Lûke 17:1 - Mbëtï Ndjapä: TÄFO MADƗ̈

¹ Jezü tô rə̂ sə̈ adjisîpili ndə̂ yê päkëdə̂: «Arə ndə̂ âmbo rə̂ pä azü te lə̂ ngbongbo rə kä tâ logbɛ̂. Praâbalë nyonyo kä tə̂ akrə ndə̂ tche mbô rə̂ pä angâ yê te lə̂ ngbongbo rə.

Lûke 17:1 Iomraidhean Croise

Matiyə̈ 16:23

Praâbalë Jezü djêtə̂ yê kə̈ tô rə̂ sə̈ Pîêre päkëdə̂: «Gitə̂ zə̈ tə̂ mê bhâchï Satäa! Mo wä batə̂ ngâ täme lə̂ köbo mê, bëte kə̂ wun tchô ndə̂ zə̈ wâbo batə̂ andə̂ Ndjapä-a, praâbalë äwä batə̂ andə̂ azü.»

Matiyə̈ 18:7

Äwätə̂ rə ndə̂ nyonyo tə̂ azü pâ cho âtə! Arə ndə̂ âmbo rə̂ pä azü te lə̂ ngbongbo rə ngbä tə̂ gbölösə̂nə̈! Tə̂ lëge nə̈, ädäka ndə̂kə̂ pa arə nə̈ lâme wutu. Praâbalë nyonyo kä tə̂ akrə ndə̂ tche mbô rə̂ pä rə nə̈ lâme wutu.

Lûke 16:31

Praâbalë Abrahâmo tô rə̂ päkëdə̂: ‹Âdə andjë ânyiabô nyîndə̂ kə̂ djë ma Möyîze la a-earə̂ ndə̂ma Ndjapä, ânyë ngâ akrə tô ndjë bhândə̂ akuzü, kə̈ nə̂ lakə̂ tö pö sə̈ andjê, andjê djêâbo ma yê balë tee-a.›»

Rômo 14:13

Azə̈ gbötə̂ kə̂ jende tə̂ azə̂ lə̂ gbâtə̂ azə̂-ê. Praâbalë rə ndə̂ nyë wâ ndə̂kə̂ nyïkrə rə̂ tə̂ su nyê kä âtə: Nyë kösə̂ kə̂ za täme lə̂ köbo ngâ nyê âdəndjë rə̂ ndə̂kə̂ mbo rə̂ pä tche te lə̂ ngbongbo rə-ê.

Rômo 16:17

Arə̂mä, rə ndə̂ mê yûkû nə̈ sə̈ nyê kä âtə: La nyê gbö tə̂ azü ndə̂ andjë nə la apö ndə̂ âkrʉ tchə̂lə̂ azü la apö ndə̂ âmbo rə̂ pä azü te lə̂ ngbongbo rə. Azü nə̈ gbôtə̂ köbo pö ndə̂ ârâ nyîsə̂ nə̈ sə̈ andjê lâme nə̂. Nyë gïtə̂ nyê tə̂ azü lâme bhâchï.

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 11:19

Äwäpä tchə̂lə̂ tə̂ nyê krʉ-ê, ânyë a wun andjanə̈ lə̂ gûtə̂ nyê ndə̂ andjë wâtə̂ adjîrə̂ azü.

Dokʉ̈ Körɛ̂nte 8:13

Bëte rə̂ kä, âdə kɨ̈zɨ̂ kä ndə̂ âmbo rə̂ pä ngâ mê te, mê kä zɨ bata gûsû balë tee-a, ânyë ngâ mê teabô tê lə̂ köbosə̂ nə̈-ê.

Dokʉ̈ Timotë 4:1

Kpɨ̂ki Yingö tö rə̂ kraâ päkëdə̂: Lə̂ adɨ̂ alö âtə, angâ azü âgboadje tə̂ köbo su andjê ndə̂ andjë zâ rə̂ sə̈ Krîsiti, kə̂ zadje tə̂ andjê sə̈ ayingö ndə̂ âbolo azü, lakə̂ nyisə̂ rə ndə̂ âtô bhândə̂ angbongbo atchozö.

Apökälîbïchi 2:14

Praâbalë angâ arə kä tâ ndə̂ më nyîndə̂ kə̂ gbɨtɨ tü zə̈ pânə̈: Angâ azü kä bhândə̂ zə̈ ndə̂ andjë zâ tchêngbâ Bälâme lakə̂ nyisə̂ rə ndə̂ yê. Bälâme zä wängö alême sə̈ Bälâke ndə̂kə̂ pa tche dro kû tə̂ abechë gö ndə̂ Isarayële lakə̂ zro andjê ndə̂kə̂ pa andjë zɨ gûsû ndə̂ a wâ rə̂ la ngela sə̈ angakʉ̈lä, ndjë ndə̂kə̂ gbotə̂ köbo lëge Ndjapä.

Apökälîbïchi 2:20

Praâbalë rə ndə̂ më nyîndə̂ kə̂ gbɨtɨ tü zə̈ pânə̈ də̈ rə̂ ndə̂: Mo gbötə̂ köbo sə̈ Jëzäbêle, ɛ̈chë lâme ndə̂ tche tô rə̂ pâ anyë sə̈ lakə̂ to ndə̂ma Ndjapä. Tche mbö rə̂ pä köbo yu tə̂ azü ndə̂ mê, kə̈ sə̂ lakə̂ nyïsə̂ köbo sə̈ andjê ndə̂kə̂ gbotə̂ köbo lëge Ndjapä, lakə̂ zɨ kɨ̈zɨ̂ ndə̂ a wâ rə̂ la ngela sə̈ angakʉ̈lä.