Lûke 17:25 - Mbëtï Ndjapä: TÄFO MADƗ̈

²⁵ Praâbalë äwäpä tche wun yûkü tə̂ gbölösə̂nə̈ dokʉ̈tchê, ânyë äwäpä azü ndə̂ tchô angêta kosə̂ yê.

Lûke 17:25 Iomraidhean Croise

Matiyə̈ 16:21

Tə̂ lo nə̈ lâme, Jezü jêtə̂ kə̂ to rə̂ kraâ sə̈ adjisîpili ndə̂ yê päkëdə̂: «Äwäpä më e atə̂ Jerûzalêmo ndə̂kə̂ wun yûkü tə̂ gbölösə̂nə̈ tchânə̂ akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈. Andjê won-adje mê, lə̂ lö vötaâ la tchêngbâ nə̈, mê joadje.»

Matiyə̈ 21:42

Jezü tô rə̂ sə̈ andjê päkëdə̂: «Nyë dɨ̂âbo pö lâme balë lə̂ Mbëtï Ndjapä? ‹Täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈. Rə lâme tö bhândə̂ Gbölö Gbïɛ̈. Rə nə̈ wätə̂ ngâ gbölö rə lə̂ la azə̂.›

Mâreke 10:33

«Azə̈ âkenga atə̂ Jerûzalêmo, a âgboadje tə̂ Modô ndə̂ Akrə ëtchânə̂ agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈. Andjê wadje ngbanga kuzü lə̂ küma yê. Andjê gboadje tə̂ yê ëtchânə̂ azü ndə̂ andjë wâbô wâtə̂ ajuîfu.

Mâreke 12:10

Nyë dɨ̂âbo pö ndə̂ a mbô rə̂ lə̂ Mbëtï Ndjapä lâme? Pö nə̈ tö rə̂ päkëdə̂: ‹Täme ndə̂ a-earə̂ kə̂ mbo nda gbôtâ, ârə̂ kä ndə̂ âmbôtə̂ yê tə̂ gbôgbô täme da nda nə̈.

Mâreke 8:31

La tchêngbâ nə̈, Jezü jêtə̂ kə̂ nyisə̂ rə sə̈ adjisîpili ndə̂ yê päkëdə̂: «Äwäpä Modô ndə̂ Akrə wun yûkü tə̂ gbölösə̂nə̈. Akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ koadje sə̂ yê. A âwon-adje tchë, ânyë pâ lö vötaâ tchê joadje lə̂ kuzü.»

Mâreke 9:31

Bëte tche sə̈ lakə̂ nyisə̂ rə sə̈ adjisîpili ndə̂ yê, lakə̂ to rə̂ sə̈ andjê päkëdə̂: «A âgboadje tə̂ Modô ndə̂ Akrə ëtchânə̂ azü, andjê won-adje tchë, lö vötaâ la tchêngbâ nə̈, tchê joadje lə̂ kuzü.»

Lûke 18:31

Jezü kʉ̈ adjisîpili ndə̂ yê lə̂ könô gbɛ̂ tchêpâ nə̈ bïchuû, kə̈ gîtə̂ yê la andjê bhâchï, ânyë kə̈ tô rə̂ sə̈ andjê päkëdə̂: «Nyë djë rə̂, azə̈ âe atə̂ Jerûzalêmo ndə̂kə̂ pa pö gbɛ̂ ndə̂ a-earə̂ ndə̂ma Ndjapä mbô rə̂ lə̂ mbëtï pâ Modô ndə̂ Akrə alême, âmbo gundə̂sə̂ nə̈.

Lûke 18:33

Andjê bhiadje tchë la goto, ânyë kə̂ won-adje tchë. Lə̂ lö vötaâ nə̈, tchê joadje lə̂ kuzü.»

Lûke 24:46

Tche tô rə̂ sə̈ andjê päkëdə̂: «A mbö rə̂ lə̂ Mbëtï Ndjapä alême päkëdə̂: Äwäpä Krîsiti wun yûkü ânyë kə̂ jo lə̂ kuzü lə̂ lö vötaâ nə̈.

Lûke 9:22

Tche kä tô rə̂ päkëdə̂: «Äwäpä Modô ndə̂ Akrə wun yûkü tə̂ gbölösə̂nə̈. Akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ koadje sə̂ yê. A âwon-adje tchë, ânyë pâ lö vötaâ tchê joadje lə̂ kuzü.»

Jâan 1:11

Tche nə̈ atə̂lə̂ gö ndə̂ yê la tə̂ yê, praâbalë azü gö ndə̂ yê nə̈ mbôâbo la sə̂ yê-a.

Jâan 12:38

Käko pö ndə̂ Ezayï earə̂ ndə̂ma Ndjapä tô rə̂ alême mbô gundə̂sə̂ nə̈; tche tö rə̂ päkëdə̂: «Gbölö Gbïɛ̈, tchabâ âgamba pö ndə̂ ârâ? Gbölö Gbïɛ̈ nyïsə̂ gbôgbô ndə̂ yê sə̈ tchabâ?»