Lûke 17:16 - Mbëtï Ndjapä: TÄFO MADƗ̈

¹⁶ Tche tê tchâtchâ Jezü, kə̈ chî küma yê tə̂ cho lakə̂ za ayîabâ sə̈ tchë. Köchë lâme wätə̂ akrə gö ndə̂ Samarï.

Lûke 17:16 Iomraidhean Croise

Matiyə̈ 10:5

Jezü wän adjisîpili ndə̂ yê lə̂ könô gbɛ̂ tchə̂pânə̈ bïchuû lə̂ gö nə̈. Tche zâma sə̈ andjê päkëdə̂: «Nyë ëäbô ê bhândə̂ azü ndə̂ andjë wâbô wâtə̂ ajuîfu-î. Nyë lïäbô lî lə̂ ngâ gö ndə̂ Samarï-ê.

Matiyə̈ 2:11

Andjë lî bhâ tchâalê nə̈, kə̈ gbô bechë nə̈ la anyï nə̈ Malê. Andjë gʉ̂te lakə̂ voga bechë nə̈. La tchêngbâ nə̈ andjë jî ma kədjâ ndə̂ andjê kə̈ wûtu la atchôtchô arə batə̂ lôlo la dukâni la yömbö ndə̂ rə̈ nə̈ wû pä mîre, kə̈ kʉ̂ rə̂ sə̈ bechë nə̈.

Mâreke 5:33

Wawa mbô ɛ̈chë nə̈, tche sə̂ lakə̂ gugu bëte tche wûnsə̂ rə ndə̂ âmbô tə̂ yê la tə̂ yê nə̂. Tche nə̂ kə̈ tê tchâtchâ Jezü, ânyë kə̈ tô lëge pö gbɛ̂ sə̈ tchë.

Lûke 17:17

Käko Jezü tô rə̂ päkëdə̂: «Âdə̂âbo andjê lə̂ könô gbɛ̂ kä ndə̂ më tchâ andjê? Adɨ̂ nə̈ mïndûu manə̈ vöanə̈ sə̈ bhâ tchêbâ?

Lûke 5:8

Ndə̂ Chemön wûn rə̂ käko, tche gʉ̂te tchâtchâ Jezü, kə̈ tô rə̂ päkëdə̂: «Gbölö Gbïɛ̈, gitə̂ zə̈ tə̂ mê bhâchï, bëte më də̈ earə̂ ngbongbo rə.»

Jâan 4:9

Ɛ̈chë gö ndə̂ Samarï lâme tô rə̂ sə̈ Jezü päkëdə̂: «Atöko kä ndə̂ momö ndə̂ mo wâtə̂ juîfu, mo yûkû ngû ndə̂kə̂ ndjo rə̂ tchânə̂ mê, ndə̂ më wâtə̂ ɛ̈chë gö ndə̂ Samarï âtə?» Bëte ajuîfu nyîâbo ndə̂kə̂ sə lə̂ gbâtə̂ andjê la azü gö ndə̂ Samarï-a.

Jâan 5:23

ndə̂kə̂ pa azü gbɛ̂ lusə̂ Modô nə̈ batə̂ rə̂ ndə̂ andjë lusə̂ Bha. Akrə ndə̂ tche lûâbô sə̂ Modô nə̈ lû-î, dëkë tche kôsə̂ kə̂ lusə̂ Bha ndə̂ tche wân tchë lâme nə̂.

Jâan 8:48

Ajuîfu tô rə̂ ndə̂nə̈ sə̈ Jezü päkëdə̂: «Ndə̂ ârâ tô rə̂ pä mo də̈ akrə gö ndə̂ Samarï, ânyë ngâ ngbongbo tchozö kä lə̂ zə̈ lâme, lëge pö də̂âbo rə̂?»

Abadjângele 1:8

Praâbalë nyê gboadje ngâ gbôgbô, gbôgbô nə̈ lâme də̈ gbôgbô ndə̂ Kpɨ̂ki Yingö ndə̂ âjreadje pâ nyê. Käko nyê toadje apö ndə̂ arə ndə̂ nyë wûnsə̂ nə̈ pâ mê bhâ Jerûzalêmo, lə̂ agö ndə̂ Judë gbɛ̂, la andə̂ Samarï, zoo kupâ cho gbɛ̂.»

Dokʉ̈ Körɛ̂nte 14:25

Apö ndə̂ âwâ wü bhâlə̂ su yê âwutuadje kraâ ësûwu, käko tchê gʉteadje, kə̂ chiadje küma yê, kə̂ vogadje Ndjapä lakə̂ to rə̂ päkëdə̂: «Ndjapä kä tə̂ lëge nə̈ lə̂ gbâtə̂ nyê.»

Apökälîbïchi 19:10

Käko më gʉ̂te tchâtchâ ânje nə̈ ndə̂kə̂ voga tchë, praâbalë tche tô rə̂ sə̈ mê päkëdə̂: «Amö mboabô rə mbô käko-ë! Më də̈ ngâ zə̈ earə̂ kua ndjë la angâ zə̈ ndə̂ andjë bâta alëge pö ndə̂ Jezü mû rə̂. Ndjapä kä ndə̂ mo wâ ndə̂kə̂ voga tchë!» Bëte alëge apö ndə̂ Jezü nyîsə̂ nə̈ kä ndə̂ âzâ gbôgbô sə̈ a-earə̂ ndə̂ma Ndjapä ndə̂kə̂ to ndə̂ma yê.

Apökälîbïchi 4:10

Akpôkpô azü tə̂ akrə gbɛ̂ tchêpâ nə̈ voanə̈ lâme sə̂ lakə̂ gʉte tchâtchâ tchanə̈ ndə̂ tche sə̂ lə̂ ngendë-gbïɛ̈ nə̈, andjë vöga tchanə̈ ndə̂ tche wâ la tʉ̈rʉ̂ la yê pïï etə̂. Andjë yï akurône ndə̂ andjê tchâtchâ ngendë-gbïɛ̈ nə̈ lakə̂ to rə̂ päkëdə̂:

Apökälîbïchi 5:14

Arə voanə̈ ndə̂ âwâ la tʉ̈rʉ̂ la lâme tô rə̂ päkëdə̂: «Amin!» Ânyë akpôkpô azü nə̈ gʉ̂te kə̈ sə̂ lakə̂ voga tchë.