Lûke 18:13 - Mbëtï Ndjapä: TÄFO MADƗ̈

¹³ «Earə̂ kə̂ pala makətche-lapöo lâme sə̂ andə̂ yê nə̈ bhâchï, tche kêngabô ndjë la yê atə̂ lafô-a. Praâbalë tche sə̈ lakə̂ bhi tchêla ngbôgo yê lakə̂ to rə̂ päkëdə̂: ‹Ndjapä, amö wun nyonyo mê, mëmê ndə̂ më wâtə̂ earə̂ ngbongbo rə.›»

Lûke 18:13 Iomraidhean Croise

Matiyə̈ 10:3

Fïlîpe la Bartelemï; Tomä la Matiyə̈ ndə̂ tche wâtə̂ earə̂ kə̂ pala makətche-lapöo; Jâke modô ndə̂ Alefë la Tadë;

Matiyə̈ 6:5

«Âdə nyê ânyində̂ kə̂ to pö sə̈ Ndjapä, nyë mböäbô rə mbô batə̂ azü ndə̂ pö ma andjë wâ ngbî tə̂kə̂ mbo rə ndə̂ andjê-ê. Andjë nyïndə̂ kə̂ krʉ lafô lə̂ anda kə̂ voga Ndjapä ndə̂ ajuîfu, âdəndjë lə̂ atâtakpa köbo ndə̂kə̂ to pö sə̈ Ndjapä ânyë azü wun andjê. Ɛn-ɛn, tə̂ lëge nə̈ më tö rə̂ sə̈ nyê, andjë gbô andə̂ andjë nə̈ rə nə̈ nə̂.

Matiyə̈ 9:13

Nyë gûgü kə̂ pu dju apö ndə̂ Ndjapä tô rə̂ âtə: ‹Më nyïndə̂ nə̈ pä azü wun nyonyo angâ andjê, praâbalë më kösə̂ ngela ndə̂ agia!› Më nə̂âbo ndə̂kə̂ e adjîrə̂ azü-a, praâbalë më nə̈ bëte a-earə̂ ngbongbo rə.»

Mâreke 11:25

Âdə nyê âkrʉ̂ lafô ndə̂kə̂ to pö sə̈ Ndjapä, ânyë ngâ pö wâtə̂ su nyê la ngâ akrə, nyë kö pö lə̂ küma yê, ânyë bha nyê ndə̂ tche sə̂ bhâ lafô ko ndjë pö lə̂ küma nyê. [

Lûke 17:12

Ndə̂ tche âsə̈ li lə̂ ngâ yɛ̈yɛ̈ gö, a-earə̂ broma lə̂ könô gbɛ̂ nə̂ lə̂ köbo yê, kə̈ krʉ̂ bhâchï.

Lûke 22:41

Pânə̈ tche gîtə̂ yê tʉ̂rʉ tə̂ andjê gundə̂sə̂ tchô ndə̂ akrə yi täme ânyë âte tâ. Tche gʉ̂te bêche, kə̈ tô pö sə̈ Ndjapä päkëdə̂:

Lûke 23:48

Akpûlû azü ndə̂ andjë pâlatə̂ andjê ndə̂kə̂ wun rə lâme, pânə̈ ndə̂ andjë wûn rə ndə̂ âmbô käko, andjë kʉ̂ könô andjê ë djagɨ̈ andjê lakə̂ gu ëtə̂.

Lûke 5:8

Ndə̂ Chemön wûn rə̂ käko, tche gʉ̂te tchâtchâ Jezü, kə̈ tô rə̂ päkëdə̂: «Gbölö Gbïɛ̈, gitə̂ zə̈ tə̂ mê bhâchï, bëte më də̈ earə̂ ngbongbo rə.»

Abadjângele 2:37

Ndə̂ azü nə̈ âsə̈ dje pö lâme käko, âzâ su andjê tə̂ gbölösə̂nə̈, ânyë andjë yû Pîêre la angâ abadjângele päkëdə̂: «Arə̂mä, azə̈ âmbo atöko?»

Rômo 5:8

Praâbalë Ndjapä nyïsə̂ köbo ndə̂ tche nyîndə̂ azə̂ kâkë: Ndə̂ gbô azə̂ ndə̂po tə̂ a-earə̂ ngbongbo rə, Jezü Krîsiti tchû bëte azə̂.

Bïchuû Körɛ̂nte 7:11

Nyë wünsa arə nyonyo ndə̂ âgbô nyê ndə̂ Ndjapä nyîndə̂ nə̈ lâme, rə ndə̂ âmbô rə̂ kä âtə: Nyë wä la gʉ ndə̂kə̂ mbo kua wândâ wändä, nyë wünsə̂ kə̂ to pö djîrə̂ pâ apö ndə̂ a yî rə̂ lə̂ küma nyê, âdə azü âmbo ngbongbo rə, tchə̂lə̂ nyê kʉ nyê tâ, nyë kä la wawa lə̂ su nyê, nyë kä la gʉ ndə̂kə̂ kä wun mê, nyë wä la gʉ ndə̂kə̂ mbo adjîrə̂ kua, nyë wä ngbanga lə̂ küma azü ndə̂ andjë mbô ngbongbo rə. Lə̂ arə lâme gbɛ̂, nyë nyïsə̂ nə̈ pä pö wâbo lə̂ küma nyê-a.

Dokʉ̈ Timotë 1:15

Pö ndə̂ mê to rə̂ âtə wä ndə̂kə̂ pa akrə za su yê pânə̈, kə̈ kʉ̂sə̂ nə̈ ndə̂kə̂ pa azü gbɛ̂ gamba rə̂, pö nə̈ wä kâkë: Jezü Krîsiti nə̈ atə̂ bêche âtə ndə̂kə̂ tcha earə̂ ngbongbo rə, ndə̂ mëmê, më wâtə̂ dokʉ̈ earə̂ ngbongbo rə nə̈.

Aheborö 4:16

Azə̈ gïtə̂ azə̂ la su azə̂ gbɛ̂ pu ngendë-gbïɛ̈ ndə̂ Ndjapä ndə̂ tche wâ la tchôtchô su. Käko ânyë tche wun nyonyo azə̂, ânyë azə̈ gbo tchôtchô su ndə̂ yê, ndə̂kə̂ pa tche za könô sə̈ azə̂ tə̂ lö nə̈ ndə̂ tche nyîndə̂ nə̈.

Aheborö 8:12

Bëte mê djutuadje kə̂ kosə̂ pö ndə̂ andjê, sə̂ ngbongbo rə ndə̂ andjê kä teabô lə̂ mê tee-a.»