Lûke 16:3 - Mbëtï Ndjapä: TÄFO MADƗ̈

³ Earə̂ kə̂ bata rə lâme tô rə̂ bhâtə̂ su yê päkëdə̂: ‹Ndə̂ gbölö akrə ndə̂ mê nyîndə̂ kə̂ ji mê tə̂ ma kua âtə, më âmbo atöko? Më wâbo la gbôgbô ndə̂kə̂ djo kɨ̈ndɨ̈-a, ganô ndə̂kə̂ mbo jêndê pâ köbo mbö mê mbö.

Lûke 16:3 Iomraidhean Croise

Matiyə̈ 20:8

«La zɨtɨ tchêndə̂gölo, earə̂ kɨ̈ndɨ̈ vînye nə̈ tô rə̂ sə̈ kabïta ndə̂ yê päkëdə̂: ‹Amö e azü kua nə̈ gbɛ̂ kə̈ kʉ̂ makətche ndə̂ andjê sə̈ andjê. Amö dokʉ̈tchê tə̂ andjanə̈ ndə̂ më ê andjê dəngbânə̈ lâme, ânyë kə̂ wutu tə̂ andjanə̈ ndə̂ më ê andjê dokʉ̈tchê lâme.›

Mâreke 10:46

Andjë wûtu bhâ Jerikö. Ndə̂ Jezü la adjisîpili ndə̂ yê âsə̈ wutu la ngâ gbölö kpûlû azü lə̂ gö nə̈ lâme, Bartimë, modô ndə̂ Timë, ndə̂ la yê fô, sə̂ bêche tə̂ ma köbo lakə̂ yukû rə tchânə̂ azü.

Lûke 12:17

Tche zâ küma yê kə̈ tô rə̂ päkëdə̂: ‹Më âmbo atöko? Më wâbo la tchô ndə̂kə̂ kʉ arəgʉ ndə̂ mê tâ-a.›

Lûke 16:2

Gbölö akrə lâme ê earə̂ kua nə̈, kə̈ tô rə̂ sə̈ tchë päkëdə̂: ‹Pö giamâ kä ndə̂ më djê rə̂ tə̂ zə̈ kâkë? Amö nyisə̂ tchêngbâ kə̈ bata rə ndə̂ zə̈ sə̈ mê! Bëte më nyî bata ndə̂nə̈ pä mo ka wûn tchô pâ arə ndə̂ mê-a.›

Lûke 16:20

Ngâ earə̂ yûkü ndə̂ rə̈ yê wû pä Lazäre kä lakə̂ lo tchâtchu manda ndə̂ yê, ndə̂ ku zâ kʉ̂tê yê gbɛ̂.

Lûke 16:22

Tə̂ngâlo, earə̂ yûkü nə̈ lâme tchu-î, ânyë aânje ndə̂ Ndjapä zâ tchë, kə̈ ê la tchë bhâ ndrotə̂ Abrahâmo. Earə̂ rə lâme tchû ndjë-ê, ânyë a chî tchë.

Lûke 16:4

Më wûnsə̂ rə ndə̂ mê mbo rə̂ nə̂! Âdə a âji mê tə̂ ma kua nə̂, azü zadje mê bhândə̂ andjê!›

Lûke 18:4

Earə̂ kə̂ wa ngbanga nə̈ nyîâbo tchê ndə̂nə̈-a. Pânə̈ tche tô rə̂ bhâtə̂ su yê päkëdə̂: ‹Tə̂ lëge nə̈ më wûnsə̂ nə̈ nə̂ pä më kpêâbo wa Ndjapä-a, kə̈ lûâbo sə̂ ngâ akrə balë-a.

Jâan 9:8

Azü ndə̂ andjë lô ndola nda ndə̂ yê la angâ azü ndə̂ andjë wûn tchë dokʉ̈tchê lakə̂ yukû rə tchânə̂ azü lâme, andjë tô rə̂ päkëdə̂: «Âdə̂âbô köchë ndə̂ tche sə̂ bêche alême lakə̂ yukû rə tchânə̂ azü lâme kä âtə?»

Abadjângele 3:2

Ngâ köchë kä tâ ndə̂ a zɨ̂ tchë, dëkë tche ngêwele nə̂. A nə̈ tchê la tchë logbɛ̂ kə̂ za tchë lə̂ manda gbölö nda Ndjapä ndə̂ rə̈ nə̈ wû pä «Tchôtchô manda», ndə̂kə̂ pa tche yukû rə tchânə̂ azü ndə̂ andjë li atə̂lə̂ gbölö nda Ndjapä nə̈.

Abadjângele 9:6

Praâbalë amö alafô, kə̈ lî atə̂lə̂ gö nə̈, a âtoadje sə̂ rə ndə̂ mo wâ ndə̂kə̂ mbo rə̂.»

Bïchuû Tësälönîke 3:11

Dëkë ârâ djë rə̂ pä angâ azü lə̂ gbâtə̂ nyê də̈ a-earə̂ dö, andjë mbôâbo ngâ kua balë-a, kə̂ yi kütû ma andjê lə̂ pö ndə̂ angâ andjê.