Lûke 18:12 - Mbëtï Ndjapä: TÄFO MADƗ̈

¹² Lə̂ lö mïndûu manə̈ bïchuû, më kösə̂ kɨ̈zɨ̂ sûsunə̈ bïchuû lakə̂ to pö sə̈ Ndjapä. Rə gbɛ̂ ndə̂ mê gbo rə̂, më kʉ̈ dîme nə̈ sə̈ mö.›

Lûke 18:12 Iomraidhean Croise

Matiyə̈ 5:20

Më tö rə̂ sə̈ nyê päkëdə̂: Âdə nyê âmboabô djîrə̂ rə mbô âro andə̂ a-earə̂ kə̂ nyisə̂ ndïɛ̈ la afarizïɛ̈n nyɛ̂-ɛn, nyê liabô atə̂lə̂ Gbölö gö-gbïɛ̈ ndə̂ tchêlafô tee-a.»

Matiyə̈ 6:1

«La nyê gbö-ê! Âdə nyê ânyində̂ kə̂ mbo rə ndə̂ ndïɛ̈ ndə̂ Ndjapä nyîsə̂ nə̈, nyë mböäbô rə̂ mbô lə̂ la azü gbɛ̂ ndə̂kə̂ pa andjë wun nyê-ê. Âdə nyê âmbo rə ndə̂ ndïɛ̈ ndə̂ Ndjapä nyîsə̂ nə̈ ndə̂kə̂ pa azü lusə̂ nyê la rə̂, nyê gboabô ngâ rə tchânə̂ Bha azə̂ bhâ lafô tee-a.

Matiyə̈ 6:16

«Âdə nyë âsə̈ kosə̂ kɨ̈zɨ̂ ndə̂kə̂ to pö sə̈ Ndjapä, tchâtchu nyê wäbô wâ la nyo-ê, batə̂ azü ndə̂ pö ma andjê wâ ngbî tə̂kə̂ mbo rə ndə̂ andjê lâme-ê. Tchâtchu andjê wä la nyonyo ndə̂kə̂ nyisə̂ nə̈ sə̈ azü päkëdə̂ ânyë kä lakə̂ kosə̂ kɨ̈zɨ̂ ndə̂kə̂ to pö sə̈ Ndjapä. Ɛn-ɛn, tə̂ lëge nə̈ më tö rə̂ sə̈ nyê: Andjë gbô andə̂ andjë nə̈ rə nə̈ nə̂.

Matiyə̈ 6:5

«Âdə nyê ânyində̂ kə̂ to pö sə̈ Ndjapä, nyë mböäbô rə mbô batə̂ azü ndə̂ pö ma andjë wâ ngbî tə̂kə̂ mbo rə ndə̂ andjê-ê. Andjë nyïndə̂ kə̂ krʉ lafô lə̂ anda kə̂ voga Ndjapä ndə̂ ajuîfu, âdəndjë lə̂ atâtakpa köbo ndə̂kə̂ to pö sə̈ Ndjapä ânyë azü wun andjê. Ɛn-ɛn, tə̂ lëge nə̈ më tö rə̂ sə̈ nyê, andjë gbô andə̂ andjë nə̈ rə nə̈ nə̂.

Matiyə̈ 9:14

Adjisîpili ndə̂ Jâan-Batîse nə̂ ndola Jezü kə̈ yû tchë päkëdə̂: «Ârâ la afarizïɛ̈n kä lakə̂ kosə̂ kɨ̈zɨ̂ logbɛ̂ ndə̂kə̂ to pö sə̈ Ndjapä. Bëte giamâ ânyë adjisîpili ndə̂ zə̈ kôâbô sə̂ kɨ̈zɨ̂ kô ndə̂kə̂ to pö sə̈ Ndjapä?»

Lûke 11:42

«Nyonyo kä tə̂ nyê, afarizïɛ̈n! Nyë kʉ̈ dîme ndə̂ akʉ̈kʉ̂-gûsû balë balë la akanyïɛ̈ arə kɨ̈ndɨ̈ gbɛ̂ sə̈ Ndjapä. Praâbalë djîrə̂ rə, lakə̂ nyində̂ Ndjapä, nyë wün rə̂ batə̂ mbämbä rə. Dëkë rə ndə̂ âwâ ndə̂kə̂ pa nyë mbo rə̂ âme kä lâme, kə̂ gboabô gbôtə̂ adɨ̂ nə̈-ê.

Lûke 17:10

Ârə̂ âwa ndjë me käko tə̂ andə̂ nye nə̈, ndə̂ nyë mbô arə gbɛ̂ ndə̂ a yûkû nə̈ sə̈ nyê, nyë tö rə̂ päkëdə̂: ‹Ârâ wätə̂ ambämbä a-earə̂ kua, ârâ mbö kütû rə ndə̂ âwâ pä ârâ mbo rə̂.›»

Rômo 3:27

Ngâ rə ndə̂kə̂ pa azə̈ bhi gogo azə̈ pânə̈ kä tâ? Âdə̂âbo käko balë-a! Azə̈ bhï gogo azə̈ bëte giamâ? Bëte rə̂ ndə̂ azə̈ mbo rə gundə̂sə̂ ndïɛ̈? Âdə̂âbo käko-a! Praâbalë bëte rə̂ ndə̂ azə̈ zâ su azə̂ sə̈ Jezü.

Dokʉ̈ Körɛ̂nte 1:29

Käko ânyë ngâ akrə balë bhiabô gogo yê bhî tchâtchu Ndjapä-ê.

Gälâte 1:14

Lə̂ köbosə̂ kə̂ voga Ndjapä ndə̂ ajuîfu, më rö angbängbä ajuîfu ndə̂ ngû mê la andjê wâ balë pâ mawo ndə̂ mê. Më zätə̂ mê gbɛ̂ ndə̂kə̂ mbo rə gundə̂sə̂ kə̂ mbo rə ndə̂ araâta mê.

Ëfêze 2:9

Kə̂ tcha lə̂ kuzü lâme nə̂âbo ngbâ kə̂ mbo kua ânyë akrə bhi gogo yê pânə̈-a.

Dokʉ̈ Timotë 4:8

Angɨ̈ gbɛ̂ ndə̂ âmbo rə̂ pä tchə̂lə̂ kpoto akrə kra lâme, ämbö dâkâ tə̂ akrə kpîɛ̂kpîɛ̂ rə̂, praâbalë kə̂ zatə̂ andjê gbɛ̂ sə̈ Ndjapä däka lə̂ arə gbɛ̂. Bëte kə̂ zatə̂ andjê gbɛ̂ sə̈ Ndjapä nə̈ lâme, pö ndə̂ tchîsûwu ndə̂ akrə gbo rə̂ kä lə̂nə̈: Tchîsûwu ndə̂ yê ndə̂ tchô angêta, la tchîsûwu ndə̂ yê ndə̂ tchô lâmbo.