Lûke 18:11 - Mbëtï Ndjapä: TÄFO MADƗ̈

¹¹ Farizïɛ̈n lâme krʉ̂ lafô ânyë kə̈ sə̂ lakə̂ to pö sə̈ Ndjapä bhâtə̂ su yê pä: ‹Ndjapä, më zä ayîabâ sə̈ mö, bëte më wâbo batə̂ adɨ̂ azü gbɛ̂-a, ndə̂ andjë wâtə̂ a-earə̂ ngbä, la a-earə̂ mbə̈lï, la azü ndə̂ andjë pu aɛ̈chë âdəndjë aköchë ndə̂ azü lâme-a. Më wâbo ndjë batə̂ earə̂ kə̂ pala makətche-lapöo lâme-a.

Lûke 18:11 Iomraidhean Croise

Matiyə̈ 10:3

Fïlîpe la Bartelemï; Tomä la Matiyə̈ ndə̂ tche wâtə̂ earə̂ kə̂ pala makətche-lapöo; Jâke modô ndə̂ Alefë la Tadë;

Matiyə̈ 5:20

Më tö rə̂ sə̈ nyê päkëdə̂: Âdə nyê âmboabô djîrə̂ rə mbô âro andə̂ a-earə̂ kə̂ nyisə̂ ndïɛ̈ la afarizïɛ̈n nyɛ̂-ɛn, nyê liabô atə̂lə̂ Gbölö gö-gbïɛ̈ ndə̂ tchêlafô tee-a.»

Matiyə̈ 6:5

«Âdə nyê ânyində̂ kə̂ to pö sə̈ Ndjapä, nyë mböäbô rə mbô batə̂ azü ndə̂ pö ma andjë wâ ngbî tə̂kə̂ mbo rə ndə̂ andjê-ê. Andjë nyïndə̂ kə̂ krʉ lafô lə̂ anda kə̂ voga Ndjapä ndə̂ ajuîfu, âdəndjë lə̂ atâtakpa köbo ndə̂kə̂ to pö sə̈ Ndjapä ânyë azü wun andjê. Ɛn-ɛn, tə̂ lëge nə̈ më tö rə̂ sə̈ nyê, andjë gbô andə̂ andjë nə̈ rə nə̈ nə̂.

Mâreke 11:25

Âdə nyê âkrʉ̂ lafô ndə̂kə̂ to pö sə̈ Ndjapä, ânyë ngâ pö wâtə̂ su nyê la ngâ akrə, nyë kö pö lə̂ küma yê, ânyë bha nyê ndə̂ tche sə̂ bhâ lafô ko ndjë pö lə̂ küma nyê. [

Lûke 20:47

Andjë kʉ̈ arə gbɛ̂ tə̂ aɛ̈chë lə̂ ndavrö, kə̂ to pö sə̈ Ndjapä âgu tə̂ gbölösə̂nə̈ ndə̂kə̂ pa azü wun andjê. Ndjapä âwadje ngbanga lə̂ küma andjê tə̂ kïkï nə̈.»

Lûke 22:41

Pânə̈ tche gîtə̂ yê tʉ̂rʉ tə̂ andjê gundə̂sə̂ tchô ndə̂ akrə yi täme ânyë âte tâ. Tche gʉ̂te bêche, kə̈ tô pö sə̈ Ndjapä päkëdə̂:

Gälâte 3:10

Bëte azü ndə̂ andjë zâ su andjê pâ kə̂ mbo rə gundə̂sə̂ ndïɛ̈, Ndjapä drâ ndə̂ andjê nə̂. Bëte Mbëtï Ndjapä tö rə̂ päkëdə̂: «Ndjapä drä ndə̂ akrə ndə̂ tche mbôâbô rə mbô gundə̂sə̂ rə gbɛ̂ ndə̂ a mbô rə̂ lə̂ Mbëtï-ndïɛ̈.»

Fïlîpe 3:6

Lə̂ köbosə̂ kə̂ mbo kua ndə̂ më zâ su mê gbɛ̂ ëtâ, më mbö arə gbôgbô tə̂ a-Egilîze. Âdə andə̂ pö ndə̂ ndïɛ̈ lakə̂ mbo rə djîrə̂ gundə̂sə̂ nə̈, ngâ akrə ndə̂ tche yi pö lə̂ küma mê bëte rə̂ wâbo-a.

Apökälîbïchi 3:17

Bëte mo tö rə̂ päkëdə̂: Rə ndə̂ mê kä tâ, më wä la rə tə̂ gbölösə̂nə̈, pö ndə̂ ngâ rə balë kä kʉ̂âbo mê-a. Tchâme, mo wûn-âbo sə̂nə̈ pä mo də̈ earə̂ yûkü-a, âdəndjë earə̂ nyonyo-a, âdəndjë akrə ndə̂ rə ndə̂ yê wâbô wâ tâ-a, âdəndjë earə̂ föla-a, la akrə ndə̂ tche wâ kpändëwä-a.