Lûke 16:16 - Mbëtï Ndjapä: TÄFO MADƗ̈

¹⁶ «Ndïɛ̈ ndə̂ Möyîze la a-Mbëtï ndə̂ a-earə̂ ndə̂ma Ndjapä nyïsə̂ köbo sə̈ azü zoo ëtə̂ lo nə̈ ndə̂ Jâan-Batîse wûtu. Ätö tə̂ lö nə̈ lâme, a nyïsə̂ Tchôtchô Pö ndə̂ Gbölö gö-gbïɛ̈ ndə̂ Ndjapä sə̈ azü, ânyë azü kä lakə̂ mbo gbôgbô gbɛ̂ ndə̂kə̂ li atə̂lə̂ nə̈.

Lûke 16:16 Iomraidhean Croise

Matiyə̈ 10:7

Nyë âsə̈ e, nyë mü Tchôtchô Pö sə̈ azü päkëdə̂: ‹Kə̂ mbo kümändëmä ndə̂ Ndjapä pâ nyê ndô nə̂.›

Matiyə̈ 15:11

Âdə̂âbo rə ndə̂ âli atə̂lə̂ akrə kä ndə̂ âmbo rə̂ pä tchë wa la kâkpö-a. Praâbalë rə ndə̂ âwutu lə̂ ma akrə kä ndə̂ âmbo rə̂ pä tche wa la kâkpö.»

Matiyə̈ 21:32

Bëte Jâan nə̈ alême pu nyê, kə̈ nyîsə̂ köbo ndə̂kə̂ mbo djîrə̂ rə sə̈ nyê, praâbalë nyë gâmbabô pö ndə̂ yê-a. Kütû a-earə̂ kə̂ pala makətche-lapöo la aɛ̈chë ndə̂ kua ndə̂ andjê wâ kütû ndə̂kə̂ pu aköchë lâme kä ndə̂ âgâmba pö ndə̂ yê. Nyë wûn rə lâme nə̂ gbɛ̂, praâbalë kə̈ nyîkrəabô su nyê ndə̂kə̂ gamba pö ndə̂ yê-a.»

Matiyə̈ 3:2

Tche tö rə̂ päkëdə̂: «Äwäpä nyë gbotə̂ bəndɨ kə̂ mbo rə ndə̂ nyê, bëte lo kə̂ mbo kümändëmä ndə̂ Ndjapä pâ nyê ndô nə̂.»

Matiyə̈ 4:17

Tə̂ lo nə̈ lâme Jezü jêtə̂ kə̂ mu pö. Tche tö rə̂ päkëdə̂: «Äwäpä nyë gbotə̂ bəndɨ kə̂ mbo rə ndə̂ nyê, bëte lo kə̂ mbo kümändëmä ndə̂ Ndjapä pâ nyê ndô nə̂.»

Matiyə̈ 4:23

Jezü nə̈ kulə̂ agö ndə̂ Galilë gbɛ̂. Tche nyïsə̂ rə sə̈ azü lə̂ anda kə̂ voga Ndjapä ndə̂ ajuîfu lə̂ gö nə̈. Tche mü Tchôtchô Pö ndə̂ Gbölö gö-gbïɛ̈ ndə̂ tchêlafô. Tche tchä a-earə̂ tə̂kömbô la azü ndə̂ ngâ tchâme-tə̂ andjê ndɨ̂.

Mâreke 1:14

La tchêngbâ nə̈ ndə̂ a yî Jâan bhâlə̂ nda kânga, Jezü ê atə̂ Galilë kə̈ mû Tchôtchô Pö ndə̂ Ndjapä sə̈ azü.

Mâreke 1:45

Praâbalë köchë lâme gîtə̂ yê kpro kâkë, kə̈ sə̂ lakə̂ on la pö nə̈, kə̈ tô pö ndə̂nə̈ sə̈ azü gbɛ̂. Ädə̈ käko ânyë Jezü kä wâbo ndə̂kə̂ li lə̂ angâ agö lə̂ la azü-a, praâbalë tche ê atə̂lə̂ kpaɛ̈gâ. Azü nə̂ pu tchë kulə̂ atchô gbɛ̂.

Lûke 10:11

‹Ârâ âgʉgʉ acho ndə̂ gö ndə̂ nyê ndə̂ âpî tchâda ârâ ndə̂kə̂ gi rə̂ sə̈ nyê ëngbânə̈. Praâbalë äwäpä nyë wunsə̂ nə̈ pä Gbölö gö-gbïɛ̈ ndə̂ Ndjapä ndô la nyê nə̂.›

Lûke 10:9

Nyë tchä a-earə̂ tə̂kömbô lə̂ gö nə̈, kə̂ to rə̂ sə̈ azü gö nə̈ päkëdə̂: ‹Gbölö gö-gbïɛ̈ ndə̂ Ndjapä ndô la nyê nə̂.›

Lûke 16:29

Abrahâmo tô rə̂ ndə̂nə̈ sə̈ tchë päkëdə̂: ‹Ndïɛ̈ ndə̂ Möyîze la mbëtï ndə̂ a-earə̂ ndə̂ma Ndjapä kä lə̂ gbâtə̂ andjê, äwäpä andjë dje andjê.›

Lûke 16:31

Praâbalë Abrahâmo tô rə̂ päkëdə̂: ‹Âdə andjë ânyiabô nyîndə̂ kə̂ djë ma Möyîze la a-earə̂ ndə̂ma Ndjapä, ânyë ngâ akrə tô ndjë bhândə̂ akuzü, kə̈ nə̂ lakə̂ tö pö sə̈ andjê, andjê djêâbo ma yê balë tee-a.›»

Lûke 9:2

Pânə̈ tche wân andjê ndə̂kə̂ mu pö ndə̂ Gbölö gö-gbïɛ̈ ndə̂ Ndjapä, lakə̂ tcha a-earə̂ tə̂kömbô.

Jâan 1:45

Pânə̈ Fïlîpe gbô Nätänäyêle kə̈ tô rə̂ sə̈ tchë päkëdə̂: «Akrə ndə̂ Möyîze tô pö ndə̂ yê lə̂ Mbëtï-ndïɛ̈ alême, ânyë a-earə̂ ndə̂ma Ndjapä tô ndjë pö ndə̂ yê lâme, azə̈ gbô tchë nə̂. Rə̈ yê wü pä Jezü. Tche də̈ modô ndə̂ Jozêfu, akrə gö ndə̂ Näzärête.»

Jâan 11:48

Âdə azə̂ âgbotâ käko, azü gbɛ̂ zadje su andjê sə̈ tchê. Azü ndə̂ Rômo nəadje ndə̂kə̂ ndɨ gbölö nda Ndjapä ndə̂ azə̂ la azü gö ndə̂ azə̂!»

Jâan 12:19

Käko afarizïɛ̈n tô rə̂ lə̂ gbâtə̂ andjê päkëdə̂: «Nyë wûn rə̂ tchâme nə̂ pä ngâ rə ndə̂ nyê kä mbo rə̂ wâbo-a. Azü gbɛ̂ zä tchêngbâ yê.»

Jâan 5:4

Bëte ngâ ânje ndə̂ Gbölö Gbïɛ̈ jrë tə̂ngâlo lə̂ ngû nə̈ ndə̂kə̂ mbo rə̂ pä ngû nə̈ tro. Dokʉ̈ earə̂ tə̂kömbô nə̈ ndə̂ tche jre lə̂ ngû nə̈ pânə̈ ndə̂ âtrô lâme, tə̂kömbô ndə̂ yê nə̈ âmbo tchë atöko, tche tcha-ê.]

Abadjângele 3:18

Praâbalë Ndjapä mbö rə gundə̂sə̂ nə̈ ndə̂ tche tô rə̂ lə̂ ma a-earə̂ ndə̂ma yê alême. Tche tö rə̂ päkëdə̂: Krîsiti wun-adje yûkü.