Lûke 18:7 - Mbëtï Ndjapä: TÄFO MADƗ̈

⁷ Käko azü ndə̂ Ndjapä ndə̂ tche dɨ̂ andjê, ndə̂ andjë kɨ sə̈ tchë dalobiî lâme, tchê wabô tchə̂lə̂ ngbanga ndə̂ andjê? Tche âsə zoo ânyë kə̂ za könô sə̈ andjê?

Lûke 18:7 Iomraidhean Croise

Matiyə̈ 24:22

Âdə Ndjapä âjîâbô angâ alö yûkü lâme nyɛ̂-ɛn, dëkë akrə balë ndə̂ tche wâ ndə̂kə̂ tcha lə̂nə̈ sə̂âbo-a, praâbalë tche jï angâ alö nə̈ bëte azü ndə̂ tche dɨ̂ andjê.

Matiyə̈ 24:24

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa nəadje. Andjê mboadje asɨ̂nyî rə la arə ndə̂ âropâ küma azü, ndə̂kə̂ bolo azü, âdə köbo âwa, andjë bolo ndjë azü ndə̂ Ndjapä dɨ̂ andjê.

Matiyə̈ 7:11

Käko ndjë, nyënyê ndə̂ nyë wâtə̂ angbongbo azü, nyë wünsə̂ kə̂ kʉ atchôtchô arə sə̈ abechë ndə̂ nyê. Käko Bha nyê ndə̂ tche sə̂ bhâ lafô kʉadje atchôtchô arə tə̂ gbölösə̂nə̈ sə̈ azü ndə̂ andjë yûkû nə̈ tchânə̂ yê!

Lûke 11:13

Nyënyê ndə̂ nyë wâtə̂ angbongbo sə̂ azü, nyë wünsə̂ kə̂ kʉ atchôtchô arə sə̈ abechë ndə̂ nyê. Käko, Bha azə̂ ndə̂ tche sə̂ bhâ lafô, zabô Kpɨ̂ki Yingö ndə̂ yê sə̈ azü ndə̂ andjë yûkû nə̈-ê?»

Lûke 2:37

Pânə̈ köchë nə̈ tchû tə̂ yê. Tche wä la ngû tə̂ azü voanə̈ la tchêpâ nə̈ voanə̈. Logbɛ̂ tche kä kütû bhâlə̂ gbölö nda Ndjapä. Tchə̂lə̂ bütchî la tchêdalo, tche mbö kua ndə̂ Ndjapä, tche kösə̂ kɨ̈zɨ̂, kə̂ to pö sə̈ Ndjapä.

Lûke 21:28

Âdə agbölö arə lâme âjetə̂ kə̂ wutu, nyë krʉ̈ ndjii-ï, kə̂ kenga küma nyê, bëte lo nə̈ ndə̂ Ndjapä ji nyê ndô nə̂.»

Rômo 8:33

Azü ndə̂ Ndjapä dɨ̂ andjê lâme, tchabâ kä ndə̂ âwâ ndə̂kə̂ za pö lə̂ küma andjê? Akrə balë sə̂âbo-a, bëte rə̂ ndə̂ Ndjapä mbô rə̂ ânyë andjë wâtə̂ adjîrə̂ azü lə̂ la yê.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Dokʉ̈ Tësälönîke 3:10

Ndə̂ ârâ sə lakə̂ to pö sə̈ Ndjapä dalobiî, ârâ yükû nə̈ logbɛ̂ la gbôgbô ndə̂kə̂ mbo rə̂ pä ârâ kä wun nyê, ânyë arə ndə̂ Yingö ndə̂ nyë wâbô wâ la rə̂ pâ su nyê ndə̂ nyë zâ rə̂ sə̈ Krîsiti lâme, ârâ kʉ rə̂ ëpânə̈ sə̈ nyê.

Bïchuû Tësälönîke 1:6

Bëte Ndjapä wä djîrə̂, azü ndə̂ andjë mbo nyê la yûkü lâme, tchê mboadje ndjë andjê la yûkü,

Dokʉ̈ Timotë 5:5

Âdə andə̂ tchanə̈ ndə̂ tche wâtə̂ lëge ɛ̈chë lə̂ ndavrö, ndə̂ tche sə̂ la kütû yê, tche zä su yê pâ Ndjapä, kə̂ rʉatə̂ su yê dalobiî lakə̂ dɨ tchə̂lə̂ ma yê sə̈ Ndjapä, ndjë lakə̂ to pö sə̈ tchë.

Bïchuû Timotë 1:3

Më zä ayîabâ tə̂ gbölösə̂nə̈ sə̈ Ndjapä, ndə̂ më zâ tchêngbâ araâta mê lakə̂ mbo kua sə̈ tchë, la tchôtchô kə̂ rɨ tchə̂lə̂ su. Më kä lakə̂ za küma mê dalobiî tə̂ pö ndə̂ zə̈ logbɛ̂ ndə̂ mê to pö sə̈ Ndjapä.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.

Tîte 1:1

Mëmê Pôlo, më wätə̂ earə̂ kua ndə̂ Ndjapä, kə̈ wâ ndjë tə̂ badjângele ndə̂ Jezü Krîsiti. Ndjapä wän mê ndə̂kə̂ pa më ka la azü ndə̂ tche dɨ̂ andjê ânyë andjë zâ su andjê sə̈ Jezü, ndə̂kə̂ pa andjë wunsə̂ lëge pö gundə̂sə̂ kə̂ zatə̂ andjê gbɛ̂ sə̈ Ndjapä,

Dokʉ̈ Pîêre 1:1

Mëmê Pîêre, badjângele ndə̂ Jezü Krîsiti, më mbö mbëtï âtə sə̈ nyê, nyënyê ndə̂ Ndjapä dɨ̂ nyê, ndə̂ nyë krʉ̂ tchə̂lə̂ tə̂ nyê katchôgbɛ̂, ânyë kə̈ sə̂ batə̂ ayirə lə̂ agö batə̂: Gö ndə̂ Pôn-on, la Gälâte, la Käpädôse, la Azï, ndjë la Bitinï.

Bïchuû Pîêre 3:9

Rə ndə̂ Gbölö Gbïɛ̈ zâ bâlâ tə̂ pö ndə̂nə̈, tche chîabo ndə̂kə̂ mbo rə̂-a, batə̂ angânə̈ to tchê rə̂. Tche rʉ̈ätə̂ su yê la nyê bëte tche nyîâbo ndə̂nə̈ pä angânə̈ lə̂ gbâtə̂ nyê tchu-a, praâbalë tche nyïndə̂ nə̈ pä azü gbɛ̂ gbotə̂ bəndɨ kə̂ mbo rə ndə̂ andjê.

Apökälîbïchi 18:20

Tchêlafô, amö wa la mômô bëte kə̂ ndɨ ndə̂ yê! Nyënyê ndjë gbɛ̂ nyë wä la mômô azü ndə̂ Ndjapä, la abadjângele la a-earə̂ ndə̂ma Ndjapä! Bëte Ndjapä wâ ngbanga pâ yê nə̂, bëte ngbongbo rə ndə̂ tche mbô rə̂ tə̂ nyê!

Apökälîbïchi 6:10

Andjë sə̂ lakə̂ on ngbôô päkëdə̂: «Earə̂ kə̂ nyisə̂ rə, ndə̂ mo wâ ngbî ânyë kə̈ dâka gbɛ̂, ndə̂ mo to tchê lëge pö; mo âsə zoo dalatchêbâ ânyë kə̂ wa ngbanga pâ azü tchêbêche, ânyë kə̂ gi ngbongbo rə sə̈ andjê tə̂ pö ndə̂ jï ârâ ndə̂ âtû lâme?»

Apökälîbïchi 7:15

Bëte rə̂ kä ndə̂ andjë krʉ̂ tchâtchu ngendë-gbïɛ̈ ndə̂ Ndjapä lakə̂ voga tchë dalobiî lə̂ gbölö nda ndə̂ yê. Ânyë tchanə̈ ndə̂ tche sə̂ lə̂ ngendë-gbïɛ̈ nə̈ batadje andjê tchâkrʉzrö yê.