Lûke 17:26 - Mbëtï Ndjapä: TÄFO MADƗ̈

²⁶ Rə ndə̂ âmbô alême losə̂ Nowë, ârə̂ âmbo ndjë me käko losə̂ kə̂ ka ndə̂ Modô ndə̂ Akrə.

Lûke 17:26 Iomraidhean Croise

Lûke 17:22

Pânə̈ tche tô rə̂ sə̈ adjisîpili ndə̂ yê päkëdə̂: «Angâ alö âwutuadje ndə̂ nyê nyində̂ kə̂ wun ngâ lö balë lə̂ alö ndə̂ Modô ndə̂ Akrə, praâbalë nyê wun-abô rə̂ tee-a.

Lûke 17:24

Käko lo kə̂ ka ndə̂ Modô ndə̂ Akrə âwa me batə̂ rə̂ ndə̂ nyïvrö sro kpôlə̂nyä ânyë ngbänga nə̈ wutu dəkalâ dəkalâ lâme.

Lûke 17:27

Azü zɨ̈ rə alême lakə̂ ndjo rə, aköchë la aɛ̈chë tôtə̂ andjê zoo âwûtu ëtə̂ lo nə̈ ndə̂ Nowë lî lə̂ âreche. Käko gbölö nyïvrö nyî, kə̈ vô katchôgbɛ̂, ânyë kə̈ wôn andjê gbɛ̂.

Lûke 17:7

«Azə̈ chï ndə̂ pö âtə: Âdə ngâ akrə lə̂ gbâtə̂ nyê âwa la ngâ earə̂ kua ndə̂ tche djo kɨ̈ndɨ̈ âdəndjë rə̂ ndə̂ tche bata kpûlû agia. Ndə̂ tche âsə̈ wun earə̂ kua lâme ndə̂ tche tô bhâlə̂ kɨ̈ndɨ̈ ndə̂kə̂ kangbâ yê, tchê toadje rə̂ sə̈ tchë päkëdə̂: ‹Amö nə gasa kə̂ zɨ kɨ̈zɨ̂›?

Lûke 18:8

Me tö rə̂ sə̈ nyê! Tche âwa tchə̂lə̂ ngbanga ndə̂ andjê gasa-ê. Praâbalë âdə Modô ndə̂ Akrə âkangbâ yê, tchê gboadje azü ndə̂ andjë zâ su andjê sə̈ tchë pâ cho âtə?»

Aheborö 11:7

Lə̂ köbosə̂ kə̂ za su sə̈ Ndjapä, Nowë djê pö ndə̂ Ndjapä tô rə̂ pâ pö ndə̂ arə ndə̂ âwutuadje ndə̂ akrə wûn-âbô rə̂ wûn dämba-ê. Nowë lûsə̂ pö lâme, ânyë kə̈ nyîkrə ngâ âreche, tchetchë la azü lə̂ bûngrɨ̂ ndə̂ yê lî lə̂nə̈ ndə̂kə̂ tcha lə̂ kuzü. Lə̂ köbosə̂ kə̂ za su sə̈ Ndjapä kä ndə̂ tche wâ ngbanga lə̂ küma azü ndə̂ tchêbêche, ânyë Ndjapä dɨ̈ tchë tə̂ djîrə̂ akrə.

Bïchuû Pîêre 2:5

Ndjapä gbôâbo ndjë tə̂ dokʉ̈ tchêbêche alême ämbämbänə̈-a, praâbalë tche mbö rə̂ pä gbölö nyïvrö nyi, kə̈ vô pâ cho nə̈ ndə̂ angbongbo azü nə̈ sə̂ pânə̈, tche tchâ kütû Nowë ndə̂ tche mû pö ndə̂ djîrə̂ rə, tchetchë la azü mïndûu manə̈ bïchuû.

Bïchuû Pîêre 3:6

Äwä ndjë käko lə̂ köbosə̂ ngû, ndə̂ âvô katchôgbɛ̂ ânyë dokʉ̈ tchêbêche ndɨ̂ lə̂ köbosə̂ nə̈.