Lûke 17:21 - Mbëtï Ndjapä: TÄFO MADƗ̈

²¹ A âtoabô rə̂ tee päkëdə̂: ‹Nyë wün rə̂, äkä tchâtə!› Âdəndjë rə̂ ‹äkä təbhâ!› Bëte äwäpä nyë wunsə̂ nə̈ pä Gbölö gö-gbïɛ̈ ndə̂ Ndjapä kä lə̂ gûtə̂ nyê.»

Lûke 17:21 Iomraidhean Croise

Matiyə̈ 12:28

Praâbalë âdə lə̂ köbosə̂ Kpɨ̂ki Yingö kä ndə̂ mê gro angbongbo atchozö la rə̂, dëkë Gbölö gö-gbïɛ̈ ndə̂ Ndjapä wûtu nə̂ ëtə̂ nyê.

Mâreke 13:21

Âdə ngâ akrə âto rə̂ sə̈ nyê päkëdə̂: ‹Krîsiti kä tchâtə!› âdəndjë ‹təbhâ!›, nyë gämbabô pö ndə̂ yê gâmba-ê.

Lûke 17:23

A âtoadje rə̂ sə̈ nyê päkëdə̂: ‹Tche kä təbhâ!› Âdəndjë rə̂ ‹tche kä tchâtə!› Praâbalë nyë ëäbô ê bhâye-ê, âdəndjë rə̂ nyë kpëäbô kpê bhâye-ê.

Lûke 21:8

Jezü tô rə̂ ndə̂nə̈ sə̈ andjê päkëdə̂: «La nyë gbö-ê, ngâ akrə böloabô nyê bôlo-ê! Bëte angbängbä azü ânəadje la rə̈ mê, kə̂ to rə̂ päkëdə̂: ‹Anyenyê kä ndə̂ âdə̂ Krîsiti› andjê toadje rə̂ me päkëdə̂: ‹Lo nə̈ tâ tâ nə̂!› Praâbalë nyë zäbô tchêngbâ andjê zâ-ê!

Jâan 1:26

Jâan tô rə̂ ndə̂nə̈ sə̈ andjê päkëdə̂: «Mëmê, më zä batɛ̂me ndə̂ ngû sə̈ nyê. Ngâ akrə kä lə̂ gbâtə̂ nyê ndə̂ nyë wûn-âbo sə̂ yê wûn-î.

Jâan 18:36

Jezü tô rə̂ ndə̂nə̈ sə̈ tchë päkëdə̂: «Gbölö gö-gbïɛ̈ ndə̂ mê wâbo bêche âtə-a; âdə Gbölö gö-gbïɛ̈ ndə̂ mê âwa alême bêche âtə, dëkë azü ndə̂ mê âmbo kʉ̈ʉ̈ alême ndə̂kə̂ pa a gboabô gbôtə̂ mê tchânə̂ agbölö azü gö ndə̂ ajuîfu-î. Gbölö gö-gbïɛ̈ ndə̂ mê wâbo tchâtə-a.»

Rômo 14:17

Gbölö gö-gbïɛ̈ ndə̂ Ndjapä wâbo ndə̂kə̂ zɨ kɨ̈zɨ̂ âdəndjë ndə̂kə̂ ndjo rə-a, praâbalë äwä ndə̂kə̂ mbo rə djîrə̂, ndə̂kə̂ sə la zɨtɨ su la mômô ndə̂ Kpɨ̂ki Yingö za rə̂ sə̈ akrə.

Kölôse 1:27

Ndjapä nyïndə̂ nə̈ pä andjë wunsə̂ atchôtchô arə ndə̂ ârô masə̂nə̈ ndə̂ tche nyîkrə rə̂ lə̂ küwû nə̈ bëte azü ndə̂ andjë wâbô wâtə̂ ajuîfu. Rə nə̈ ndə̂ tche nyïkrə rə̂ wä kâkë: Krîsiti kä lə̂ nyê ndə̂kə̂ pa nyë za su nyê ndə̂kə̂ krʉ bëte tchë ânyë kə̂ sə la tchë lə̂kə̂ wa gbölö ndə̂ yê.