Lûke 16:6 - Mbëtï Ndjapä: TÄFO MADƗ̈

⁶ Earə̂ geda nə̈ tô rə̂ päkëdə̂: ‹Tûku ndə̂ kâdâ ngbangbo balë.› Earə̂ kə̂ bata rə nə̈ tô rə̂ päkëdə̂: ‹Mbëtï geda ndə̂ zə̈ kä âtə. Amö sə bêche gasa-ê, kə̂ mbo rə̂ la mbëtï nə̈ pä äwä ngbâ tə̂ azü bïchuû la lə̂ könô gbɛ̂.›

Lûke 16:6 Iomraidhean Croise

Matiyə̈ 20:8

«La zɨtɨ tchêndə̂gölo, earə̂ kɨ̈ndɨ̈ vînye nə̈ tô rə̂ sə̈ kabïta ndə̂ yê päkëdə̂: ‹Amö e azü kua nə̈ gbɛ̂ kə̈ kʉ̂ makətche ndə̂ andjê sə̈ andjê. Amö dokʉ̈tchê tə̂ andjanə̈ ndə̂ më ê andjê dəngbânə̈ lâme, ânyë kə̂ wutu tə̂ andjanə̈ ndə̂ më ê andjê dokʉ̈tchê lâme.›

Lûke 16:12

Âdə nyë âmboabô rə mbô djîrə̂ la arə ndə̂ âwâtə̂ andə̂ ngâ akrə, tchabâ kä ndə̂ âzadje rə sə̈ nyê ndə̂ âwâtə̂ andə̂ nye nə̈?

Lûke 16:5

Earə̂ kə̂ bata rə lâme ê azü ndə̂ geda ndə̂ gbölö akrə ndə̂ yê wâ lə̂ küma andjê balë balë gbɛ̂. Tche yû dokʉ̈ earə̂ geda nə̈ päkëdə̂: ‹Geda ndə̂ gbölö akrə ndə̂ mê wä lə̂ küma zə̈ atöko?›

Lûke 16:7

Pânə̈ tche yû ngânə̈ päkëdə̂: ‹Ânyë momö, andə̂ zə nə̈ wä atöko?› Earə̂ geda nə̈ tô rə̂ päkëdə̂: ‹Sâke ndə̂ ndjî kändä ngbangbo balë.› Earə̂ kə̂ bata rə nə̈ tô rə̂ sə̈ tchë päkëdə̂: ‹Mbëtï geda ndə̂ zə̈ kä âtə. Amö mbo rə̂ la mbëtï nə̈ päkëdə̂: Äwä sâke ndə̂ ndjî kändä tə̂ azü vöanə̈.›

Lûke 16:9

Jezü kä tô rə̂ sə̈ andjê päkëdə̂: «Andə̂ me nə̈, më tô rə̂ sə̈ nyë päkëdə̂: Arə tchêbêche âtə ndə̂ âbolo azü lâme, nyë kʉ̈ rə̂ kə̂ za könô sə̈ araagü nyê la rə̂, ânyë lo nə̈ ndə̂ arə nə̈ lâme âwabô wâ tchânə̂ nyê, andjê kʉadje nyê lə̂ anda ndə̂ logbɛ̂ logbɛ̂.

Jâan 2:6

Lə̂ kpülü nə̈ lâme, alüsû mïndûu manə̈ balë ndə̂ a sôâ rə̂ la täme kä tâ. Ajuîfu djütu tchê kʉ̂tê andjê lə̂nə̈, ânyë kə̂ to pö sə̈ Ndjapä. Lüsû balë kʉ̈ lîtere ngbangbo balë.

Tîte 2:10

Âwâbo pä andjë zɨ ngbä arə ndə̂ andjê-a, praâbalë äwäpä andjë nyisə̂ djîrə̂ kə̂ mbo rə ndə̂ andjê logbɛ̂, käko ânyë lə̂ arə gbɛ̂ ndə̂ andjë mbo rə̂, âza köbo sə̈ azü ndə̂kə̂ lusə̂ köbo rə ndə̂ ârâ nyisə̂ nə̈ pâ Ndjapä, Earə̂ kə̂ tcha azə̂.