Lûke 16:9 - Mbëtï Ndjapä: TÄFO MADƗ̈

⁹ Jezü kä tô rə̂ sə̈ andjê päkëdə̂: «Andə̂ me nə̈, më tô rə̂ sə̈ nyë päkëdə̂: Arə tchêbêche âtə ndə̂ âbolo azü lâme, nyë kʉ̈ rə̂ kə̂ za könô sə̈ araagü nyê la rə̂, ânyë lo nə̈ ndə̂ arə nə̈ lâme âwabô wâ tchânə̂ nyê, andjê kʉadje nyê lə̂ anda ndə̂ logbɛ̂ logbɛ̂.

Lûke 16:9 Iomraidhean Croise

Matiyə̈ 19:21

Jezü tô rə̂ sə̈ tchë päkëdə̂: «Âdə mo ânyində̂ kə̂ dâkâ gbɛ̂, amö gu, kə̂ ka arə gbɛ̂ ndə̂ mo wâ la rə̂, kə̂ kʉ makətche nə̈ sə̈ a-earə̂ yûkü, ânyë kə̂ gbo rə ngbânə̈ bhâ lafô. La tchêngbâ nə̈ mo nə ngbâ mê.»

Matiyə̈ 6:19

«Nyë pälabô arə ndə̂ nyê pâla pâ cho âtə-ê, ndə̂ ako la asökö ndɨ rə̂ âdəndjë a-earə̂ ngbä koa manda ndə̂kə̂ zɨ ngbä nə̈ lâme-ê.

Matiyə̈ 6:24

«Akrə balë wâbo ndə̂kə̂ mbo kua sə̈ agbölö azü bïchuû-a. Bëte tchê koadje sə̂ ngânə̈ balë ânyë kə̂ nyiadje ndə̂ ngânə̈ balë. Âdəndjë rə̂ tchê zadje tə̂ yê gbɛ̂ sə̈ dokʉ̈ nə̈ ânyë kə̂ koadje sə̂ bïchuû nə̈. Âwâbo pä nyë mbo kua sə̈ Ndjapä, kə̂ ngbo rə̂ la kua makətche-a.»

Lûke 11:41

Nyë kʉ̈ arə ndə̂ âwâ lə̂ kangûchi la kalângʉ ndə̂ nyê gbɛ̂ sə̈ a-earə̂ yûkü, ânyë arə gbɛ̂ wadje vuu tə̂ pö ndə̂ nyê.

Lûke 12:33

Äwäpä nyë ka arə ndə̂ nyê kə̂ kʉ makətche nə̈ sə̈ a-earə̂ yûkü. Äwäpä nyë pu köbo ndə̂kə̂ gbo kədjâ-makətche ndə̂ âwâbô wâ ndə̂kə̂ ndɨ-î. Nyë päla arə ndə̂ nyê bhâ lafô, ânyë âyuabô yû balë-ê. Bhâye, ngâ earə̂ ngbä ndoabô la rə̂ tee-a, ako zɨabô ndjë rə̂ tee-a.

Lûke 14:14

Mo âwa me la mômô bëte andjê giabô rə ndə̂ zə̈ sə̈ mö ëngbânə̈ tee-a. Ndjapä âgiadje rə̂ sə̈ mö ëngbânə̈, tə̂ lo nə̈ ndə̂ adjîrə̂ azü joadje lə̂ kuzü.»

Lûke 16:11

Âdə nyê âmboabô rə mbô djîrə̂ la arə tchêbêche âtə ndə̂ âbolo azü, tchabâ kä ndə̂ âkʉadje alëge arə sə̈ nyê ndə̂kə̂ pa nyë wun tchô pânə̈?

Lûke 16:13

«Earə̂ kua balë wâbo ndə̂kə̂ mbo kua sə̈ agbölö azü bïchuû-a. Bëte tchê koadje sə̂ ngânə̈ balë ânyë kə̂ nyiadje ndə̂ ngânə̈ balë. Âdəndjë rə̂ tchê zadje tə̂ yê gbɛ̂ sə̈ dokʉ̈ nə̈ ânyë kə̂ koadje sə̂ bïchuû nə̈. Âwâbo pä nyë mbo kua sə̈ Ndjapä, kə̂ ngbo rə̂ la kua makətche-a.»

Lûke 16:4

Më wûnsə̂ rə ndə̂ mê mbo rə̂ nə̂! Âdə a âji mê tə̂ ma kua nə̂, azü zadje mê bhândə̂ andjê!›

Abadjângele 10:31

Tche tô rə̂ sə̈ mê päkëdə̂: ‹Körönɛ̈ye! Ndjapä djê apö ndə̂ mo tô rə̂ sə̈ tchë lâme nə̂. Atchôtchô arə ndə̂ mo kʉ̂ rə̂ sə̈ a-earə̂ yûkü lâme, sə̂nə̈ yûâbo tə̂ yê-a.

Abadjângele 10:4

Gbô la Körönɛ̈ye kä lakə̂ wun ânje nə̈; wawa mbô tchë ânyë tche tô rə̂ päkëdə̂: «Giamâ kä, Gbölö Gbïɛ̈?» Ânje nə̈ tô rə̂ ndə̂nə̈ sə̈ tchë päkëdə̂: «Apö ndə̂ mo tô rə̂ sə̈ Ndjapä la arə ndə̂ mo kʉ̂ rə̂ sə̈ a-earə̂ yûkü lâme, tche nyîndə̂ nə̈ nə̂, sə̂nə̈ yûâbo tə̂ yê-a.

Bïchuû Körɛ̂nte 4:17

Nyonyo ndə̂ azə̈ wun rə̂ angêta wä ndə̂ angâ alö ndə̂kə̂ pa änyikrə azə̂ bëte golowäre ndə̂ âwâ logbɛ̂ logbɛ̂, ndə̂ ârô masə̂nə̈.

Jûde 1:21

Nyë ndə̈po lə̂kə̂ nyində̂ nyê ndə̂ Ndjapä nyîndə̂ nyê lâme. Nyë sə̈ bëte tchîsûwu ndə̂ logbɛ̂ logbɛ̂ ndə̂ Gbölö Gbïɛ̈ ndə̂ azə̂ Jezü Krîsiti zadje rə̂ sə̈ nyê lə̂ köbosə̂ dâkâ ndə̂ yê.