbo ndə̂kə̂ wa la tʉ̈rʉ̂ la