Lûke 16:22 - Mbëtï Ndjapä: TÄFO MADƗ̈

²² Tə̂ngâlo, earə̂ yûkü nə̈ lâme tchu-î, ânyë aânje ndə̂ Ndjapä zâ tchë, kə̈ ê la tchë bhâ ndrotə̂ Abrahâmo. Earə̂ rə lâme tchû ndjë-ê, ânyë a chî tchë.

Lûke 16:22 Iomraidhean Croise

Matiyə̈ 18:10

«La nyê gbö-ê! Nyë wün-äbô ngâ yɛ̈yɛ̈ bechë wûn lə̂ gûtə̂ ayɛ̈yɛ̈ abechë âtə batə̂ mbämbä akrə-ê. Më tö rə̂ sə̈ nyê, aânje ndə̂ ayɛ̈yɛ̈ abechë âtə kä bhâ tchâtchu Bha mê bhâ lafô. [

Matiyə̈ 24:31

Ndə̂ gbölö tätälîtä âsə̈ kɨ, Modô ndə̂ akrə wan-dje aânje katchôgbɛ̂ lə̂ angongo cho voanə̈ ndə̂ tchêbêche ndə̂kə̂ pala azü ndə̂ tche dɨ̂ andjê.»

Matiyə̈ 8:11

Më tö rə̂ sə̈ nyê, angbängbä azü ânəadje dəsə̂nə̈ ndə̂ lo wutu tâ, ndjë dəsə̂nə̈ ndə̂ lo li tâ ndə̂kə̂ sə lə̂ kpülü ndə̂kə̂ zɨ rə la Abrahâmo, la Izâke, la Jakôbo bhâlə̂ Gbölö gö-gbïɛ̈ ndə̂ tchêlafô.

Mâreke 8:36

Âdə akrə âgbo arə tchêbêche âtə gbɛ̂, ânyë tchîsûwu ndə̂ yê yû, giamâ kä ndə̂ tche gbo rə̂ ngbânə̈?

Lûke 12:20

Praâbalë Ndjapä tô rə̂ sə̈ tchë päkëdə̂: ‹Köchë ndə̂ küma zə̈ wâbô wâ lanə̈ âtə! Lə̂ bütchî âtə, a âyuadje kû vrö zə̈. Ânyë arə ndə̂ zə̈ gbɛ̂ ndə̂ mo bâta rə̂ lâme, mo bäta rə̂ bëte tchabâ?›»

Lûke 16:21

Tche kä la gʉ ndə̂kə̂ zɨ akʉzro kɨ̈zɨ̂ ndə̂ âsə lakə̂ tu bêche tchâtchâ ɛ̈ gbalâka kɨ̈zɨ̂ ndə̂ earə̂ rə lâme. Pâ arə lâme gbɛ̂, aɛ̈vrô nə̈, kə̂ la tchêla ku tə̂ yê.

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Jâan 13:23

Ngâ djisîpili lə̂ gûtə̂ andjê ndə̂ Jezü nyîndə̂ yê tə̂ gbölösə̂nə̈ sə̂ ndrotə̂ Jezü.

Jâan 21:20

Pîêre djêtə̂ yê kə̈ wûn djisîpili ndə̂ Jezü nyïndə̂ yê, tchanə̈ ndə̂ tche dɨ̂tə̂ yê ëla ngbôgo Jezü tə̂ ma kɨ̈zɨ̂ lâme, ânyë kə̈ yû tchë päkëdə̂: «Gbölö Gbïɛ̈, tchabâ kä ndə̂ âyosə̂ zə̈?»

Aheborö 1:14

Aânje gbɛ̂ də̂âbo atchozö ndə̂ andjë mbo kua sə̈ Ndjapä? Tche wän andjê ndə̂kə̂ za könô sə̈ azü ndə̂ andjë wâ ndə̂kə̂ tcha lə̂ kuzü.

Aheborö 2:14

Bëte rə̂ ndə̂ abechë nə̈ lâme wâ la tə̂ akrə la jï akrə balë, Jezü la tə̂ yê dötə̂ yê kə̈ wâ ndjë batə̂ andjê, ânyë kə̈ zâ tə̂ akrə. Käko lə̂ köbosə̂ kuzü ndə̂ yê, tche ndɨ̂ gbôgbô ndə̂ Jâbolo ndə̂ tche wâ la rə̂ alême pâ kuzü,

Jâke 1:11

Lo wütu, tchô wo tə̂ gbölösə̂nə̈, kə̂ hro güsü, ânyë nyînyî nə̈ hro kə̂ tu atə̂ bêche, tchâme, kə̂ fu ndə̂nə̈ yu-î. Ârə̂ âwa ndjë me käko tə̂ earə̂ rə, tchê tchuadje lə̂ akua ndə̂ yê gbɛ̂.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Apökälîbïchi 14:13

Pânə̈ më kâ djê ngâ tchə̂lə̂ gɨ̈ bhâ lafô päkëdə̂: «Mbo pö âtə lə̂ mbëtï päkëdə̂: ‹Mômô kä tə̂ azü ndə̂ andjë tchû angêta bëte kua ndə̂ Gbölö Gbïɛ̈!› ‹Ɛn-ɛn, Kpɨ̂ki Yingö tö rə̂ päkëdə̂: Mômô kä tə̂ andjê. Andjê yadje tə̂ andjê la tchêngbâ gbôgbô kua ndə̂ andjë mbô rə̂, bëte kua ndə̂ andjë mbô rə̂ lâme zä tchêngbâ andjê!›»