Lûke 17:6 - Mbëtï Ndjapä: TÄFO MADƗ̈

⁶ Gbölö Gbïɛ̈ nə̈ tô rə̂ ndə̂nə̈ sə̈ andjê päkëdə̂: «Âdə kə̂ za su nyê sə̈ Ndjapä âge batə̂ ndjî mütârede, nyë âto rə̂ sə̈ da yö âtə päkëdə̂: ‹Amö alafô la chëchë zə̈ gbɛ̂, kə̂ e kə̂ chitə̂ zə̈ bhâlə̂ gbölö ngû ngbro›, da yö lâme âdjeadje nyê.»

Lûke 17:6 Iomraidhean Croise

Matiyə̈ 14:29

Jezü tô rə̂ ndə̂nə̈ sə̈ tchë päkëdə̂: «Nə atâ!» Pîêre wûtu lə̂ külû nə̈ kə̈ sə̂ lakə̂ nə pâ ngû nə̈ ndə̂kə̂ e pu Jezü.

Matiyə̈ 17:20

Jezü tô rə̂ ndə̂nə̈ sə̈ andjê päkëdə̂: «Bëte kə̂ za su nyê sə̈ Ndjapä wä kpîɛ̂kpîɛ̂ rə̂. Ɛn-ɛn, tə̂ lëge nə̈ më tö rə̂ sə̈ nyê: Âdə kə̂ za su nyê sə̈ Ndjapä âwa kpîɛ̂kpîɛ̂ rə̂ batə̂ ndjî mütârede, âdə nyê âto rə̂ sə̈ aga âtə päkëdə̂: ‹Amö alafô kə̂ e təbhâ›, aga lâme âro etə̂. Ngâ rə ndə̂ sə̂nə̈ ka tə̂ nyê wabô tee-a.

Matiyə̈ 21:21

Jezü tô rə̂ ndə̂nə̈ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Tə̂ngâlo, âdə nyë âza su nyê sə̈ Ndjapä ânyë kə̈ dôdoabô su nyê dôdo-ê, nyê âmbo rə batə̂ rə̂ ndə̂ më mbô rə̂ tə̂ yö ndə̂ fîge lâme, kə̂ mbo rə̂ âro anə̈ lâme. Âdə nyë âto rə̂ sə̈ aga âtə päkëdə̂: ‹Alafô tchâme, kə̈ tê bhâlə̂ gbölö ngû ngbro›, rə nə̈ âmbo batə̂ rə̂.

Mâreke 4:31

Gbölö gö-gbïɛ̈ ndə̂ Ndjapä wä batə̂ ngâ ndjî yö ndə̂ rə̈ nə̈ wû pä mütârede, ndə̂ a gɨ̂ rə̂ lə̂ cho, tche wätə̂ kpîɛ̂kpîɛ̂ ndjî rəgʉ tə̂ adɨ̂ andjî rəgʉ gbɛ̂.

Mâreke 9:23

Jezü tô rə̂ sə̈ tchë päkëdə̂: «Bëte giamâ mo tô rə̂ pä âdə mê âwa ndə̂kə̂ mbo ngâ rə? Akrə ndə̂ tche zâ su yê sə̈ mê, tche wä ndə̂kə̂ mbo rə gbɛ̂.»

Lûke 13:19

Gbölö gö-gbïɛ̈ ndə̂ Ndjapä wä batə̂ ngâ ndjî mütârede ndə̂ ngâ akrə gɨ̂ rə̂ lə̂ kɨ̈ndɨ̈ ndə̂ yê. Ndjî yö ndə̂ mütârede lâme kʉ̂, kə̈ kpô, kə̈ wâ batə̂ gbölö da yö. Anyïɛ̈nə̈ mbô kʉmâ andjê tə̂ matö nə̈.»

Lûke 17:7

«Azə̈ chï ndə̂ pö âtə: Âdə ngâ akrə lə̂ gbâtə̂ nyê âwa la ngâ earə̂ kua ndə̂ tche djo kɨ̈ndɨ̈ âdəndjë rə̂ ndə̂ tche bata kpûlû agia. Ndə̂ tche âsə̈ wun earə̂ kua lâme ndə̂ tche tô bhâlə̂ kɨ̈ndɨ̈ ndə̂kə̂ kangbâ yê, tchê toadje rə̂ sə̈ tchë päkëdə̂: ‹Amö nə gasa kə̂ zɨ kɨ̈zɨ̂›?

Lûke 19:4

Käko tche kpê andə̂ yê nə̈ dokʉ̈tchê, ânyë kə̈ â lə̂ ngâ yö ndə̂ rə̈ nə̈ wû pä sikomöre ndə̂kə̂ wun Jezü ndə̂ tche wâ ndə̂kə̂ ro lə̂ köbo nə̈ lâme.

Lûke 7:13

Ndə̂ Gbölö Gbïɛ̈ wûn ɛ̈chë ndə̂ modô ndə̂ yê tchû lâme, tche wûn nyonyo yê, kə̈ tô rə̂ sə̈ tchë päkëdə̂: «Amö gbotə̂ kə̂ kɨ-ê!»

Lûke 7:19

kə̈ wân andjê sə̈ Gbölö Gbïɛ̈ ndə̂kə̂ yu tchë päkëdə̂: «Mo də̈ Mesï ndə̂ a tô pö ndə̂ yê pä tche ânə lâme? Âdəndjë rə̂ pä ârâ wä ndə̂kə̂ sə bëte ngâ akrə ngbî?»

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.